प्रेरितां रे कम्म 2:1 - चम्बयाली नौआ नियम

¹ जां यहूदी लोक्कां रे पिन्तेकुस्त रा त्याहार रा दिन आया, तां से सारे इक्क जगाह् कठित्ते रे थिये।

प्रेरितां रे कम्म 2:1 ပူးပေါင်းရင်းမြစ်များ

प्रेरितां रे कम्म 1:5

किजोकी यूहन्ना ने तां पाणी बिच बपतिस्मा दित्ते रा है पर थोड़े रोज्जां बाद तुसा जो पवित्रात्मा रा बपतिस्मा मिलणा।

प्रेरितां रे कम्म 1:8

पर जां पवित्रात्मा तुसा पर आणा तां तुसा ताकत पाणी ते तुसा यरुशलेम सहर ते सारी यहूदियां प्रदेश ते सामरिया प्रदेश बिच, ते दुनिया रे हर कुणे तिकर तुसा मेरे गवाह बणना।”

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 20:16

किजोकी पौलुस ने इफिसुस सहर रे नेड़े का होई करी जाणे रा मन बणाए रा थिया कि इय्यां ना हो कि तिसजो एशिया प्रदेश बिच देर लगे, किजोकी तिसजो बड़ी तोल लग्गे री थी कि जे होई सको तां से पिन्तेकुस्त रे त्योहर रे रोज्जे यरुशलेम बिच रे।

प्रेरितां रे कम्म 4:24

ए सुणी करी तिन्हा ने इक्क मन होई करी बड्डी अवाज बिच परमेश्वर जो बोल्लेया, ओ स्वामी, तुसा से ही हिन जिन्हा ने आसमान ते जमीन ते समुन्द्र ते जे किच्‍छ तिस बिच है बणाया

प्रेरितां रे कम्म 4:31

जां से प्रार्थना करी बैठे, तां से जगाह् जित्ते से कठित्ते रे थिये, हिली गेया ते से सारे पवित्रात्मा बिच भरी गे, ते परमेश्वर रा वचन हिम्मत कने सुणादे रेय।

प्रेरितां रे कम्म 4:32

भरोसे करणे वालेयां री मडंली इक्क मन रे थिये, इत्ते तिकर कोई भी अपणी जायदाद जो अपणा नी बोलदा थिया, पर सारा किच्‍छ आपस रा थिया

प्रेरितां रे कम्म 5:12

प्रेरितां रे जरिए बड़े चमत्कार ते अनौखे कम्म लोक्कां बिच दिखाए जादें थिये, ते से सारे विश्वासी मणू सुलैमान रे बरांड़े बिच कठिदें थिये।

रोमियों 15:6

ताकि तुसा सारे कठ्ठी करी असा रे परमेश्वर री बड़ाई करो जे असा रे प्रभु यीशु मसीह रे पिता हिन।

1 कुरुन्थियों 16:8

पर मैं पेन्तिकुस्त रे त्योहर तिकर इफिसुस सहर बिच ही रैह्णा!

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

फिलिप्पियों 2:2

तां मेरी ए गल्ल मन्नी करी मेरे जो खुस करी देयो कि अप्पु-मिते इक्क मन कने रेयो, इक्क-दूए कने प्यार रख्खो ते इक्क ही मकसद ते इक्क-मन होई करी रेयो।