प्रेरितां रे कम्म 2:20 - चम्बयाली नौआ नियम

²⁰ परमेश्वर रे महान ते तेजस्वी दिन रे आणे का पैल्ले सूरज न्याह्रा ते चाँद खून जदेया होई जाणा।

प्रेरितां रे कम्म 2:20 ပူးပေါင်းရင်းမြစ်များ

मत्ती 24:29

तिन्हा दिनां रे दुखां रे बिल्कुल बाद बिच ही स्वर्ग न्याहरा होई जाणा, ते चाँद री रौसनी चली जाणी, ते तारें आसमान का डिग्गी पैणे ते स्वर्ग री ताकतां हिलाई जाणी।

मत्ती 27:45

दोपहर का लेई करी त्रिये पहर तिकर तिस सारे देस बिच न्याहरा होई गेया।

मरकुस 13:24

“तिन्हा रोज्जां बिच, तिन्हा मुसीबतां रे दिनां रे बाद, सूरज न्याहरा होई जाणा, ते चाँद ने रौसनी नी दैणी,

लूका 21:25

सूरज, ते चाँद ते तारेयां बिच अजीब निशानियां दिसणी ते दुनिया रे देस-देस रे लोक्कां पर मुसीबतां आणी अते मणूआं ने समुन्द्रा री उथल-पुथल अते तिसेरी तबाही जो दिख्खी करी घबराई जाणा।

प्रेरितां रे कम्म 2:19

ते मैं उप्पर आसमान बिच अन्नौखे कम्म ते थल्ले दुनिया पर निशानी, खून, ते आग्ग, ते धुएं रा बद्दल दिखाणा।

प्रेरितां रे कम्म 2:21

ते जे कोई परमेश्वर रा नां लिदां उन्निए छुटकारा पाणा।”

1 कुरुन्थियों 5:5

इदेय मणू जो शैतान जो वापिस सौंपी देयो, ताकि से अपणे पाप्पां का माफी मंगी लेयो। जे अगर से अपणे पाप्पां का माफी मंगी लिंदा तां मसीह रे दुनिया रे हिसाब-किताब करणे बेल्ले तिस मणू ने बची जाणा।

1 थिस्सलुनीकियों 5:2

किजोकी तुसा अप्पु ठीक तरिक्के कने जाणदे कि जिय्यां कुसकी जो भी चोर रे आणे रा पता नी हुंदा तिय्यां ही प्रभु यीशु रे हटणे रा भी समय भी होणा।

2 पतरस 3:10

पर मसीह ने पक्के तौर पर वापिस हटणा। तिन्हा ने कुसकी रे सोच्चे बगैर ही हटणा, जिय्यां कि कोई चोर आंदा। तिस बेल्ले आसमान बिच गर्जणे जदेई अवाज होणी, ते आसमान गायब होई जाणा, सूरत, चाँद, ते सितारे आग्ग कने मुकाई दित्ते जाणे। तिस दिन, परमेश्वर ने से हर इक्क से चीज जाहिर करणी जे लोक्कां ने धरती पर कित्ते री हिन ताकि परमेश्वर तिन्हा का हिसाब-किताब लेई सके।

2 पतरस 3:7

पर परमेश्वर अपणे हुकम कने अब्बे री जमीन ते आसमान जो बचाया करदे हिन, ताकि तिसजो बाद बिच आग्ग कने मुकाई सके। से तिन्हा जो तिस दिन रख्खेया करदे हिन जां तिन्हा ने तिन्हेरे हुकम री ना-फरमानी करणे वाले लोक्कां का हिसाब-किताब लैणा ते तिन्हा जो सजा दैणी।

प्रकाशित वाक्य 16:8

चौथे स्वर्गदूत ने अपणा कटोरा सूरज पर उन्धेरी दित्तेया ते तिसजो मणूआं जो आग्ग कने फुकी दैणे रा हक्क दित्तेया गेया।

प्रकाशित वाक्य 6:12

तां मैं दिख्खेया कि तिस “उरणू” ने छठमी मौहर खोल्ली दित्ती, ते तित्ते बड़ा बड्डा भुकम्प होया। सूरज बिल्कुल घणे काले कम्बल सांई काला होई गेया, ते चाँद रा रांग खून सांई लाल होई गेया।