प्रेरितां रे कम्म 22:30 - चम्बयाली नौआ नियम

³⁰ दूए रोज्जे पौलुस जो खरा करी जांचणे तांइ कि यहूदी इस पर किजो इल्जाम लांदे, तिसजो खोल्ली दित्तेया ते बड्डे पुरोत्तां अते सारी महा-सभा जो कठीणे रा हुकम दित्तेया, ते पौलुस जो थल्ले लेई जाई करी तिन्हेरे सामणे खड़ा करी दित्तेया।

प्रेरितां रे कम्म 22:30 ပူးပေါင်းရင်းမြစ်များ

प्रेरितां रे कम्म 23:28

मैं पता लाणा चाह्‍ंदा थिया कि से इस पर किजो इल्जाम लाया करदे हिन, इधेरे तांइ तिसजो उन्हेरी महासभा अन्दर लेई गेया

प्रेरितां रे कम्म 21:33

तां पलटन रे सरदार ने नेड़े आई करी तिसजो पकड़ी लेया ते दो संगलां कने बणने रा हुकम देई करी पूच्छणा लगेया, ए कुण है ते इनिए कै कित्ते रा है?

प्रेरितां रे कम्म 26:29

पौलुस ने बोल्लेया, परमेश्वर का मेरी प्रार्थना है कि कै थोड़े अन्दर कै मते अन्दर, सिर्फ तू ही नी पर जितणे भी मणू अज्ज मेरी सूणदे हिन, इन्हा बन्धनां जो छड्डी करी से मेरे सांई मसीही होई जाण।

प्रेरितां रे कम्म 23:15

इधेरे तांइ अवे महासभा समेत पलटन रे सरदार जो समझाओ कि तिसजो तुसा का लेई आए, ते इय्यां लग्गे कि तू तिसेरे बारे अन्दर होर भी जांच-पड़ताल करणा चाह्‍ंदा ते असी तिसेरे पुजणे का पैल्ले ही तिसजो मारी रखणे तांइ तैयार रैह्न्गे।

प्रेरितां रे कम्म 22:5

इधेरे तांइ प्रधान पुरोत्त ते मन्दिर रे बुजुर्गां री पूरी महासभा इस गल्ल री गवाह है, कि तिन्हा का मैं यहूदी विश्वासियां रे नां री चीठ्ठियां लेई करी दमिश्क कस्बे जो जाया करदा थिया ताकि जे अगर तित्ते कोई मसीह बिच विश्वास करणे मणू होण, तां तिन्हा जो भी सजा दुआणे तांइ बन्नी करी यरुशलेम अन्दर लेई आं।

प्रेरितां रे कम्म 21:11

तिनिए असा रे नेड़े आई करी पौलुस रा पटका लित्तेया, ते अपणे हत्थ पैर बन्नी करी बोल्लेया, पवित्रात्मा ए बोलदा कि जिस मणू रा ए पटका है, तिसजो यरुशलेम अन्दर यहूदी लोक्कां ने इय्यां ही बन्नणा, ते गैर यहूदी रे हत्थां सौंपी दैणा।

प्रेरितां रे कम्म 5:21

जिय्यां तिन्हा जो बोल्लेया गेया थिया, तिस हिसाब कने से भ्यागा उठी करी मन्दिर बिच जाई करी ए उपदेस दैणा लगे, तां प्रधान पुरोत्त ते तिसेरे साथिया ने आई करी महासभा जो ते इस्राएली लोक्कां रे सारे बुजुर्ग मणू जो कठेरेया ते जेलखानेयां बिच ए बोल्ली भेज्जेया कि तिन्हेरे जो लेई आए,

मत्ती 27:2

तिन्हा ने यीशु जो बन्नी दित्तेया, ते लेई जाई करी पिलातुस हाकिम रे हत्थां सौपीं दित्ता।

मत्ती 10:17

पर मणूआं का बची करी रेयो, किजोकी तिन्हा तुसा जो पंचायता बिच देई दैणा, अते तिन्हा तुसा जो अपणी सभास्थल बिच कोड़े मारणे।

मत्ती 5:22

पर मैं तुसा जो बोलदा कि जे कोई अपणे भाई पर गुस्सा करगा, तिसजो सजा मिलणी, अते जे कोई अपणे भाई जो निकम्मा बोल्ले तिसजो कचेरी बिच सजा दित्ती जाणी, अते जे कोई अपणे भ्याल जो बेवकूफ बोलगा, तिसजो नरक री आग्ग बिच पाया जाणा।

प्रेरितां रे कम्म 23:1

पौलुस ने महासभा पास्से नझाई करी दिख्खेया ते बोल्लेया, ओ संगी विश्वासियों, मैं अज्ज तक परमेश्वर तांइ बिल्कुल सच्चे विवेक कने जिन्दगी बिताये री है।

प्रेरितां रे कम्म 23:6

तां पौलुस ने ए जानणे का बाद कि तित्ते किच्‍छ सदूकी ते फरीसी मणू भी हिन, सभा बिच हक्क लाई करी बोल्लेया, ओ संगी विश्वासियों, मैं फरीसी है ते फरीसी लोक्कां रे टब्बर रा है, मुर्देयां रे फिरी जिन्दे कित्ते जाणे री गल्ल बिच आस रखणे री वजह कने मेरे पर मुकद्दमा होया करदा है।

प्रेरितां रे कम्म 23:20

तिनिए बोल्लेया, यहूदी अधिकारियां ने साजिश कित्ते री है कि तेरे का छन्दे करण कि कल पौलुस जो महासभा अन्दर अणन, ते इय्यां लग्गे कि से तिसेरे बारे अन्दर होर भी जांच-पड़ताल करणा चाह्‍ंदे होण।