प्रेरितां रे कम्म 2:10 - चम्बयाली नौआ नियम

¹⁰ ते फ्रूगिया, पंफूलिया, मिस्र देस, लिबिया प्रदेश, जे कुरेने सहर रे नेड़े-तेड़े हिन, इन्हा सारे देस रे रैह्णे वाले ते रोम सहर रे रैह्णे वाले हिन,

प्रेरितां रे कम्म 2:10 ပူးပေါင်းရင်းမြစ်များ

मत्ती 2:15

ते हेरोदेस राज्जा रे मरणे तांइ तित्ते ही रेया, इधेरे तांइ कि से वचन पूरा होई जाओ जे प्रभु ने होशे भविष्यद्वक्ता रे जरिए बोल्लेया थिया, “मैं अपणे पुत्तर जो मिस्र देस का सद्देया।”

मत्ती 23:15

ओ ढोंगी शास्त्रियों, ते फरीसी लोक्कों, तुसा पर लाणत है! तुसा कुसकी मणू जो अपणे मत बिच मिलाणे तांइ दुर-दुर पूजी जांदे अते जां से तुसा रे मत पर मिली जांदा तां तुसा तिसजो अप्पु का भी जादा नरक बिच पाए जाणे जोग्गा बणाई दिंदे।

मत्ती 27:32

बाहर जादें बेल्ले तिन्हेरे जो शमौन नां रा इक्क कुरेनी मणू तिन्हेरे जो मिल्लेया तिन्हा ने तिसजो बेगार बिच पकड़ेया की से तिन्हेरा सुली चुकी करी लेई चले।

मरकुस 15:21

शमौन जे कुरेन सहर रा मणू थिया ते सिकन्दर ते रुफुस रा प्यो थिया, से यरुशलेम जो जाया करदा थिया; पर सपाईयां ने तिसजो जबरदस्ती पकड़ेया ताकि से यीशु री सुली चुक्की करी लेई चलो।

प्रेरितां रे कम्म 11:20

पर तिन्हा बिच का किच्‍छ साइप्रस द्वीप ते कुरेनी प्रदेश रे रैहणेवाले मणू थिये, जे अन्ताकिया सहर अन्दर आई करी यूनानियां जो भी प्रभु यीशु री सुब बसेख रा सूणाणा लग्गे।

प्रेरितां रे कम्म 13:1

अन्ताकिया सहर री कलीसिया बिच किन्ने भविष्यद्वक्ता ते शिक्षक थिये, मतलब बरनबास ते शमौन जिन्हा जो कि नीगर भी बोलदे, ते लूकियुस कुरेनी, ते देस रे चौथे हिस्से रा राज्जा हेरोदेस रा सक्के भ्याल मनाहेम ते शाऊल

प्रेरितां रे कम्म 13:13

पौलुस ते तिसेरे साथी पाफुस कस्बे का जहाज जो चलाई करी पंफूलिया प्रदेश रे पिरगा कस्बे बिच आये ते यूहन्ना मरकुस तिन्हा जो छड्डी करी यरुशलेम सहर जो वापस हटी गेया।

प्रेरितां रे कम्म 13:43

ते जां सभास्थल रे मणू उठी गे तां यहूदियां अते गैर-यहूदी भक्तां बिच का बड़े जणे पौलुस ते बरनबास ते पीच्छे चली पे, ते तिन्हा ने तिन्हा लोक्कां कने गल्लां करी के समजाया, कि परमेश्वर री अनुग्रह बिच बणी रेयो।

प्रेरितां रे कम्म 14:24

ते पिसिदिया प्रदेश जो हुन्दे से पंफूलिया प्रदेश बिच पूज्जे,

प्रेरितां रे कम्म 15:38

पर पौलुस ने तिसजो जे कि पंफूलिया प्रदेश बिच तिन्हा का बखरे होई गे थिये, ते कम्म पर तिन्हा कने नी गे थिये, कने लेई जाणा ठीक नी समजेया

प्रेरितां रे कम्म 16:6

से फ्रूगिया ते गलातिया प्रदेशां का होई करी निकले किजोकी पवित्रात्मा ने तिन्हा जो एशिया प्रदेश बिच वचन सुनाणे जो मना करी दित्तेया थिया।

प्रेरितां रे कम्म 17:21

तित्ते रैह्णे वाले एथेंस रे सब मणू ते परदेसी सिर्फ किच्‍छ नौआ सुनणे या तिन्हा गल्लां री चर्चा रे अलावा कुसकी होर गल्ल बिच अपणा वक्त नी जाया नी करदे थिये।

प्रेरितां रे कम्म 18:2

ते तिस जगाह् पर तिन्हा जो अक्विला नां रा इक्क यहूदी मणू मिल्लेया, जिसेरा जन्म पुन्तुस प्रदेश बिच होए रा थिया। से अपणी लाड़ी प्रिस्किल्ला कने ईतालिया देस बिच हल्ले आया ही थिया, किजोकी क्लौदियुस सम्राट ने सारे यहूदी लोक्कां जो रोम देस छड्डी करी जाणे रा हुकम दित्तया थिया, इधेरे तांइ तिनिये कुरिन्थ सहर छड्डी दित्तेया।

प्रेरितां रे कम्म 18:23

तित्ते किच्‍छ दिन रुकेया ते तिसेरे बाद तित्ते का चली गेया ते गलातिया ते फ्रूगिया रे प्रदेशां बिच इक्क जगाह् का दूज्जी जगाह् पर सफर करदे सबणी चेल्‍लेयां जो विश्वास बिच बधाणे लग्गेया।

प्रेरितां रे कम्म 2:11

मतलब की यहूदी ते यहूदी धर्म अपनाणे वाले अरबी लोक, क्रेते द्वीप रे मणू ते अरब देस रे मणू भी हिन, पर अपणी-अपणी भाषा बिच तिन्हेरे का परमेश्वर रे बड्डे-बड्डे चमत्कारां री गल्लां सूणदे।

प्रेरितां रे कम्म 23:11

तिस्सी रात्ती प्रभु यीशु ने तिसेरे नेड़े खड़े होई करी बोल्लेया, ओ पौलुस, हिम्मत कर किजोकी जिय्यां तैं यरुशलेम अन्दर मेरी गवाई दित्ती, तिय्यां गवाई तिज्जो रोम अन्दर भी दैणा पैणी।

प्रेरितां रे कम्म 27:5

ते किलिकिया ते पंफूलिया सहरां रे समुन्द्र रे किनारे का होई करी लूसिया प्रदेश रे मूरा सहर अन्दर उतरे।

प्रेरितां रे कम्म 28:15

रोम रे विश्वासी असा री आणे री खबर सुणी करी अप्पियुस रे बजार नां रे कस्बे ते तीन्न-सराए नां रे कस्बे तिकर असा कने मिलणे जो निकली आये, जिन्हा जो दिख्खी करी पौलुस ने होंसला बन्नेया ते परमेश्वर रा शुक्रिया कित्तेया।

प्रेरितां रे कम्म 6:5

ए गल्ल सारी मण्डली जो ठीक लग्गी, ते तिन्हा ने स्तिफनुस ना रे इक्क मणू जो जे विश्वास ते पवित्रात्मा कने भरित्ते रा थिया, ते फिलिप्पुस, ते प्रुखुरुस, ते निकाकोर, ते तिमौन, ते परमिनास, ते अन्ताकिया रे रैह्णे वाले निकुलाउस जे यहूदी मत बिच आई गे रा थिया, चुणी लित्ता

प्रेरितां रे कम्म 6:9

तां तिस सभास्थल बिच किच्‍छ मणू जे कुरेनी ते सिकन्दरिया सहर ते किलिकिया ते एशिया रे प्रदेश बिच का थिये ते “दास्तव मुक्त” समुह रे कहलांदे थिये, से मणू स्तिफनुस कने बैह्स करणा लग्गे।

रोमियों 1:15

अते मैं तुसा का रोम सहर बिच आई करी मसीह रा सुब बसेख सुनाणे तांइ उत्सुक है।

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

2 तीमुथियुस 1:17

बल्कि जां से रोम सहर बिच आया थिया, तां बड़ी कोसीस करणे रे बाद मेरे कने मिल्लेया थिया।

प्रकाशित वाक्य 11:8

तिन्हा गवाई दैणे वाले मणूआं रे मरणे का बाद, तिन्हा दोन्नां री लास बड्डे सहर यरुशलेम री गली बिच इय्यां ही पेई री छड्डी दित्ती गई, जिस सहर बिच मसीह यीशु जो सुली पर चढाया गेया थिया। तिस सहर जो सदोम ते मिस्र देस री बराबरी बिच मन्नेया जांदा।