प्रेरितां रे कम्म 2:47 - चम्बयाली नौआ नियम

⁴⁷ ते परमेश्वर री तारीफ करेया करदे थिये, ते सारे मणू तिन्हा का खुस थिये: ते जे छुटकारा पादें थिये, तिन्हेरे जो प्रभु हर दिन तिन्हा बिच मलाई दिदें थिये।

प्रेरितां रे कम्म 2:47 ပူးပေါင်းရင်းမြစ်များ

लूका 19:48

पर, से यीशु जो मारणे तांइ कोई बेतर नी लाई सके, किजोकी मणू बड़ा मन लाई करी यीशु री गल्लां सूणदे थिये।

लूका 2:52

ते यीशु समझ, कद-काठी अते परमेश्वर ते मणूआं री दया बिच बद्धदे गे।

प्रेरितां रे कम्म 11:21

ते प्रभु री ताकत तिन्हा पर थिया, ते मते सारे गैर यहूदी मणू प्रभु यीशु पर विश्वास करणा लग्गी पये।

प्रेरितां रे कम्म 11:24

बरनबास इक्क भला मणू थिया, ते पवित्रात्मा रे वस बिच थिया, ते बड़े मणूआं ने प्रभु जी जो अपणाया

प्रेरितां रे कम्म 13:48

ए सुणी करी गैर यहूदियां रे मणू खुस होई गे, ते परमेश्वर रे वचन री बड़ाई करणा लग्गे, ते जित्तणे हमेसा री जिन्दगी तांइ ठहराये गेरे थिये, तिन्हा ने विश्वास कित्तेया

प्रेरितां रे कम्म 14:1

इकुनियुम सहर बिच इय्यां होया कि से यहूदियां री सभास्थल जो इकठ्ठे गे, ते इदेइ गल्लां कित्ती की, कि यहूदियां ते यूनानियां बिच का केई जणेया ने विश्वास कित्तेया

प्रेरितां रे कम्म 14:21

ते पौलुस ते बरनबास तिस कस्बे रे मणूआं जो सुब बसेख सूणाई करी, ते बड़े सारे चेल्‍ले बणाई करी, लुस्त्रा हटी करी ते तित्ते का इकुनियुम जो जाई करी अन्ताकिया जो हटी आये।

प्रेरितां रे कम्म 16:5

ते इय्यां तित्ते री कलीसिया रा विश्वास मजबूत हुन्दा गेया ते दिन-व-दिन तिन्हेरी गिनती बढ़ना लग्गी।

प्रेरितां रे कम्म 17:12

तां तिन्हा बिच का बड़े जणे यहूदियां ने ते कुलीन यूनानी जनानी ते मर्दां ने विश्वास कित्तेया

प्रेरितां रे कम्म 2:39

किजोकी ए वादा तुसा तांइ, तुसा री औलादां तांइ, ते उन्हा सारे दुर-दुर रे लोक्कां तांइ भी है जिन्हा जो असा रे प्रभु परमेश्वर अपणे नेड़े सदगा।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

प्रेरितां रे कम्म 4:21

तां तिन्हा ने तिन्हेरे जो होर धमकाइ करी छड्डी दित्ता, किजोकी लोक्कां री वजह कने तिन्हेरे जो सजा दैणे रा कोई मोक्कां नी मिल्लेया, इधेरे तांइ जे गल्ल होए री थी तिसेरी वजह कने सारे मणू परमेश्वर री बड़ाई करेया करदे थिये।

प्रेरितां रे कम्म 4:33

प्रेरित बड़ी ताकत कने प्रभु यीशु रे फिरी जिन्दे होई जाणे री गवाई दिदें रे ते तिन्हा सारेयां पर परमेश्वर रा बड़ा अनुग्रह थी।

प्रेरितां रे कम्म 4:4

पर बसेख रे सुनणे वालेयां बिच का मते जणेया ने यीशु पर विश्वास कित्ता, ते तिन्हेरी गिनती लगभग पांज्ज हजार आदमियां तिकर होई गई।

प्रेरितां रे कम्म 6:1

तिन्हा दिनां बिच जां प्रेरितां री गिनती मती बधणा लग्गी, तां यूनानी भाषा बोलणा वाले चेल्‍ले इब्रानी भाषा बोलणे वाले प्रेरितां पर कुड़कुडा़णा लग्गे, कि हर दिन री सेवकाई बिच असा री विधवा जनानियां री खैर-खबर नी लिदें।

प्रेरितां रे कम्म 6:7

परमेश्वर रा वचन फैलदा गेया ते यरुशलेम सहर बिच चेल्‍लेयां री गिनती मती बदद्धी गेई ते मते सारे पुरोत्तां ने भी मसीह बिच विश्वास करणे रे इस बसेख जो अपणाया।

प्रेरितां रे कम्म 9:31

इस तरिक्के कने सारे यहूदियां, गलील ते सारे सामरिया रे प्रदेशां बिच कलीसिया जो सांती मिल्ली अते तिसेरी तरक्की हुंदी गेई, ते से प्रभु रे डर ते पवित्रात्मा रे जरिए कलीसिया बिच मणू बदधे गे ते सारे खुशहाल रे।

प्रेरितां रे कम्म 9:35

तां लुद्देया ते शारोन कस्बे रे सारे रैह्णे वालेयां ने तिसजो दिख्खी करी प्रभु यीशु पर विश्वास कित्ता।

रोमियों 14:18

जे कोई इस तरिक्के कने मसीह यीशु री सेवा करदा, से परमेश्वर जो खुस करदा, ते मणू भी तिसेरा आदरमान करदे।

रोमियों 8:30

जिन्हा मणूआं जो परमेश्वर पैल्ले का जाणदे, परमेश्वर ने तिन्हा मणूआं जो चुणी लेया, ते जिन्हा मणूआं जो परमेश्वर ने चुणी लेया, तिन्हा जो परमेश्वर ने धार्मिक भी ठैहराए रा है, जिन्हा मणूआं जो परमेश्वर ने धार्मिक ठैहराया, तिन्हा जो परमेश्वर ने अपणी महिमा भी दित्ती।

रोमियों 9:27

अते यशायाह भविष्यद्वक्ता ने पवित्रशास्त्र बिच इस्राएल देस रे लोक्कां रे बारे बिच रोई करी बोल्लेया, “भले ही इस्राएल रे औलाद्दां समुन्द्र री रेत रे कणां सांई अणगिणत हिन, तां भी तिन्हा बिच का थोड़े जणेया ने ही बचणा।”

1 कुरुन्थियों 1:18

जां मणू मसीह रे सुली पर मरणे रा बसेख सूणदे, तिन्हा बिच का किच्‍छ मणू ए सोचदे कि ए बसेख बेवकूफी भरा है। जे मणू इय्यां सोचदे से ओ मणू हिन जे नरक बिच पाए जाणे। पर असी मणू जे तिस बसेख पर विश्वास करदे, ए परमेश्वर रा अपणे लोक्कां जो अपणी ताकत कने बचाणे रा रस्ता है।