प्रेरितां रे कम्म 20:9 - चम्बयाली नौआ नियम

⁹ ते यूतुखुस नां रा इक्क जवान मुन्ड़ा खिड़की पर बैठे रा गैहरी निदंर बिच टुलणी मारेया करदा थिया जां पौलुस बड़ी हाण तांइ गल्लां करदा रेया, तां निदंर री वजह कने से सोई गेया ते से तिज्जी अटारी का पेई गेया, ते जां तिसजो चुक्केया तां से मरी चुके रा थिया।

प्रेरितां रे कम्म 20:9 ပူးပေါင်းရင်းမြစ်များ

मरकुस 13:36

इय्यां ना हो कि से चाण-चक्केई आई रेयो ते तुसा सुत्ते रे होन्।

मरकुस 9:26

तां से दुष्टात्मा लेरां मारदी अते तिस मुंडे जो बड़े जोरे मरोड़ी करी, निकली गई, अते निक्का अधमरा जदेया होई गेया, इत्ते तक लोक्कां जो लग्गेया कि से मरी गेया।

प्रेरितां रे कम्म 14:19

पर किन्ने ही यहूदियां अधिकारियां ने अन्ताकिया ते इकुनियुम रे सहरां बिच आई करी मणूआं जो अपणे पास्से करी लेया, ते पौलुस पर बट्टे भणकाये, ते मरे रा समजी करी तिसजो सहर का बाहर धरीड़ी लेई गे।

प्रेरितां रे कम्म 20:10

पर पौलुस उतरी करी तिसका गेया ते तिसजो गले लाई करी बोल्लेया, फिकर मत करो किजोकी ए हल्ले जिन्दा ही है।

प्रेरितां रे कम्म 20:7

हफ्ते रे पैल्ले रोज्जे, जां असी प्रभु भोज मनाणे तांइ कठिये, तां पौलुस ने, जे दूए रोज्जे जाणे वाला थिया, तिन्हा कने गल्लां कित्तियां अते अद्दी रात्ती तांइ गल्लां करदा रेया

प्रेरितां रे कम्म 20:8

जिस अटारी पर असी कठित्ते रे थिये, तिस बिच मते सारे दीये बलेया करदे थिये