प्रेरितां रे कम्म 19:2 - चम्बयाली नौआ नियम

² तिन्ने तिन्हा जो बोल्लेया, कै तुसा जो जां तुसा विश्वास कित्तेया थिया तिस बेल्ले पवित्रात्मा मिल्लेया थिया? तिन्हा ने जवाब दित्तेया, असा ने तां सूणेया तक नी कि कोई पवित्रात्मा है भी।

प्रेरितां रे कम्म 19:2 ပူးပေါင်းရင်းမြစ်များ

यूहन्ना 7:39

तिन्हा ने ए वचन पवित्रात्मा रे बारे बिच बोल्लेया थिया, जिस जो उन्हेरे पर विश्वास करणे वाले पाणे वाले थिये किजोकी आत्‍मा हल्ले तिकर नी उतरेया थिया, किजोकी हल्ले तिकर परमेश्वर ने यीशु री महिमा प्रकट नी कित्ती थी।

प्रेरितां रे कम्म 10:44

पतरस ए गल्लां बोल्लेया ही करदा थिया, कि पवित्रात्मा वचन सब सुनणे वाले लोक्कां पर उतरी आया।

प्रेरितां रे कम्म 19:5

यह सुणी करी तिन्हा ने प्रभु यीशु रे नां पर बपतिस्मा लित्तेया।

प्रेरितां रे कम्म 2:17

परमेश्वर बोलदे, “आखरी दिनां बिच इय्यां होणा कि मैं अपणा आत्‍मा सारे लोक्कां जो दैणा, ते तुसा रे मुडें ते तुसा री कुड़ियां ने भविष्यवाणी करणी, ते तुसा रे जवान्नां ने दर्शन दिखणे, ते तुसा रे बुजुर्ग मणू ने सुपने दिखणे

रोमियों 1:11

किजोकी मैं तुसा का मिलणे री इच्छा करदा ताकि मैं तुसा जो आत्मिक आशीषां देयां, जिस कने तुसा विश्वास बिच होर मजबूत होई जाओ,

1 कुरुन्थियों 6:19

तुसा जो पता ही है कि तुसा रा सरीर इक्क मन्दिर सांई है, जिस बिच पवित्रात्मा वास करदा जे तुसा जो परमेश्वर रे पास्से का मिल्ले रा है, ते तुसा रा अप्पु पर कोई हक नी है किजोकी तुसा परमेश्वर रे हिन।

गलातियों 3:5

परमेश्वर ने तुसा जो भरपुरी कने पवित्रात्मा दित्तेया ते चिन्ह-चमत्कारी कम्म करणे रे दान दित्ते। कै से तुसा जो मूसा रा कानून रे जो मनणे कने मिल्लेया फिरी यीशु मसीह बिच विश्वास करणे रे जरिये मिल्ले?