प्रेरितां रे कम्म 2:14 - चम्बयाली नौआ नियम

¹⁴ तां पतरस तिन्हा ग्याराह प्रेरितां कने खड़ित्ता ते ऊच्ची अवाज बिच बोलणा लग्गेया, ओ यहूदियां ते ओ यरुशलेम सहर रे सारे रैह्णे वालेयों, ए जाणी लेयो, ते कान्न लाई करी मेरी गल्लां सुणो,

प्रेरितां रे कम्म 2:14 ပူးပေါင်းရင်းမြစ်များ

मत्ती 2:1

जां राज्जा हेरोदेस यहूदियां प्रदेश पर राज करेया करदा थिया, तिन्हा दिनां बिच ही यहूदियां प्रदेश रे बैतलहम कस्बे अन्दर यीशु पैदा होए, ते तिन्हेरे पैदा होणे रे थोड़े समय का बाद किच्‍छ ज्योतिषी जे तारे भी पढ़दे थिये, से पूरवी देसां का यरुशलेम सहर बिच आई करी ए पूच्छणा लगे,

प्रेरितां रे कम्म 1:26

तां तिन्हा ने तिन्हेरे नां री चीठ्ठियां पाई, ते चीठ्ठी मत्तियाह रे नां पर निकली अते से तिन्हा ग्यारह प्रेरितां कने गिणेया गेया।

प्रेरितां रे कम्म 13:16

तां पौलुस ने हत्थ हिलाई करी तिन्हा जो चुप्प रैह्णे रा इसारा कित्ता ते बोलणा लग्गेया, ओ इस्राएलियों, ते परमेश्वर रा डर मनणे वालेयों, सुणो

प्रेरितां रे कम्म 2:22

ओ इस्राएलियों, ए गल्लां सुणो: नासरत कस्बे रे यीशु, इक्क मणू थिये जिन्हेरा परमेश्वर रे पास्से का होणे रा सबूत तिन्हा चिन्ह-चमत्कारां, अनौखे कम्मां ते चमत्कारी चिन्ह कने अप्पु जो साबित कित्ता, जे परमेश्वर ने तुसा मझाटे तिन्हेरे का करी दिखाए, जिन्हेरे जो तुसा अप्पु ही जाणदे।

प्रेरितां रे कम्म 21:28

ओ इस्राएलियों, मदद करो ए से ही मणू है, जे लोक्कां रे ते मूसा रे कानून रे अते इस जगाह् रे खिलाफ हर जगाह् सबणी मणूआं जो सखांदा, होर ता होर, यूनानी मणूआं जो भी मन्दिर अन्दर अणी करी तिनिए इस पवित्र जगाह् जो अपवित्र कित्तेया

प्रेरितां रे कम्म 5:35

तां तिसने बोल्लेया, ओ इस्राएल रे लोक्कों, तुसा जे कि ओ इन्हा मणूआं कने करणा चाह्‍ंदे सोची-समजी करी ही करेयो

प्रेरितां रे कम्म 7:2

स्तिफनुस ने बोल्लेया, ओ भाईयों, ते बुजूर्गों सुणो, असा रा बुजुर्ग अब्राहम हारान कस्बे बिच बसणे का पैल्ले जां मेसोपोटामिया बिच थिया, तां महिमामय परमेश्वर ने तिन्हा जो दर्शन दित्ता।

याकूब 2:5

ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।