प्रेरितां रे कम्म 17:7 - चम्बयाली नौआ नियम

⁷ ते यासोन ने इन्हा जो अपणे घरे रैह्णे री अनुमती दित्ते री है, ते ए सब सम्राट रे हुकमां रे खिलाफ होई करी कम्म करदे हिन ते बोलदे, इक्क राजा होर है जिसेरा नां यीशु है।

प्रेरितां रे कम्म 17:7 ပူးပေါင်းရင်းမြစ်များ

लूका 10:38

जां यीशु ते तिन्हेरे चेल्‍ले यरुशलेम पास्से जाया करदे थिये तां से इक्क ग्रां बिच पूज्जे, जित्ते मार्था नां री इक्क जनानी ने तिन्हेरा अपणे घरे सुआगत कित्ता।

लूका 23:2

से पिलातुस रे अग्गे यीशु पर इल्जाम लगाणा लगे, कि ए यहूदी मणूआं जो भड़काया करदा है, अते तिन्हा जो सम्राट जो चुंगी दैणे जो मन्हा करेया करदा है, अते असा ने इसजो अप्पु जो यहूदियां रा राजा कने मसीह यीशु बोलदा भी सूणेया है

यूहन्ना 19:12

ए सुणी करी पिलातुस यीशु जो छड्डणे री कोसीस करणा लग्गेया, पर यहूदी चिंडा मारी-मारी करी बोलणा लग्गे, जे तुसा इसजो छड्डी दिन्गे, तां तुसा सम्राट रे दोस्त नी हिन, कोई भी जे अप्पु जो राज्जा बोलणे रा दावा करदा, से रोम रे सम्राट रे खिलाफ है।

प्रेरितां रे कम्म 16:21

ए इदेय रीति रवाजां री वकालत करेया करदे हिन जिन्हा जो अपनाणा या तिन्हा जो मनणा असा रोम देस रे रैह्णे वाले लोक्कां तांइ ठीक नी है।

प्रेरितां रे कम्म 17:5

पर यहूदियां ने खून्दक बिच आई करी बजार का केई गुन्डेया जो अपणे कने लेया, ते भीड़ लाई करी सहर बिच दंगे करणा लग्गे, ते यासोन रे घरे पर हमला करी के पौलुस ते सीलास जो सामणे लियाणा चाएया।

प्रेरितां रे कम्म 17:8

जां लोक्कां री भीड़ ते सहर रे अधिकारियां ने ए सूणेया तां से घबराई गे

याकूब 2:25

तिय्यां ही राहाब वेश्या ने भी जां तिन्हा जासुसां जो अपणे घरे रुकाया, ते दूए रस्ते का भेजी दित्तेया, तां तिसजो भी परमेश्वर ने तिसजो तिसेरे कम्मां कने ही धार्मिक ठैहराया।

1 पतरस 2:15

परमेश्वर चाह्‍ंदे कि तुसा भलाई रे कम्म करो ताकि तुसा तिन्हा मुर्ख लोक्कां जो अप्पु पर इल्जाम लाणे का रोक्की सको जे परमेश्वर जो नी जाणदे।