प्रेरितां रे कम्म 2:31 - चम्बयाली नौआ नियम

³¹ तिनिए भविष्य बिच होणे वाली गल्ल जो पैह्ल्ले का ही दिख्खी करी मसीह यीशु रे फिरी जिन्दे होणे रे बारे बिच भविष्यवाणी कित्ती की ना तां तिन्हा रा प्राण पताल बिच छड्डेया गेया ते ना तिन्हेरा जिस्म सड़ी पाया।

प्रेरितां रे कम्म 2:31 ပူးပေါင်းရင်းမြစ်များ

मत्ती 11:23

ओ कफरनहूम कस्बे रे लोक्को, तुसा कै सोचदे कि तुसा जो स्वर्ग री महिमा तक उच्चा उठाया जाणा? तुसा जो तां पताल तांइ नीच्चे सुट्टेया जाणा, किजोकी जे चमत्कारी कम्म तुसा लोक्कां बिच कित्ते गे, जे अगर से सदोम सहर बिच कित्ते जांदे, तां से कदी भी नास नी कित्तेया जांदा।

प्रेरितां रे कम्म 13:35

इधेरे तांइ तिन्हा ने इक्क होर भजन बिच दाऊद ने बोल्ले रा है कि तू अपणे पवित्र मणू जो सड़णा नी दैणा।

प्रेरितां रे कम्म 2:27

किजोकी तुसा मेरे जान जो पताल बिच नी छडणा ते ना अपणे पवित्र मणू जो सड़णा ही दिंगा।

1 कुरुन्थियों 15:4

ते दब्बे गे, ते पवित्रशास्त्र रे हिसाब कने परमेश्वर ने त्रिये दिन तिन्हा जो मुर्देयां बिच का जिन्दा भी करी दित्ता,

गलातियों 3:8

ते ए बड़े पैल्ले का ही पवित्रशास्त्र बिच लिख्खेया गेया थिया कि परमेश्वर ने गैर यहूदियां जो तिन्हा बिच विश्वास करणे रे जरिये धार्मिक ठैहराणा। इधेरे तांइ पवित्रशास्त्र बिच परमेश्वर ने ए बड़े पैल्ले ही ए सुब बसेख अब्राहम जो दस्सी दित्ती थी, “तेरे जरिये मैं मेरे पर विश्वास करणे वाली सारी जातियां रे लोक्कां जो आशीष दैणी।”