प्रेरितां रे कम्म 22:4 - चम्बयाली नौआ नियम

⁴ मैं मसीह बिच विश्वास करणे वाले लोक्कां जो इन्ना जादा तंग कित्तेया कि उन्हेरे प्राण तक लेई लै मैं जनानी अते मड़दा दोनां जो बन्नी करी जेला पाई दित्तेया।

प्रेरितां रे कम्म 22:4 ပူးပေါင်းရင်းမြစ်များ

प्रेरितां रे कम्म 16:17

से पौलुस ते असा रे पीच्छे-पीच्छे आई करी लेरां मारणा लग्गी कि ए मणू परमप्रधान परमेश्वर रे सेवक हिन, जे तुसा लोक्कां जो छुटकारा रे रस्ते तांइ सुब बसेख सुणादे हिन।

प्रेरितां रे कम्म 18:26

से सभास्थल बिच निडर होई करी बोलणा लग्गेया, पर प्रिस्किल्ला ते अक्विला ने तिसेरी गल्लां सुणी करी, तिसजो अपणे घरे लेई आये ते परमेश्वर रा रस्ता तिसजो होर भी सह्ई-सह्ई बताया।

प्रेरितां रे कम्म 19:23

तिन्हा रोज्जां बिच मसीही पंथ जो लेई करी बड़ी लड़ाई होई।

प्रेरितां रे कम्म 19:9

पर जां कितणेयां ने अपणा मन कठोर करी के विश्वास नी कित्तेया, ते मणूआं रे सामणे इस पंथ जो बुरा भला बोलणा लग्गे, ते तिसने तिन्हा जो छड्डेया ते चेल्‍लेयां जो लेई करी चली गेया, ते हर रोज तुरन्नुस री पाठशाला बिच बैह्स करदा थिया ते लोक्कां जो समझांदा थिया।

प्रेरितां रे कम्म 24:14

पर मैं तेरे सामणे ए मन्नी लिन्दा कि जिस पंथ जो यहूदी अधिकारी कुपंथ बोलदे, तिसेरे ही नियम पर मैं अपणे पूरखां रे परमेश्वर री भक्ति करदा अते जे गल्लां मूसा रे कानून ते भविष्यद्वक्ता करणे वालेयां री कताबां अन्दर लिख्खे री हिन, तिन्हा सबणी पर विश्वास करदा।

प्रेरितां रे कम्म 7:58

ते तिसजो यरुशलेम सहर रे बाहर कड्डी करी तिस पर बट्टे मारी करी तिन्हेरे जो जान का मारणा लग्गी पये। स्तिफनुस रे खिलाफ गुआई दैणे वालेयां ने अपणे चोग्गे उतारी करी शाऊल नां रे इक्क जवान मणू का रख्खी दित्ते।

प्रेरितां रे कम्म 9:21

सारे सुनणे वाले ए सुणी करी हैरान होई करी बोलणे लग्गेया, कै ए सेइ मणू नी है जे यरुशलेम बिच यीशु पर विश्वास करणे वालेयां जो मुकाई दिंदा थिया, ते इत्ते भी इधेरे तांइ ही आया थिया कि तिन्हेरे एजो बन्नी करी बड्डे पुरोत्तां का लेई जाए?

1 कुरुन्थियों 15:9

किजोकी मैं प्रेरितां बिच सारेयां का छोटा है, बल्कि मैं प्रेरित केहलाणे रे जोग्गा भी नी है, किजोकी मैं परमेश्वर री कलीसिया रे लोक्कां पर जुल्म करदा हुंदा थिया।

गलातियों 1:13

तुसा जाणदे कि मैं यहूदी नियमां जो किन्ना जादा मनदा थिया, कि मैं मसीह री शिक्षा पर चलणे वालेयां पर बड़ा वरी जुल्म करदा थिया, ते परमेश्वर री कलीसिया जो नास करणे री कोसीस करदा रैहन्दा थिया।

फिलिप्पियों 3:6

ते मेरे अंदर इन्ना जोस थिया कि मैं कलीसिया जो तंग करणे वाला मणू थिया, ते यहूदी नियमां रे हिसाब कने इक्क धार्मिक मणू थिया किजोकी मैं हर कानून जो मनदा थिया।

2 पतरस 2:2

परमेश्वर रे मते लोक्कां ने इन्हा झूठ्ठे शिक्षकां रे गलत कम्मां जो करणा, ते जे चीजां से मणू करदे, तिसेरी वजह कने लोक्कां ने सही रस्ते री बुराई करणी।