प्रेरितां रे कम्म 20:4 - चम्बयाली नौआ नियम

⁴ बिरीया कस्बे रे रैह्णे वाले पुरुर्स पुत्तर सोपत्तरुस ते थिस्सलुनीकियां सहर बिच का अरिस्तर्खुस ते सिकुन्दुस ते दिरबे कस्बे रा गयुस ते लुस्त्रा कस्बे रा तीमुथियुस ते एशिया प्रदेश रा तुखिकुस ते त्रुफिमुस एशिया प्रदेश तांइ तिसेरे कन्ने आये।

प्रेरितां रे कम्म 20:4 ပူးပေါင်းရင်းမြစ်များ

प्रेरितां रे कम्म 14:20

पर जां चेल्‍ले तिसेरे चौं पास्से आई खड़े होये, तां से उठी करी सहर बिच आया ते दूज्जे रोज बरनबास कने दिरबे कस्बे जो चली गेया।

प्रेरितां रे कम्म 14:6

ते इस गल्ल जो जाणी गे, ते लुकाउनिया प्रदेश रे लुस्त्रा ते दिरबे सहरां बिच, ते अख्खी-बख्खी रे देसां बिच दौड़ी गे

प्रेरितां रे कम्म 16:1

फिरी से दिरबे ते लुस्त्रा रे सहरां बिच भी गेया, ते दिख्खो, तित्ते तीमुथियुस नां रा इक्क चेल्ला थिया, जे कुसकी विश्वासी यहूदी जनानी रा निक्का थिया, पर तिसेरा पुत्तर यूनानी थिया

प्रेरितां रे कम्म 16:6

से फ्रूगिया ते गलातिया प्रदेशां का होई करी निकले किजोकी पवित्रात्मा ने तिन्हा जो एशिया प्रदेश बिच वचन सुनाणे जो मना करी दित्तेया थिया।

प्रेरितां रे कम्म 17:1

फिरी पौलुस ते सीलास अम्फिपुलिस ते अपुल्लोनिया कस्बेयां का होई करी थिस्सलुनीके सहर बिच आये, जित्ते यहूदियां री इक्क सभास्थल थिया।

प्रेरितां रे कम्म 17:13

पर जां थिस्सलुनीके सहर बिच रैह्णे वाले यहूदी जाणी गे, कि पौलुस बिरीया सहर बिच भी परमेश्वर रा वचन सुणाया करदा है, तां तित्ते भी आई करी मणूआं जो उकसाणे ते हल्ला मचाणा लग्गे

प्रेरितां रे कम्म 19:29

ते होर लोक्कां ने सारे सहर बिच बड़ी कहला रा शोर सुणी करी तिस भीड़ बिच मिली गे ते गयुस ते अरिस्तर्खुस मकिदुनिया प्रदेश जो, जे कि पौलुस रे कने सफर करेया करदे थिये पकड़ी लेया ते तिन्हा जो रंगशाला बिच लेई गे।

प्रेरितां रे कम्म 2:9

असी जे पार्थी प्रदेश, मेदी, एलामी, मेसोपोटामिया, यहूदियां, कप्पदुकिया, पुन्तुस ते एशिया।

प्रेरितां रे कम्म 20:16

किजोकी पौलुस ने इफिसुस सहर रे नेड़े का होई करी जाणे रा मन बणाए रा थिया कि इय्यां ना हो कि तिसजो एशिया प्रदेश बिच देर लगे, किजोकी तिसजो बड़ी तोल लग्गे री थी कि जे होई सको तां से पिन्तेकुस्त रे त्योहर रे रोज्जे यरुशलेम बिच रे।

प्रेरितां रे कम्म 20:18

जिस बेल्ले से तिसेरे नेड़े आए तां से तिन्हा जो बोलणा लगेया, तुसा जो पता है कि पैल्ले दिन का ही, जां मैं एशिया प्रदेश बिच पूज्जेया, मैं हल्ले तिकर तुसा कन्ने किय्यां रेया।

प्रेरितां रे कम्म 21:29

उन्हा ने इसका पैल्ले इफिसुस सहर रे रैह्णे वाले त्रुफिमुस जो तिसेरे कन्ने सहर अन्दर दिख्खेया थिया, ते समजेया थिया कि पौलुस तिसजो मन्दिर अन्दर लेई आया,

प्रेरितां रे कम्म 27:2

अद्रमुत्तियुम सहर रे इक्क जहाज पर जे एशिया प्रदेश रे कनारे री जगाह् पर जाणे वाला थिया, जहाज पर चढ़ी करी असी तित्ते का निकली गे, ते अरिस्तर्खुस नां रा इक्क थिस्सलुनीके सहर रा इक्क मणू मकिदुनिया प्रदेश असा कने थिया।

रोमियों 16:21

मसीह री सेवा करणे बिच मेरे साथी तीमुथियुस, ते मेरे संगी यहूदी लूकियुस, ते यासोन, ते सोसिपत्तरुस, रे पास्से का तुसा जो नमस्कार!

रोमियों 16:23

गयुस रे पास्से का भी तुसा जो नमस्कार। अब्बे मैं तिसेरे घरे ही रेया करदा है, जित्ते कलीसिया संगती करणे तांइ कठिंदी। इरास्तुस रे पास्से का भी तुसा जो नमस्कार, जे सहर रा भण्डारी है, ते भ्याल क्वारतुस रे पास्से का भी तुसा जो नमस्कार।

2 कुरुन्थियों 1:1

मैं पौलुस परमेश्वर री मर्जी कने मसीह यीशु रा प्रेरित है। ते असा रे विश्वासी भ्याल तीमुथियुस कने कुरिन्थुस सहर बिच परमेश्वर री कलीसिया जो ते अखाया प्रदेश रे परमेश्वर रे सारे लोक्कां जो ए चीठ्ठी लिख्खेया करदा है।

2 कुरुन्थियों 1:19

किजोकी मैं पौलुस, सिलवानुस ते तीमुथियुस ने, परमेश्वर रे पुत्तर मसीह यीशु रा सुब बसेख रा प्रचार तुसा लोक्कां बिच कित्तेया, ते मसीह यीशु बिच कदी “हाँ” ते कदी “ना” नी थिया, पर तिस बिच हमेसा सिर्फ “हाँ” ही “हाँ” है।

इफिसियों 6:21

मैं तुखिकुस जो तुसा का भेज्जेया करदा है जे प्यारा संगी विश्वासी ते प्रभु बिच भरोस्सेमंद सेवक है। तिसने तुसा जो मेरे बारे बिच सारा किच्‍छ दस्सी दैणा कि असी कदेय हिन ते मैं किय्यां रैंह्दा।

फिलिप्पियों 2:19

मेरे जो मसीह यीशु बिच ए आस है कि मैं तीमुथियुस जो तौले ही तुसा का भेजां, ताकि तुसा रा हालचाल जाणी के मेरे जो हिम्मत मिल्ले।

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

कुलुस्सियों 4:7

तुखिकुस मसीह बिच मेरा प्यारा विश्वासी भ्याल ते भरोस्सेमंद साथी है, जे मसीह री सेवकाई रे कम्म बिच मेरा साथी है। तिनिये तुसा जो मेरी हर गल्ल दस्सी दैणी।

1 तीमुथियुस 1:1

मैं पौलुस ए चीठ्ठी तीमुथियुस जो लिख्खेया करदा है। मैं परमेश्वर रे हक ते असा जो छुटकारा दैणे वाले मसीह यीशु रे जरिये तिन्हेरा प्रेरित है जे असा री आस भी हिन।

2 तीमुथियुस 1:2

ओ तीमुथियुस तू मेरा प्यारा मुंडा है। पिता परमेश्वर ते असा रे मसीह यीशु तुसा पर अनुग्रह करदे रैह्ण।

2 तीमुथियुस 4:12

तुखिकुस जो मैं इफिसुस रे कस्बे बिच भेज्जे रा है।

2 तीमुथियुस 4:20

इरास्तुस, कुरिन्थुस सहर बिच रुकी गेया, ते मैं त्रुफिमुस जो बिमार होणे री वजह कने मिलेतुस रे कस्बे बिच छड्डी दित्ते रा है।

तीतुस 3:12

जां मैं अरतिमस या तुखिकुस जो क्रेते टापू बिच तुसा का भेजणा तां तिसेरे तित्ते पुजणे का बाद तुसा मेरे का निकुपुलिस सहर बिच आणे री कोसीस करेयो किजोकी मैं तित्ते ही सर्दियां गुजारणे रा फैसला कित्ते रा है।

फिलेमोन 1:24

मरकुस, अरिस्तर्खुस, देमास ते लूका जे मेरे कने सेवा रा कम्म करदे, तिन्हा पास्से का तेरे जो नमस्कार।

3 यूहन्ना 1:1

मैं यूहन्ना, जे कलीसिया रा बुजुर्ग है, अपणे प्यारे दोस्त गयुस जो ए चीठ्ठी लिख्खेया करदा है, जिस कने मैं सच्चा प्यार करदा।