प्रेरितां रे कम्म 22:16 - चम्बयाली नौआ नियम

¹⁶ अवे ऐड्डी हाण किजो लाया करदा है? उठ, बपतिस्मा लै, ते तिन्हेरा नां लै ताकि तेरे पाप माफ होई जाण।

प्रेरितां रे कम्म 22:16 ပူးပေါင်းရင်းမြစ်များ

यूहन्ना 13:8

पतरस ने तिन्हा जो बोल्लेया, तुसा मेरे पैर कदी भी नी धोई पाणे! ए सुणी करी यीशु ने तिसजो बोल्लेया, जे मैं तेरे पैर ना धोआं, तां तेरा मेरे कने कोई सांझा नी

प्रेरितां रे कम्म 2:21

ते जे कोई परमेश्वर रा नां लिदां उन्निए छुटकारा पाणा।”

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 7:59

से स्तिफनुस पर बट्टे मारदे रे ते से ए बोल्ली करी प्रार्थना करदा रेया, ओ प्रभु यीशु मेरी आत्‍मा जो अपणाई लेयो।

प्रेरितां रे कम्म 9:14

ते इत्ते भी इसजो बड्डे पुरोत्तां का अधिकार मिल्ले रा है कि तिन्हा सारे लोक्कां जो पकड़ी लये जे तुसा पर विश्वास करदे तिन्हा।

प्रेरितां रे कम्म 9:18

ते तिसी बेल्ले तिसेरी हाक्खिया का छिलके जेय पेय ते से दिखणा लग्गेया ते उठी करी बपतिस्मा लित्तेया,

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

1 कुरुन्थियों 6:11

ते तुसा बिच का मते जणे पैल्ले इदेय ही थिये, पर तुसा प्रभु यीशु मसीह ते परमेश्वर रे आत्‍मा ने तुसा रे पाप साफ कित्ते गे ते तुसा पवित्र ते धार्मिक भी ठैहराया।

इफिसियों 5:26

ताकि तिसजो अपणे वचन रे जरिए जल रे स्नान कने साफ करी के पवित्र बणाए।

तीतुस 3:5

ते परमेश्वर ने असा जो पाप री सजा मिलणे का बचाया ते ए असा रे धार्मिक कम्मां री वजह कने नी पर तिन्हा ने अपणी दया री वजह कने असा जो इक्क नौई जिन्दगी दित्ती। तिन्हा ने असा रे पाप्पां जो मिटाई दित्तेया ते असा जो इक्क नौआ स्वभाव दित्तेया। तिन्हा ए असा जो अपणा पवित्रात्मा दैणे रे जरिये कित्तेया।

इब्रानियों 10:22

इधेरे तांइ, असा जो सच्चे मन ते मसीह बिच पूरे विश्वास रख्खी करी, परमेश्वर का जाणा चाएदा। ए मसीह ही हिन, जिन्हा ने असा जो पाप्पां का बचाया ते असा जो साफ कित्ते रा है, किजोकी असा रे विवेक पर मसीह यीशु रे खून रा छिड़काव कित्तेया, जिय्यां तिन्हा ने असा रे सरीर जो पाणी कने साफ कित्तेया।

1 पतरस 3:21

पुराणे जमान्ने बिच तिन्हेरा छुटकारा अवे अज्ज रे जमान्ने बिच तिस छुटकारे रा उदारण है जे असा जो बपतिस्मा लैणे रे जरिये मिलदा। जिस पाणी बिच असी बपतिस्मा लिंदे से सरीर री गंदगी जो दुर नी करदा, पर ए इस गल्ल री निशानी है कि असा ने परमेश्वर का अपणे पाप्पां री माफी मंगे री है, ते असा रे मन तिन्हा पाप्पां री वजह कने अवे परेशान नी हिन। असा जो अवे असा रे पाप्पां का माफी मिल्ली सकदी किजोकी मसीह यीशु मुर्देयां बिच का फिरी जिन्दा होई गेरे हिन,