प्रेरितां रे कम्म 23:9 - चम्बयाली नौआ नियम

⁹ फिरी बड़ा रोला पेई गेया ते किच्‍छ शास्त्रि जे कि फरीसी थिये, उठी होए ते ए बोल्ली करी बैह्स-बाजी करणा लग्गी पये, असा जो इस मणू अन्दर कोई खराबी नी मिल्ली, शायद कुसकी दुष्टात्मा या स्वर्गदूत ने तिस कने गल्ल कित्ती हो।

प्रेरितां रे कम्म 23:9 ပူးပေါင်းရင်းမြစ်များ

मरकुस 2:16

शास्त्रियां ते फरीसियां ने ए दिख्खी करी कि से पाप्पियां ते चुंगी लैणे वालेया कने रोट्टी खाया करदा है, उन्हा रे चेल्‍लेयां जो बोल्लेया, से तां चुंगी लैणे वाले ते पाप्पियां कने खादां पीदां।

लूका 23:22

पिलातुस ने मणूआं का तिज्जी वरी पूच्छेया, इस मणू री कै गलती है? मेरे जो इसेरे खिलाफ कोई इदेयी गल्ल नी लिब्बी जे मैं इसजो मौत री सजा देयां इधेरे तांइ मैं इसजो बेत लगवाई करी छडी दिन्दा

लूका 23:4

इस गल्ल पर पिलातुस ने बड्डे पुरोत्त अते मणूआं जो बोल्लेया, मेरे जो इस मणू पर कोई भी बुराई नजर नी आया करदी है

लूका 5:30

तां फरीसी ते यहूदी शास्त्रि, यीशु रे चेल्‍लेयां कने सिकाइत करणा लगे, तुसा यहूदी होई करी चुंगी लैणे वाले ते पापी मणूआं कने किय्यां खाणा-पीणा बेई जान्दे?

यूहन्ना 12:29

तां जे मणू खड़ित्ते रे सूणदे थिये उन्हा ने बोल्लेया कि बद्दल गरजेया, दुज्जयां ने बोल्लेया, कोई स्वर्गदूत उस कने बोल्लेया।

प्रेरितां रे कम्म 11:17

हलांकि तिन्हा जो भी से ही दान मिल्लेया, जे असा जो मसीह यीशु पर विश्वास करणे रे जरिए मिल्लेया थिया, तां मैं कुण है जे परमेश्वर जो रोकी सकदा?

प्रेरितां रे कम्म 22:6

जां मैं चलदे-चलदे दमिश्क कस्बे रे नेड़े पूज्जेया, तां इय्यां होया कि कोई धियाड़ी बेल्ले चाणचक्के ही इक्क बड्डी रौसनी आसमान का मेरे चारो पास्से चमकी।

प्रेरितां रे कम्म 22:7

अते मैं थल्ले जमीन पर पेई गेया ते ए अवाज सूणी, “ओ शाऊल, ओ शाऊल, तू मेरे जो किजो तंग करदा?”

प्रेरितां रे कम्म 23:29

तां मेरे जो पता लग्गेया कि से अपणी मूसा रे कानून री गल्लां री वजह कने इस पर इल्जाम लाया करदे हिन, पर मारी रखणे जोग्गी या बह्न्नी रखणे जोग्गी इस अन्दर कोई बुराई नी है

प्रेरितां रे कम्म 23:8

किजोकी सदूकी मणू तां ए बोलदे कि, ना फिरी जिन्दे होई जाणा सच है, ना स्वर्गदूत अते ना ही दुष्टात्मा हुंदी पर फरीसी इन्हा सबणी गल्लां जो मन्दे

प्रेरितां रे कम्म 25:25

पर मेरे जो पता लग्गी गेया कि इनिए इदेया किच्‍छ भी नी कित्ते रा है कि इसजो मारी रख्खेया जाओ अते हालांकि इनिए अप्पु ही सम्राट का अपणा न्याय करणे री बिनती कित्ती, तां मैं इसजो रोम सहर जो भेजणे रा फैसला लित्तेया।

प्रेरितां रे कम्म 26:31

ते जिय्यां से बाहर निकलेया करदे थिये से अप्पु-मिते बोलणा लगे, इस मणू ने इदेया तां किच्‍छ भी नी कित्ते रा है, कि इसजो मारणे री या जेल बिच ढ़पणे री सजा दित्ती जाओ।

प्रेरितां रे कम्म 27:23

किजोकी परमेश्वर जिन्हेरा मैं है, ते जिन्हेरी भक्ति करदा, तिन्हेरे स्वर्गदूत ने पिछली रात्ती मेरे का आई के बोल्लेया,

प्रेरितां रे कम्म 5:39

पर जे परमेश्वर रे पास्से का है तां तुसा तिन्हेरे कदी मिटाई नी सकगे कुते इदेया ना हो कि उसी परमेश्वर कने भी लड़ने वाले बणी जाओ

प्रेरितां रे कम्म 9:4

ते से जमीन पर पेई गेया, ते प्रभु जो ए बोलदे सूणेया, “ओ शाऊल, ओ शाऊल, तू मेरे जो किजो तगं करेया करदा है।”

1 कुरुन्थियों 10:22

जे अगर असी इय्यां करदे तां असी प्रभु जो बड़ा वरी गुस्सा चढांदे। असी परमेश्वर का जादा ताकतवर नी हिन।