प्रेरितां रे कम्म 25:3 - चम्बयाली नौआ नियम

³ ते से अप्पु तांइ तिसका छन्दे करी के पौलुस रे खिलाफ बोलणा लगे कि से तिसजो यरुशलेम अन्दर सदवाओ, किजोकी से तिसजो रस्ते अन्दर ही मारी रखणे री भाल बिच थिये।

प्रेरितां रे कम्म 25:3 ပူးပေါင်းရင်းမြစ်များ

यूहन्ना 16:3

अते तिन्हा ने इय्यां इधेरे तांइ करणा किजोकी तिन्हा ने ना ता स्वर्ग बिच रैह्णे वाले पिता जो जाणेया ते ना ही मेरे जो जाणेया,

प्रेरितां रे कम्म 9:2

ते तिसका दमिश्क कस्बे रे सभास्थल रे नां पर इस गल्ल पर चीठ्ठियां मगीं कि कै मर्द ते कै जनानी, जे भी मसीह यीशु रे पंथ पर चलदे, तिन्हा जो कैद करी के यरुशलेम सहर लेई आए।

प्रेरितां रे कम्म 9:24

पर तिन्हेरी योजना रा शाऊल जो पता लग्गी गेया से तां तिसजो मारी रखणे तांइ दिन-रात दरवाज्जेयां का बेई रैहन्दे थिये।

रोमियों 3:8

किच्‍छ मणू असा पर ए इल्जाम लांदे कि असी लोक्कां जो इय्यां सिखांदे, “आओ असी बुराई करदे रैह्ण, ताकि जादा भलाई हो। पर इदेइ इल्जाम लाणे वाले मणू सजा जोग्गे हिन।”

2 कुरुन्थियों 11:26

मैं घड़ी-घड़ी यात्रा अन्दर दरिया रे जोखिमां अन्दर, ड़ाकुआं रे जोखिमां अन्दर, अपणी जात वाले मणूआं रे जोखिमां अन्दर, गैर यहूदियां रे जोखिमां अन्दर, सहरां रे जोखिमां, अन्दर बणां रे जोखिमां अन्दर, समुन्दर रे जोखिमां अन्दर, झूठे विश्वासियां रे मझाटे जोखिमां अन्दर रेया।