प्रेरितां रे कम्म 20:6 - चम्बयाली नौआ नियम

⁶ ते असी दोन्नों फिलिप्पी सहर जो चली गे। अखमीरी रोट्टी रे त्योहर रे दिनां का बाद फिलिप्पी सहर का जहाज पर चढ़ी करी पांज्ज रोज्जां बिच त्रोआस बिच हटी गे ते तिसका पूज्जे, अते सत्त रोज्जां तांइ तित्ते ही रे।

प्रेरितां रे कम्म 20:6 ပူးပေါင်းရင်းမြစ်များ

प्रेरितां रे कम्म 12:3

ते जां तिसने दिख्खेया, कि यहूदी मणू तिसका खुस हुन्दे, तां तिसने पतरस जो भी पकड़ी लेया, से रोज अखमीरी रोट्टी रे त्योहर रे रोज थिये।

प्रेरितां रे कम्म 16:10

इस दर्शन जो दिख्खणे का बाद झट ही से फैसला लिन्दे कि परमेश्वर रे तिन्हा मणूआं बिच सुब बसेख रा प्रचार करणे तांइ असा जो सद्देया, असा ने मकिदुनिया प्रदेश जाणे री ठाणी लेई।

प्रेरितां रे कम्म 16:12

तित्ते का असा फिलिप्पी सहर पूज्जे जे मकिदुनिया प्रदेश रा इक्क मुख्य सहर थिया ते रोमियां री बस्ति है, इस सहर बिच असा किच्‍छ रोज गुजारे

प्रेरितां रे कम्म 16:8

तां से मूसिया प्रदेश का हुन्दे त्रोआस बंदरगाह पूज्जे।

प्रेरितां रे कम्म 20:16

किजोकी पौलुस ने इफिसुस सहर रे नेड़े का होई करी जाणे रा मन बणाए रा थिया कि इय्यां ना हो कि तिसजो एशिया प्रदेश बिच देर लगे, किजोकी तिसजो बड़ी तोल लग्गे री थी कि जे होई सको तां से पिन्तेकुस्त रे त्योहर रे रोज्जे यरुशलेम बिच रे।

प्रेरितां रे कम्म 20:5

से मणू असा का अग्गे जाई करी त्रोआस कस्बे बिच असा जो भालदे रे,

प्रेरितां रे कम्म 21:4

चेल्‍लेयां रे मिली जाणे का बाद असी तित्ते सत्त रोज्जां तांइ रे तिन्हा ने आत्‍मा रे सखाएरे पौलुस जो बोल्लेया कि यरुशलेम अन्दर पैर मत रखदे

प्रेरितां रे कम्म 21:8

दूए रोज्जे असी तित्ते चली करी कैसरिया अन्दर आये, ते फिलिप्पुस सुब बसेख सुनाणे वाले रे घरे जे सत्त बिच का इक्क थिया जाई करी तिसका रे

प्रेरितां रे कम्म 28:14

तित्ते असा जो किच्‍छ विश्वासी मिल्ले, ते तिन्हेरे बोलणे पर असी तिन्हा का सत्त रोज्जां तांइ रे अते इस तरिक्के कने असी रोम सहर जो चली पये।

फिलिप्पियों 1:1

मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।

1 थिस्सलुनीकियों 2:2

बल्कि तुसा अप्पु ही जाणदे की असा ने पैल्ले फिलिप्पी सहर बिच दुख चुक्कणे ते तकलीफ सहणे पर भी असा रे परमेश्वर ने असा जो इदेइ हिम्मत दित्ती, की असी तुसा रे सहर बिच वरी विरोध रे हुदें होए भी तुसा जो परमेश्वर रा सुब बसेख सुनाण

2 तीमुथियुस 4:13

जां तू आणा तां से कमरी भी लेई आए जे मेरे का त्रोआस रे कस्बे बिच करपुस रे घरे रेई गयी थी, ते कन्ने-कन्ने मेरी कताबां भी लेई आए ते खासतौर पर चमड़े री बणे री चीठ्ठियां लिंदा आए।