प्रेरितां रे कम्म 2:23 - चम्बयाली नौआ नियम

²³ तिस्सी यीशु जो, जे परमेश्वर री ठैहराई री योजना ते पैल्ले ज्ञान रे मुताबिक पकड़वाए गे, तुसा अधार्मिक लोक्कां री मदद कने यीशु जो पकड़वाई करी ते सुली पर चढ़वाई करी मरवाई दित्ता,

प्रेरितां रे कम्म 2:23 ပူးပေါင်းရင်းမြစ်များ

मत्ती 20:19

ते तिन्हा जो गैर-यहूदियां रे हत्थां बिच सौपेंया जाणा कि से तिन्हेरा मजाक उडा़ण, ते कोड़े मारण, ते सुली पर चढ़ा़ण, ते से तिज्जे रोज्जे फिरी जिन्दा कित्ते जाणे।

मत्ती 26:24

मणू रा पुत्तर, जे मैं ही है तां जदेया तिसेरे बारे बिच लिख्खे रा है, मरणा जरुरी है पर तिस मणू तांइ अफसोस है जिसेरे वजह कने मणू रा पुत्तर, जे मैं ही है पकड़वाया जादां: जे तिस मणू रा जन्म ही नी हुदां तां तिसेरे तांइ भला हुदां।

मत्ती 27:35

तां तिन्हा ने तिन्हा जो सुली पर चढ़ाया, ते चीठ्ठियां पाई करी तिन्हेरे कपड़े बडीं लित्ते।

मरकुस 15:24

तां तिन्हा सपाईयां ने यीशु जो सुली पर चढ़ाया, ते तिन्हेरे कपड़ेयां पर चीठ्ठियां पाई करी अप्पु-मिते बंड्डी लित्तेया।

लूका 22:22

मणू रे पुत्तर, जे मैं ही है जो तां परमेश्वर रे वचन रे हिसाब कने तां मरणा जरुरी है, पर, लाणत है तिस पर जिसेरे जरिए से पकड़ाया जाणा

लूका 22:37

किजोकी मैं तुसा जो बोल्ली दिन्दा, कि पवित्रशास्त्र अन्दर मेरे बारे अन्दर लिख्खे री गल्ल अवे पूरी होणे वाली हिन “कि तिसजो अपराधियां बिच गिणेया गेया,” अते मेरे बारे अन्दर होर जितणी भी गल्लां उस अन्दर लिख्खे री हिन, से इक्क-इक्क करी के सब पूरी होया करदी हिन।

लूका 23:33

फिरी जां से तिस जगाह् पर आई रे जिस जो खोपड़ी बोलदे, अते तिन्हा ने त्रै जणेया जो सुली पर चढ़ाई दित्ता इक्क बदमाश यीशु रे खब्बे हात्थाँ पास्से थिया अते दुज्जा सज्जे हात्थाँ पास्से थिया।

लूका 24:20

अते असा रे बड्डे पुरोत्त अते यहूदी धर्म गुरुआं ने यीशु मौत री सजा दैणे तांइ पकड़वाई दित्तया अते मणूआं ने तिन्हा जो ने सुली पर चढ़ाई दित्ता असी सोच्चे दा थिया कि तिन्हा ने इस्राएल जो गुलामी का छुड़ाणा अते इन सब गल्लां जो होए दे अज्ज तिज्जा रोज है,

यूहन्ना 19:18

तित्ते तिन्हा ने यीशु जो दो होर जणेया कने सुली पर चढ़ाया, इक्क जो सीद्दे हत्थ पास्से, अते दूये जो पुठ्ठे हत्थ पास्से ते मझाटे यीशु जो

यूहन्ना 19:24

इधेरे तांइ तिन्हा ने अप्पु-मिते बोल्लेया, इसजो फाड़ो मत बल्कि इस तांइ पर्ची पांदे कि कुन्ने लैणा, ए इधेरे तांइ होया ताकि पवित्रशास्त्र बिच लिख्खे रा ए वचन पूरा हो, “तिन्हा ने मेरे कपड़े अप्पु-मिते बंड्डी लेह् ते मेरे कपड़े तांइ पर्ची पाई।” इधेरे तांइ सपाईयां इय्यां कित्तेया।

प्रेरितां रे कम्म 13:27

यरुशलेम रे रैह्णे वाले लोक्कां ने ते तिन्हेरे अधिकारियां ने नी समजेया यीशु से ही हिन जिन्हेरे बारे बिच भविष्यद्वक्तां ने बोल्लेया थिया। पर तिन्हा जो पछानणे रे बजाए तिन्हा लोक्कां ने यीशु पर इल्जाम लाए ते इस तरिक्के कने भविष्यद्वक्तां री बोल्ली री तिन्हा गल्लां जो पूरा कित्ता जे असी हर विश्राम दिन पर पढ़दे।

प्रेरितां रे कम्म 15:18

ए ओई प्रभु बोल्दे हिन जे दुनिया री सुरुआत का ही इन्हा गल्लां रा सुब बसेख दिंदे आये रे हिन

प्रेरितां रे कम्म 2:36

अते अवे इस्राएल रा सारे मणू ठीक तरिक्के कने जाणी लये कि परमेश्वर ने तिस्सी यीशु जो जिस जो तुसा सुली पर चढ़ा़ई दित्ता, प्रभु भी ठैहराया ते मसीह भी।

प्रेरितां रे कम्म 3:18

पर जिन्हा गल्लां जो परमेश्वर ने सारे भविष्यद्वक्ता रे जरिए पैल्ले ही दस्सी दित्ते रा थिया, कि तिन्हेरे मसीह ने दुख झेलणा ते मारे जाणे, तिन्हा गल्लां जो मसीह ने इस तरिक्के कने पूरा कित्ता।

प्रेरितां रे कम्म 4:28

कि जे किच्‍छ तुसा री ताकत ते सोच रे हिसाब कने ठैहरे, से ही करणे रा फैसला कित्ता।

प्रेरितां रे कम्म 5:28

तां बड्डे पुरोत्त ने तिन्हेरे जो पूच्छेया, कै असा ने तुसा जो चितौणी देई करी हुकम नी दित्तेया थिया कि तुसा इस नां कने उपदेस मत करदे? तां भी तुसा ने सारे यरुशलेम सहर जो अपणे उपदेस कने भरी रख्खे रा है ते तिस मणू रा खून रा इल्जाम असा री सिर पर लाणा चाहंदे।

प्रेरितां रे कम्म 5:30

असा रे बाबे-दादेयां रे परमेश्वर ने यीशु जो जिन्दा कित्तेया, जिस जो तुसा ने सुली पर लटकाई करी मारी रख्खेया थिया।

प्रेरितां रे कम्म 7:52

भविष्यद्वक्ता बिच का कुस जो तुसा रे बाबे-दादेयां ने नी तगं कित्ता? तिन्हा ने तिस धार्मिक रे आणे री खबर दैणे वाले तिन्हा पैल्ले जमाने रे लोक्कां जो मारी रख्खेया ते जां मसीह आए तां तुसा तिन्हा जो पकड़वाई करी मरवाई रखणे वाले मणू हिन।

रोमियों 2:12

इस तांइ जिन्हा गैर यहूदियां ने मूसा रे कानून जो जाणे बगैर पाप कित्ता, परमेश्वर ने तिन्हा जो कानून रे बगैर ही सजा दित्ती जाणी, ते जिन्हा यहूदी लोक्कां ने मूसा रा कानून पाणे रे बाद भी पाप कित्ता, तिन्हेरी सजा कानून रे हिसाब कने होणी।

रोमियों 4:17

जिय्यां कि पवित्रशास्त्र बिच लिख्खे रा है, “मैं तेरे जो मती जातियां रा पुरखे ठैहराए रा है।” परमेश्वर री नजर बिच अब्राहम असा रे पुरखे हिन। तिन्हा ने तिस परमेश्वर पर विश्वास कित्तेया, जे मुर्देयां जो जिन्दा करदे, ते तिन्हा जो अस्तित्व बिच लांदे, जिन्हेरा कोई अस्तित्व नी है।

1 थिस्सलुनीकियों 2:15

जिन्हा ने प्रभु यीशु ते भविष्यद्वक्ता जो भी मारी रख्खेया ते असा पर भी जुल्म करेया करदे हिन, पर परमेश्वर तिन्हा का खुस नी, ते से सारे मणूआं रा विरोध करदे,

1 पतरस 1:2

पिता परमेश्वर ने तुसा जो अपणे मणू बणाणे ते पवित्रात्मा रे जरिये पवित्र ठैहराणे तांइ बड़े पैल्ले का ही चुनणे रा फैसला करी लित्तेया थिया। तिन्हा ने ए इधेरे तांइ कित्तेया ताकि तुसा मसीह यीशु रे कहे मुताबिक चलो ताकि तुसा तिन्हेरे सुली पर खून बहाणे रे जरिये सुच्चे कित्ते जाण। तुसा जो परमेश्वर रे पास्से का अनुग्रह ते सांती मिलदी रे।

1 पतरस 1:20

परमेश्वर ने इस दुनिया जो बणाणे का पैल्ले ही इस गल्ल रा फैसला करी लित्तेया थिया कि मसीह यीशु ने छुटकारा दुआणा। पर से तुसा रे फायदे तांइ ही दुनिया रे इन्हा आखरी दिनां बिच धरती पर आए।

1 पतरस 2:8

ते पवित्रशास्त्र बिच ए गल्ल भी लिख्खे री गे री है, “इस बट्टे ने लोक्कां रे जमीन पर छुड़कणे री वजह बणना। ए से बट्टा है जिसेरी वजह कने तिन्हा ने थल्ले पैणा।” तिन्हा ने इय्यां इधेरे तांइ पैणा किजोकी तिन्हा ने परमेश्वर रे बसेख जो मनणे का इन्कार कित्तेया। परमेश्वर ने फैसला कित्तेया कि तिन्हा लोक्कां कने इय्यां हो।

यहूदा 1:4

मेरा तुसा जो ए चीठ्ठी लिखणे रा मकसद ए है कि किच्‍छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।

प्रकाशित वाक्य 13:8

धरती रे सारे मणूआं ने तिसेरी अराधना कित्ते री है। जिन्हा लोक्कां रे नां तिस जिन्दगी री कताब बिच दुनिया जो बणाणे रे पैल्ले लिख्खे गेरे हिन, सिर्फ तिन्हा ने ही तिस ड्रोणे जानवर री अराधना नी कित्ती। से जिन्दगी री किताब, तिस “उरणू” री कताब है जिस जो कुर्बान कित्तेया गेया थिया।