प्रेरितां रे कम्म 22:10 - चम्बयाली नौआ नियम

¹⁰ तां मैं बोल्लेया, ओ प्रभु जी, मैं कै करां? प्रभु जी ने मेरे जो बोल्लेया, अवे उठी करी दमिश्क कस्बे अन्दर जा ते जे किच्‍छ तेरे करणे तांइ ठैह्राया गे रा है, तित्ते तिज्जो दस्सी दित्तेया जाणा।

प्रेरितां रे कम्म 22:10 ပူးပေါင်းရင်းမြစ်များ

प्रेरितां रे कम्म 10:33

तां मैं झट तेरे का मणू भेज्जी दित्ते, ते तुसा खरा कित्ता, जे आई गे, अवे असा सब परमेश्वर रे सामणे हिन, ताकि जे किच्‍छ परमेश्वर ने तुसा कने बोल्लेया तिसजो सूणन।

प्रेरितां रे कम्म 16:30

ते तिन्हा जो बाहर लियाई करी बोलणा लग्गेया, ओ महान मणूओं, छुटकारा पाणे तांइ मैं कै करां?

प्रेरितां रे कम्म 2:37

जां लोक्कां ने ए गल्लां सुणी तां से इदेय परेशान होई गे कि जिय्यां से गल्लां तिन्हेरे दिल रे आर-पार होई गयी होण, ते पतरस ते बाकि प्रेरितां का पूच्छणा लग्गे, ओ भाईयों, असी कै करण?

प्रेरितां रे कम्म 22:11

जां तिस महिमामय लौ री वजह कने मेरे जो दिसणा बांद्द होई गेया, तां मैं अपणे दोस्तां रा हत्थ पकड़ी करी दमिश्क कस्बे तिकर आया।

प्रेरितां रे कम्म 9:6

पर अवे उठी करी कस्बे बिच जा, अते जे तेरे जो करणा है से तेरे जो दस्सी दित्तेया जाणा,