प्रेरितां रे कम्म 18:6 - चम्बयाली नौआ नियम

⁶ पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

प्रेरितां रे कम्म 18:6 ပူးပေါင်းရင်းမြစ်များ

मत्ती 10:14

जे कोई तुसा जो नी अपणांदा अते तुसा री गल्लां नी सूणदा, तां तिस घर या तिस सहर का जांदे बेल्ले अपणे पैरां का धूल झम्मी आयो।

मत्ती 21:41

तिन्हा ने तिस कने बोल्लेया, तिनिये तिन्हा बुरे लोक्कां जो बुरे तरिक्के कने खत्म करी रखणा ते अंगूर रे बगीच्चे रा ठेका दूए किसानां जो दैणा, जिन्हा ने ठीक बेल्ले तिसजो फल्ल दैणा।

मत्ती 21:43

इसी तांइ मैं तुसा जो बोलदा की परमेश्वर रा राज तुसा का लेई लित्तेया जाणा ते इदेइ गैर यहूदी जाति जो दित्तेया जाणा जे तिसेरा फल्ल लाए।

मत्ती 22:10

अते तिन्हा नौकरांं ने हर चौराहे पर जाई करी, कै ठीक कै बुरे जिनिये मणू मिल्ले, सारेयां जो कठ्ठेरेया, ते ब्याह रा घर मेहमानां कने भरी गेया।

मत्ती 27:25

सब लोक्कां ने जवाब दित्ता, इसेरे खून रा जिम्मा असा पर ते असा रे औलादां पर हो!

मत्ती 8:11

मैं तुसा जो बोलदा कि पूरब ते पश्चिम का मते सारे गैर यहूदियां ने आई करी अब्राहम, इसहाक अते याकूब कने स्वर्ग रे राज बिच रोट्टी खाणा बैह्णा,

लूका 22:65

अते तिन्हा ने यीशु री बेजती करणे तांइ होर भी मती सारी गल्लां बोल्लियाँ।

लूका 9:5

जे तिस ग्रां रे मणू तुसा रे सुब बसेख जो नी मनगे, तां तित्ते का निकलदे बेल्ले अपणे पैरां री धूड़ झाड़ी आयो, ताकि ए तिन्हा पर गवाई होई सको कि से अपणी कित्ते री अप्पु भुगतन

प्रेरितां रे कम्म 13:51

तां पौलुस ते बरनबास तिन्हेरे सामणे अपणे पैरा री धूल झम्मी करी इकुनियुम सहर जो गे।

प्रेरितां रे कम्म 26:11

हर इक्क सभास्थल अन्दर मैं तिन्हा जो सजा दुआई-दुआई करी यीशु री बेजती करान्दा थिया ते होर तां होर, लेर री वजह कने इदेया पागल होई गेया कि दूए सहरां अन्दर भी जाई करी तिन्हा जो तंग करदा थिया।

प्रेरितां रे कम्म 26:20

पर पैल्ले दमिश्क कस्बे रे, फिरी यरुशलेम सहर रे, ते फिरी तां यहूदियां प्रदेश रे सारे देस रे रैह्णे वालेयां जो ते गैर यहूदी लोक्कां बिच प्रचार करदा रेया, कि अपणे पाप्पां का तौबा करी के परमेश्वर का हटी आओ।

प्रेरितां रे कम्म 28:28

इधेरे तांइ तुसा जो पता लग्गो कि परमेश्वर रे इस छुटकारा री कहाणी गैर यहूदी का भेज्जेया गे री है, ते तिन्हा ने इसजो अपणाई लैणा।

रोमियों 3:29

परमेश्वर सिर्फ यहूदी लोक्कां रे परमेश्वर नी हिन, पर से गैर यहूदियां रे भी परमेश्वर हिन।

1 तीमुथियुस 5:22

जल्दबाजी बिच कुसकी भी मणू पर हत्थ रख्खी करी तिसजो परमेश्वर री सेवा करणे तांइ मुखिया मत बणांदे। कुसकी रे पाप बिच हिस्सेदार मत बणदे, अप्पु जो पवित्र बणाई रख्खो।

2 तीमुथियुस 2:25

ते तिसजो तिन्हा लोक्कां जो बड़ी नरमदिली कने समझाणा चाएदा जे तिसेरे खिलाफ हिन, मुमकिन है कि परमेश्वर तिन्हा जो अपणा मन बदलणे बिच मदद करे ताकि से मणू भी मसीह री सच्चाई जो जाणे।

1 पतरस 4:14

जे मसीह यीशु रे नां री वजह कने तुसा री बेजती कित्ती जांदी तां तुसा धन्न हिन, किजोकी परमेश्वर रा महिमामय आत्‍मा तुसा बिच वास करदा।

1 पतरस 4:4

इसी वजह कने अवे से मणू हैरान हुंदे जां तुसा तिन्हेरे गंदे कम्मां बिच तिन्हा कने शामिल नी हुंदे। इधेरे तांइ से तुसा रे बारे बिच गलत गल्लां बोलदे।