प्रेरितां रे कम्म 2:5 - चम्बयाली नौआ नियम

⁵ तिस बेल्ले तित्ते मते सारे परमेश्वर रा डर मनणे वाले यहूदी भक्त, पर्व मनाणे तांइ यरुशलेम सहर बिच देस-देस का आए रे थिये ते तित्ते रेया करदे थिये।

प्रेरितां रे कम्म 2:5 ပူးပေါင်းရင်းမြစ်များ

मत्ती 24:14

ते स्वर्ग राज रा ए सुब बसेख सारी दुनिया रे सारे लोक्कां बिच सूणाई जाणी, ताकि सारी दुनिया रे लोक्कां जो मनणे रा मौक्का मिल्ले, तां दुनिया रे मुकणे रा समय आई जाणा।

लूका 17:24

जिय्यां आसमान बिच बिजली इक्क कुणे का दूए कुणे तक लसकदी, तिस ही तरिक्के कने मणू रे पुत्तर, जे मैं ही है अपणे समय बिच ही प्रकट होणा।

लूका 2:25

तिन्हा दिनां बिच, यरुशलेम सहर अन्दर शमौन नां रा इक्क मणू रैहन्दा थिया, से परमेश्वर रे रस्ते पर चलणे वाला, भला अते नेक मणू थिया, से बड़ी उम्मीद कने मसीह रे आणे रा इंतजार करेया करदा थिया ताकि से आई करी इस्राएल रे मणूआं जो सांती दये, ते शमौन पवित्रात्मा रे गलाये चलदा थिया।

लूका 24:18

तिन्हा बिच का क्लियोपास ना रा इक्क मणू ने यीशु बोल्लेया, यरुशलेम सहर बिच रैणे वाला तू कल्ला इक्क इदेया मणू है जिस जो नी पता है कि पिछले दिनां बिच कै होया थिया?

यूहन्ना 12:20

जे मणू उस पर्व बिच अराधना करणे जो आए थिये उन्हा बिच का किच्‍छ यूनानी थिये।

प्रेरितां रे कम्म 10:2

से परमेश्वर रा भक्त मणू थिया, ते सारा टब्बर परमेश्वर रा डर मन्दा थिया, ते गरीब यहूदियां जो बड़ा दान दिंदे थिये, ते लगातार परमेश्वर कने प्रार्थना करदे थिये।

प्रेरितां रे कम्म 10:7

जां स्वर्गदूत तिन्हा जो से गल्लां दस्सी करी तित्ते का चली गेया, तां कुरनेलियुस ने अपणे दो नौक्करां जो सद्देया ते इक्क सिपाई जो सद्देया जे परमेश्वर रे बड़ा भक्त थिया,

प्रेरितां रे कम्म 13:50

पर यहूदी अधिकारियां ने भक्तां ते कुलीन जनानियां जो ते सहर रे बड़े मणूआं जो उकसाया, ते पौलुस ते बरनबास पर जोर जबरदस्ती करी के तिन्हा जो अपणे सहर का बाहर कड्डी दित्तेया।

प्रेरितां रे कम्म 2:1

जां यहूदी लोक्कां रे पिन्तेकुस्त रा त्याहार रा दिन आया, तां से सारे इक्क जगाह् कठित्ते रे थिये।

प्रेरितां रे कम्म 22:12

तां हनन्याह नां रा मूसा रे कानून रे हसाब्बे इक्क भग्त मणू थिया, जे तित्ते रैह्णे वाले यहूदियां बिच का नामी थिया, मेरे का आया,

प्रेरितां रे कम्म 8:2

ते किच्‍छ भक्तां ने स्तिफनुस जो कब्र बिच रख्खेया: ते तिसेरे तांइ अफसोस कित्तेया।

प्रेरितां रे कम्म 8:27

से उठी करी चली पेया, ते कूश देस रा इक्क मणू आया करदा थिया जे किन्नर थिया, ते कूशियां री राणी कदांकिया रा मत्रीं ते खजांची थिया। से अराधना करणे जो यरुशलेम सहर आया थिया।

कुलुस्सियों 1:23

मसीह बिच तुसा रा विश्वास, नीं बणे रे मजबूत घर सांई होणा चाएदा। मसीह रे सुब बसेख जो सुणी करी जे आस तुसा जो मिल्ली थी, तिसजो मत छड्डो, ते जिस सुब बसेख रा प्रचार दुनिया रे सारे लोक्कां बिच कित्ता गे रा है। ते मैं पौलुस जिस सुब बसेख रा दास बणेया।