प्रेरितां रे कम्म 2:29 - चम्बयाली नौआ नियम

²⁹ ओ मेरे भाईयों, मैं कुलपती दाऊद रे बारे बिच तुसा कने हिम्मत कने बोल्ली सकदा कि से ता मरी गेया ते दब्बेया भी गेया ते तिसेरी कब्र अज्ज तिकर हमारे इत्ते पाई जादीं।

प्रेरितां रे कम्म 2:29 ပူးပေါင်းရင်းမြစ်များ

प्रेरितां रे कम्म 13:36

किजोकी दाऊद तां परमेश्वर री मर्जी रे हिसाब कने अपणे बेल्ले बिच सेवा करी के मरी गेया, ते अपणे पूरखां कने जाई मिल्लेया ते सड़ी भी गेया।

प्रेरितां रे कम्म 2:28

तुसा मेरे जो जिन्दगी रा रस्ता दस्से रा है, तुसा मेरे जो अपणी हजुरी कने खुसी कने भरी दैणा।

प्रेरितां रे कम्म 22:5

इधेरे तांइ प्रधान पुरोत्त ते मन्दिर रे बुजुर्गां री पूरी महासभा इस गल्ल री गवाह है, कि तिन्हा का मैं यहूदी विश्वासियां रे नां री चीठ्ठियां लेई करी दमिश्क कस्बे जो जाया करदा थिया ताकि जे अगर तित्ते कोई मसीह बिच विश्वास करणे मणू होण, तां तिन्हा जो भी सजा दुआणे तांइ बन्नी करी यरुशलेम अन्दर लेई आं।

प्रेरितां रे कम्म 26:26

राज्जा भी, जिसेरे सामणे मैं बगैर डरे रे बोल्लेया करदा है, इन्हा गल्लां जो जाणदा ते मेरे जो विश्वास है कि इन्हा गल्लां बिच का कोई भी गल्ल इन्हा का छुपेरी नी है, किजोकी ए घटना कुसकी कौणे अन्दर नी होई।

इब्रानियों 7:4

अवे सोच्चो कि मलिकिसिदक किन्ना जादा महान होणा, जिस जो असा रे पुरखे अब्राहम ने लड़ाई बिच जित्ते रा बदिया का बदिया समान रा दसमां हिस्सा दित्तेया।