प्रेरितां रे कम्म 17:5 - चम्बयाली नौआ नियम

⁵ पर यहूदियां ने खून्दक बिच आई करी बजार का केई गुन्डेया जो अपणे कने लेया, ते भीड़ लाई करी सहर बिच दंगे करणा लग्गे, ते यासोन रे घरे पर हमला करी के पौलुस ते सीलास जो सामणे लियाणा चाएया।

प्रेरितां रे कम्म 17:5 ပူးပေါင်းရင်းမြစ်များ

मत्ती 27:18

किजोकी से जाणदा थिया की तिन्हा ने तिन्हेरे जो चलाकी कने पकड़वाया रा है

प्रेरितां रे कम्म 13:45

पर यहूदी अधिकारियां री भीड़ जो दिख्खी करी रड़णा लग्गे, ते बेजती करदे पौलुस री गल्लां रे खिलाफ होई करी बोलणा लग्गे

प्रेरितां रे कम्म 14:19

पर किन्ने ही यहूदियां अधिकारियां ने अन्ताकिया ते इकुनियुम रे सहरां बिच आई करी मणूआं जो अपणे पास्से करी लेया, ते पौलुस पर बट्टे भणकाये, ते मरे रा समजी करी तिसजो सहर का बाहर धरीड़ी लेई गे।

प्रेरितां रे कम्म 14:2

पर नी मनणे वाले यहूदियां ने गैर यहूदियां मणूआं जो संगी विश्वासियां रे खिलाफ उकसाए, ते फूट पाई दित्ती।

प्रेरितां रे कम्म 17:13

पर जां थिस्सलुनीके सहर बिच रैह्णे वाले यहूदी जाणी गे, कि पौलुस बिरीया सहर बिच भी परमेश्वर रा वचन सुणाया करदा है, तां तित्ते भी आई करी मणूआं जो उकसाणे ते हल्ला मचाणा लग्गे

प्रेरितां रे कम्म 17:6

पर तिन्हा जो से नी मिल्ले तां तिन्हा ने यासोन ते कितणे ही दूज्जे संगी विश्वासियां जो सहर बिच राज्यपाल रे सामणे धृड़ी करी लेई आये, कि ए मणू जिन्हा ने सारी दुनिया बिच उथल-पुथल मचाई रख्खे री है, अवे इत्ते आई गे।

प्रेरितां रे कम्म 17:7

ते यासोन ने इन्हा जो अपणे घरे रैह्णे री अनुमती दित्ते री है, ते ए सब सम्राट रे हुकमां रे खिलाफ होई करी कम्म करदे हिन ते बोलदे, इक्क राजा होर है जिसेरा नां यीशु है।

प्रेरितां रे कम्म 17:9

ते तिन्हा ने यासोन ते बाकि मणूआं का जुर्माना लेई करी तिन्हा जो छड्डी दित्तेया।

प्रेरितां रे कम्म 18:12

जां गल्लियो अखाया प्रदेश रा राज्यपाल थिया तां यहूदी मणू पौलुस रे खिलाफ होई गे, ते तिसजो हिसाब-किताब री गद्दी रे सामणे लियाई करी, बोल्णा लग्गे।

प्रेरितां रे कम्म 19:40

किजोकी अज्ज रोमी अधिकारियां रे खिलाफ विरोध होणा रे बाद, असा पर इल्जाम लगणे रा डर है, किजोकी इसेरी कोई वजह नी है, अते असी इस भीड़ रे कठीणे रा कोई जवाब नी देई सकणा।

प्रेरितां रे कम्म 7:9

कुलपतियां ने तिन्हेरे भ्याल यूसुफ का हिर्स करी के तिसजो मिस्र देस जाणे वालेया जो बेच्ची दित्ता पर परमेश्वर तिसेरे कने थिये।

रोमियों 16:21

मसीह री सेवा करणे बिच मेरे साथी तीमुथियुस, ते मेरे संगी यहूदी लूकियुस, ते यासोन, ते सोसिपत्तरुस, रे पास्से का तुसा जो नमस्कार!

1 कुरुन्थियों 3:3

किजोकी हल्ले तांइ तुसा इस दुनिया रे अविश्वासी लोक्कां सांई हिन। तुसा रे बिच हिर्स अते झगड़ा है, इस कने साबित हुंदा कि तुसा इस दुनिया रे दूए लोक्कां सांई हिन ते तिय्यां ही बरताव करदे।

2 कुरुन्थियों 11:26

मैं घड़ी-घड़ी यात्रा अन्दर दरिया रे जोखिमां अन्दर, ड़ाकुआं रे जोखिमां अन्दर, अपणी जात वाले मणूआं रे जोखिमां अन्दर, गैर यहूदियां रे जोखिमां अन्दर, सहरां रे जोखिमां, अन्दर बणां रे जोखिमां अन्दर, समुन्दर रे जोखिमां अन्दर, झूठे विश्वासियां रे मझाटे जोखिमां अन्दर रेया।

गलातियों 5:21

जलन, मतवाले होई जाणा, लीला-क्रीड़ा अते इन्हा सांई होर-होर कम्म हिन, इन्हेरे बारे अन्दर मैं तुसा कने पैल्ले का ही जताई दिन्दा, जिय्यां कि पैल्ले भी जताई चुके रा है कि इदेय-इदेय कम्म करणे वाले मणू परमेश्वर रे राज रे वारिस नी बणी सकदे।

गलातियों 5:26

असी घमंडी ना बणे ते ना ही इक्क-दूज्जे जो छेड़े, अते नां इक्क-दूज्जे री हिर्स करण।

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

याकूब 4:5

तुसा जो ए समझणा चाएदा की परमेश्वर पवित्रशास्त्र बिच ए बोलदे, “जिस आत्‍मा जो परमेश्वर ने असा रे अन्दर बसाए रा है, से हिर्स नी करदा जे अगर असी परमेश्वर रे अलावा असी होर कुसकी कने प्यार रखदे।”