प्रेरितां रे कम्म 2:39 - चम्बयाली नौआ नियम

³⁹ किजोकी ए वादा तुसा तांइ, तुसा री औलादां तांइ, ते उन्हा सारे दुर-दुर रे लोक्कां तांइ भी है जिन्हा जो असा रे प्रभु परमेश्वर अपणे नेड़े सदगा।

प्रेरितां रे कम्म 2:39 ပူးပေါင်းရင်းမြစ်များ

प्रेरितां रे कम्म 10:45

ते जितणे लोक्कां रा खतना होये रा थिया जे पतरस कने आये थिये, से सब हैरान होई गे कि गैर यहूदियां पर भी पवित्रात्मा रा दान दित्तेया गेया।

प्रेरितां रे कम्म 14:27

तिते पूज्जी करी, तिन्हा ने कलीसिया इकठ्ठी कित्ती ते दस्सेया, कि परमेश्वर ने असा कने होई करी कदेय बड्डे-बड्डे कम्म कित्ते ते किय्यां गैर यहूदी जो मसीह यीशु बिच विश्वास करणे तांइ दुआर खोल्ली दित्तेया।

प्रेरितां रे कम्म 15:14

शमौन ने जिस जो पतरस भी बोलदे असा जो समजाया कि परमेश्वर ने गैर यहूदी लोक्कां पर कदेइ कृपा कित्ते री है कि तिन्हा बिच का किच्‍छ जो अपणे तांइ चुणी लित्तेया।

प्रेरितां रे कम्म 15:3

तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

प्रेरितां रे कम्म 15:8

ते मन जो परखणे वाले परमेश्वर ने तिन्हा जो भी असा सांई पवित्रात्मा देई करी तिन्हा जो अपणाई लित्ता।

रोमियों 11:29

किजोकी परमेश्वर अपणे दित्ते रे वरदान ते बुलाहट का कदी नी बदलदे।

रोमियों 8:30

जिन्हा मणूआं जो परमेश्वर पैल्ले का जाणदे, परमेश्वर ने तिन्हा मणूआं जो चुणी लेया, ते जिन्हा मणूआं जो परमेश्वर ने चुणी लेया, तिन्हा जो परमेश्वर ने धार्मिक भी ठैहराए रा है, जिन्हा मणूआं जो परमेश्वर ने धार्मिक ठैहराया, तिन्हा जो परमेश्वर ने अपणी महिमा भी दित्ती।

रोमियों 9:24

मतलब असी लोक, जिन्हा जो परमेश्वर ने ना सिर्फ यहूदी लोक्कां बिच का, पर गैर यहूदियां बिच का भी चुणेया।

रोमियों 9:4

से मणू मेरे सांई इस्राएल देस रे मणू हिन, से परमेश्वर रे गोद लित्ते री औलाद्दां बणने तांइ चुणे गे थिये, परमेश्वर ने तिन्हा पर अपणी महिमा ज़ाहिर कित्ती। तिन्हा ने तिन्हा लोक्कां कने वाचा बन्नी। तिन्हा जो परमेश्वर रा कानून, ते तिन्हेरी अराधना करणे रा सौभाग्य मिल्लेया।

1 कुरुन्थियों 7:14

किजोकी परमेश्वर तिस जनानी रे अविश्वासी लाड़े जो अपणे ही लोक्कां सांई समजदे किजोकी तिसेरी लाड़ी विश्वासी है। ते परमेश्वर तिस मणू री लाड़ी जो अपणे ही लोक्कां सांई समजदे किजोकी तिस जनानी रा लाड़ा विश्वासी है। जे अगर ए सच नी हुंदा तां तुसा रे बच्चे नाजायज़ होणे थिये, पर परमेश्वर तिन्हा जो जायज़ रे रुप बिच अपणांदे।

इफिसियों 1:18

मैं ए भी प्रार्थना करदा कि से तुसा जो सच्चाई जो पूरी तरिक्के कने समजणे बिच मदद करे ताकि तुसा जाणी सको तिन्हेरे असा जो सद्दणे री आस कै है, ताकि तुसा जाणी सको कि से आशीषां किन्नी जादा महिमामय हिन जिन्हेरे दैणे रा वादा परमेश्वर ने अपणे लोक्कां कने कित्ते रा है।

इफिसियों 2:12

तिस बेल्ले तुसा मसीह रे बारे बिच नी जाणदे थिये ते तुसा परमेश्वर रे चुणे रे मणूआं बिच का नी थिये ते तुसा परमेश्वर री तिन्हेरे लोक्कां कने कित्ते रे वादे रे हिस्सेदार भी नी थिये। तुसा इस दुनिया बिच परमेश्वर का दुर बगैर कुसकी आस रे जिया करदे थिये।

इफिसियों 4:4

असी इक्क ही सरीर रे हिस्से हिन, ते असा जो इक्क ही पवित्रात्मा भी मिल्ले रा है, से आस भी इक्क ही है जिस बिच तुसा जो परमेश्वर रे मणू बणने तांइ चुणेया गेया थिया।

2 थिस्सलुनीकियों 1:11

इधेरे तांइ असी हमेसा तुसा तांइ प्रार्थना भी करदे कि परमेश्वर तुसा जो तैसी जिन्दगी जीणे रे लायक बनाण जे जीणे तांइ तिन्हा ने तुसा जो सद्दे रा है। ते से तुसा अपणी ताकत रे हिसाब कने चलाण ताकि तुसा रा हर इक्क खरा मकसद ते हर इक्क चीज तुसा विश्वास कने करदे से पूरा होई जाए।

2 तीमुथियुस 1:9

परमेश्वर ने असा जो छुटकारा दित्तेया ते असा जो इक्क पवित्र जिन्दगी जीणे तांइ सद्दे रा है। तिन्हा ने असा जो इधेरे तांइ नी चुणेया कि असी कोई भलाई रे कम्म कित्ते थिये, पर तिन्हा ने असा जो अपणे मकसद ते अनुग्रह री वजह कने चुणेया। परमेश्वर ने मसीह यीशु जो धरती पर भेजणे रे जरिये असा जो अपणा अनुग्रह दिखाणे रा मकसद इस दुनिया जो बणाणे का पैल्ले ही करी लित्तेया थिया।

इब्रानियों 3:1

इधेरे तांइ मेरे संगी विश्वासियों, तुसा जे परमेश्वर रे हिन, परमेश्वर ने तुसा जो स्वर्ग बिच हमेसा री जिन्दगी रे हिस्सेदार बणने तांइ सद्दे रा है। मसीह यीशु पर ध्यान लाई रख्खो, जे असा तांइ परमेश्वर रे पास्से का भेज्जे गेरे प्रेरित ते प्रधान पुरोत्त हिन।

इब्रानियों 9:15

मसीह ने अपणी जान देई करी तिन्हा लोक्कां जो तिन्हेरे पाप्पां का छुटकारा दित्तेया जिन्हा ने पाप कित्तेया थिया, ते तिन्हा जो भी बचाई लित्तेया जिन्हा ने पैल्ली वाचा रे कानूनां जो तोडे़या थिया। किजोकी कोई भी मणू पुराणी वाचा रे कानूनां जो मन्नी करी सिद्व नी बणी सकदा थिया। पर अवे मसीह असा रे ते परमेश्वर रे बिच नौई वाचा रे स्थापित करी दित्ती। ए तिन्हा ने इधेरे तांइ कित्तेया ताकि जिन्हा लोक्कां जो परमेश्वर ने चुणे रा है, से मणू हमेसा-हमेसा तिकर तिन्हेरे वारिस बणी जाण, जिय्यां कि परमेश्वर ने तिन्हा कने वादा कित्तेया थिया।

1 पतरस 5:10

परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।

2 पतरस 1:10

इधेरे तांइ ओ संगी विश्वासियों, होर भी जादा कोसीस करो कि तुसा इस तरिक्के कने रेयो कि जिस कने लोक्कां जो पता चले कि हकीकत बिच परमेश्वर ने तुसा जो सद्देया ते चुणे रा है। जे अगर तुसा इय्यां करगे, तां तुसा कदी भी परमेश्वर का अलग नी होणा।

2 पतरस 1:3

परमेश्वर ने अपणी ताकत कने असा जो से सब किच्‍छ दित्ते रा है जिसेरी असा जो परमेश्वर जो खुस करणे तांइ भक्ति कने भरपूर जिन्दगी जीणे री जरुरत है। से ते परमेश्वर इक्क ही हिन जिन्हा ने असा जो अपणी महिमा ते भलाई री वजह कने तिन्हेरे अपणे मणू बणने तांइ सद्दे रा है।

प्रकाशित वाक्य 17:14

तिस ड्रोणे जानवर ते दस राज्जेयां ने तिस “उरणू” पर हमला करणा, पर तिस “उरणू” ते तिसेरे प्रेरितां ने तिन्हा सारेयां जो हराई दैणा। ए इधेरे तांइ होणा किजोकी से प्रभुआं रे प्रभु ते राज्जेयां रे राज्जे हिन। तिन्हेरे चेल्‍ले से हिन जिन्हा जो परमेश्वर ने चुणे रा ते सद्दे रा है, ते से भी जे तिन्हा कने भरोस्सेमंद हिन।

प्रकाशित वाक्य 19:9

तां स्वर्गदूत ने मेरे जो बोल्लेया ए लिख, की धन्न हिन से जे उरणू रे ब्याह रे भोज बिच सद्दे गेरे हिन फिर तिन्हा ने मेरे जो बोल्लेया ए वचन परमेश्वर रे सच्चे वचन हिन।