प्रेरितां रे कम्म 18:8 - चम्बयाली नौआ नियम

⁸ तां सभास्थल रे सरदार क्रिस्पुस ने ते तिसेरे टब्बर ने प्रभु पर विश्वास कित्तेया, ते बड़े कुरुन्थियों ने भी सूणेया ते विश्वास कित्तेया ते बपतिस्मा लित्तेया

प्रेरितां रे कम्म 18:8 ပူးပေါင်းရင်းမြစ်များ

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

मरकुस 5:22

याईर नां रे सभास्थल रे सरदारां बिच का इक्क आया, ते तिन्हेरे जो दिख्खी करी तिन्हेरे पैरां पर पेई गेया,

मरकुस 5:35

यीशु हल्ले तिस जनानी कने गल्ल करेया ही करदे थिये ही करदे थिये कि सभास्थल रे सरदार याईर रे घरे रे लोक्कां ने आई करी बोल्लेया, “तेरी कुड़ी तां मरी गई, अवे गुरु जी जो तगं मत कर।”

प्रेरितां रे कम्म 10:2

से परमेश्वर रा भक्त मणू थिया, ते सारा टब्बर परमेश्वर रा डर मन्दा थिया, ते गरीब यहूदियां जो बड़ा दान दिंदे थिये, ते लगातार परमेश्वर कने प्रार्थना करदे थिये।

प्रेरितां रे कम्म 11:14

तिन्ने तुसा कने इदेइ गल्लां बोलणी, जिन्हा कने परमेश्वर ने तिज्जो तेरे पूरे टब्बर जो छुटकारा दैणा।

प्रेरितां रे कम्म 13:15

ते मूसा रे कानून ते भविष्यद्वक्ता री कताबां रे पढ़ने का बाद सभास्थल रे सरदारा ने तिन्हा का बोल्ली भेज्जेया, कि ओ भाईयों, जे मणूआं री उपदेस तांइ तुसा रे मन बिच कोई गल्ल है तां बोल्लो।

प्रेरितां रे कम्म 16:34

फिरी से पौलुस ते सीलास जो अपणे घरे लेई गेया ते तिन्हा जो रोट्टी खुआई ते सारे घरेतां जो परमेश्वर पर विश्वास करणे री वजह कने खुसी होई।

प्रेरितां रे कम्म 18:1

इसेरे बाद पौलुस एथेंस सहर जो छड्डी करी कुरिन्थुस सहर बिच आए।

प्रेरितां रे कम्म 18:17

तां सब, मणूआं ने सभास्थल रे सरदार सोस्थिनेस जो पकड़ी करी हिसाब-किताब री गद्दी रे सामणे मारेया, पर गल्लियो ने इन्हा सब गल्लां री फिकर नी कित्ती।

प्रेरितां रे कम्म 19:1

ते जां अपुल्लोस कुरिन्थुस सहर बिच थिया, तां पौलुस तिन्हा प्रदेशां रे उपराल्ले हिस्सेयां बिच सफर करदे-करदे इफिसुस सहर बिच आई पूज्जेया तित्ते तिसजो किच्‍छ चेल्‍ले मिल्ले।

प्रेरितां रे कम्म 8:12

पर जां लोक्कां ने परमेश्वर रे राज ते मसीह यीशु रे नां रा विश्वास कित्तेया जिन्हेरा सुब बसेख फिलिप्पुस सुणाया करदा थिया, तां मते सारे मणू तिसका बपतिस्मा लैणा लगे।

2 कुरुन्थियों 1:1

मैं पौलुस परमेश्वर री मर्जी कने मसीह यीशु रा प्रेरित है। ते असा रे विश्वासी भ्याल तीमुथियुस कने कुरिन्थुस सहर बिच परमेश्वर री कलीसिया जो ते अखाया प्रदेश रे परमेश्वर रे सारे लोक्कां जो ए चीठ्ठी लिख्खेया करदा है।

2 कुरुन्थियों 1:23

परमेश्वर मेरे गवाह हिन कि मैं सच बोल्लेया करदा है कि दूज्जी वरी कुरिन्थुस सहर बिच इधेरे तांइ नी आया किजोकी मैं तुसा जो तुसा री गलतियां री वजह कने बकणा नी चाह्‍ंदा थिया।

2 कुरुन्थियों 6:11

ओ कुरिन्थियों सहर रे विश्वासियों, असी तुसा कने खुली करी गल्लां कित्ती री हिन, असी तुसा जो खुले दिल कने प्यार करदे।

2 तीमुथियुस 4:20

इरास्तुस, कुरिन्थुस सहर बिच रुकी गेया, ते मैं त्रुफिमुस जो बिमार होणे री वजह कने मिलेतुस रे कस्बे बिच छड्डी दित्ते रा है।