प्रेरितां रे कम्म 17:4 - चम्बयाली नौआ नियम

⁴ तिन्हा बिच किन्ने यहूदी लोक्कां ने, ते परमेश्वर रे भक्त यूनानियां बिच का बड़े जणेया ने ते बड़ी सारी कुलीन जनानियां ने मन्नी लेया, ते पौलुस ते सीलास कने मिल्ली गे।

प्रेरितां रे कम्म 17:4 ပူးပေါင်းရင်းမြစ်များ

यूहन्ना 7:35

इस पर यहूदियां अधिकारियां ने अप्पु बिच बोल्लेया, इन्हा ने कुते जाणा कि असी इन्हा जो तोपी नी सकदे? कै ए तिन्हा यहूदी लोक्कां का जांगा जे यूनानी लोक्कां बिच तित्तर-बित्तर होई करी रैहन्दे, ते यूनानी लोक्कां जो भी उपदेस दिंगा?

प्रेरितां रे कम्म 13:43

ते जां सभास्थल रे मणू उठी गे तां यहूदियां अते गैर-यहूदी भक्तां बिच का बड़े जणे पौलुस ते बरनबास ते पीच्छे चली पे, ते तिन्हा ने तिन्हा लोक्कां कने गल्लां करी के समजाया, कि परमेश्वर री अनुग्रह बिच बणी रेयो।

प्रेरितां रे कम्म 13:50

पर यहूदी अधिकारियां ने भक्तां ते कुलीन जनानियां जो ते सहर रे बड़े मणूआं जो उकसाया, ते पौलुस ते बरनबास पर जोर जबरदस्ती करी के तिन्हा जो अपणे सहर का बाहर कड्डी दित्तेया।

प्रेरितां रे कम्म 14:1

इकुनियुम सहर बिच इय्यां होया कि से यहूदियां री सभास्थल जो इकठ्ठे गे, ते इदेइ गल्लां कित्ती की, कि यहूदियां ते यूनानियां बिच का केई जणेया ने विश्वास कित्तेया

प्रेरितां रे कम्म 14:4

पर सहर रे मणूआं बिच फूट पेई गई थी, इस कने किन्ने ही तां यहूदियां रे पास्से, ते कितणे ही खास प्रेरितां रे पास्से होई गे,

प्रेरितां रे कम्म 15:22

जां यरुशलेम री सारी कलीसिया समेत खास प्रेरित ते बुजुर्ग मणू जो खरा लग्गेया, कि अपणे बिच का केई मणूआं जो चुनण, मतलब यहूदा जिस जो कि बरसब्बास भी बोल्दे, ते सीलास जो जे कि विश्वासियां बिच बड़े इज्जतदार भी थिये, ते तिन्हा पौलुस ते बरनबास रे कन्ने अन्ताकिया सहर री कलीसिया का भेज्जेया।

प्रेरितां रे कम्म 15:27

ते असा ने यहूदा ते सीलास जो भेज्जेया, ताकि से अप्पु तुसा जो ए सब गल्लां बोल्ली देंन।

प्रेरितां रे कम्म 15:32

ते यहूदा ते सीलास ने जे खुद भी भविष्वाणी करणे वाले थिये, बड़ी गल्लां कने विश्वासियां जो उपदेस देई करी मजबूत कित्तेया।

प्रेरितां रे कम्म 15:40

पर पौलुस ने सीलास जो चुणी लेया, ते विश्वासियां का परमेश्वर री अनुग्रह पर सौंपी दित्तेया ते अन्ताकिया सहर का चली गेया।

प्रेरितां रे कम्म 16:3

पौलुस ने चाह्‍ंदा थिया कि ए मेरे कने चलन, ते जे यहूदी मणू तिन्हा जगाह् बिच थिये तिन्हेरी वजह कने तिसेरा खतना कित्तेया, किजोकी से जाणदे थिये, कि तिसेरा प्यो यूनानी थिया

प्रेरितां रे कम्म 17:10

फिरी झट ही तिन्हा जो रातो रात संगी विश्वासियां ने पौलुस ते सीलास जो बिरीया कस्बे जो भेज्जी दित्तेया तित्ते पूज्जी करी, से यहूदियां रे सभास्थल बिच गे।

प्रेरितां रे कम्म 17:12

तां तिन्हा बिच का बड़े जणे यहूदियां ने ते कुलीन यूनानी जनानी ते मर्दां ने विश्वास कित्तेया

प्रेरितां रे कम्म 17:14

तां विश्वासियां ने झट पौलुस जो भेज्जी दित्तेया, कि समुन्द्र रे कनारे चली जा, पर सीलास ते तीमुथियुस बिरीया बिच ही रे।

प्रेरितां रे कम्म 17:17

इधेरे तांइ से सभास्थल बिच यहूदियां ते गैर यहूदी परमेश्वर रे भक्तां कने ते चौक बिच जे मणू मिलदे थिये, तिन्हा कने हर रोज बैहस-बाजी करदा थिया।

प्रेरितां रे कम्म 17:34

पर केई मणू तिस कने मिल्ली गे, ते मसीह यीशु पर विश्वास कित्तेया, जिन्हा बिच का दियुनुसियुस अरियुपगी थिया, ते दमरिस नां री इक्क जनानी थी, ते तिन्हा कने होर भी किच्‍छ मणू थिये।

प्रेरितां रे कम्म 18:4

ते पौलुस हर इक्क विश्राम दिन पर सभास्थल बिच बैहस-बाजी करी के यहूदियां ते यूनानियां जो मसीह बिच विश्वास करणे तांइ समझांदा थिया।

प्रेरितां रे कम्म 19:10

दो साल तांइ इय्यां ही हुन्दा रेया, इत्ते तक कि एशिया प्रदेश रे रैह्णे वाले कै यहूदी, कै यूनानी सबने प्रभु रा वचन सूणेया

प्रेरितां रे कम्म 2:44

ते सारे विश्वास करणे वाले कठ्ठे रैह्‍न्दे थिये, ते तिन्हेरी सारी चीजां आपस बिच साझे बिच थी।

प्रेरितां रे कम्म 21:28

ओ इस्राएलियों, मदद करो ए से ही मणू है, जे लोक्कां रे ते मूसा रे कानून रे अते इस जगाह् रे खिलाफ हर जगाह् सबणी मणूआं जो सखांदा, होर ता होर, यूनानी मणूआं जो भी मन्दिर अन्दर अणी करी तिनिए इस पवित्र जगाह् जो अपवित्र कित्तेया

प्रेरितां रे कम्म 28:24

तां थोड़े जणेया ने तिन्हा गल्लां पर विश्वास करी लेया, अते किच्‍छ जणेया ने विश्वास नी कित्तेया।

प्रेरितां रे कम्म 4:23

से छुटिकरी अपणे साथियां का आए, ते जे किच्‍छ बड्डे पुरोत्तां ते बुजुर्ग लोक्कां ने तिन्हा जो बोल्ले रा थिया, तिन्हा जो सूणाई दित्ता

2 कुरुन्थियों 8:5

ते तिन्हा ने असा री उम्मीद का जादा बधी करी कित्तेया, पैल्ले तिन्हा ने अप्पु जो परमेश्वर जो पसंद आणे वाली जिन्दगी जीणे तांइ समर्पित करी दित्तेया, ते फिरी तिन्हा ने प्रभु री इच्छा रे हिसाब कने अप्पु जो असा जो समर्पित करी दित्ता।