प्रेरितां रे कम्म 17:3 - चम्बयाली नौआ नियम

³ ते तिन्हेरा मतलब खोली करी समझान्दा थिया, कि मसीह यीशु रा दुख उठाणा, ते मरे रे बिच का जिंदा होई जाणा जरुरी थिया, ते ऐई यीशु जिसेरी बारे बिच मैं प्रचार करेया करदा है, से ही मसीह हिन।

प्रेरितां रे कम्म 17:3 ပူးပေါင်းရင်းမြစ်များ

लूका 24:32

फिरी से आपस बिच बोल्णा लगे, रस्ते बिच जां से असा रे कने गल्लां करदे थिये, अते असा जो पवित्रशास्त्र बिच का समजाया करदे थिये तां असा रे दिलां बिच उम्मीद कने भरी गेया।

लूका 24:44

फिरी यीशु ने तिन्हा जो बोल्लेया, ए से गल्लां हिन जे मैं तुसा जो बोल्ली थिया, जां मैं तुसा कन्ने थिया, कि हर से गल्ल जे मेरे बारे बिच मूसा रे कानून बिच भविष्यद्वक्ता री कताबां बिच अते भजना री कताबां बिच लिख्खी दी हिन, से सब गल्लां पूरी होणी।

लूका 24:46

अते तिन्हा जो बोल्लेया, पवित्र शास्तर, बिच इय्यां लिख्खे दा है, कि मसीह दुख उठाणा अते तिज्जे रोज्जे मरे रे मणूआं बिच का जिन्दा होई जाणा।

यूहन्ना 20:9

किजोकी यीशु रे जिन्दे होणे रे पैल्ले तिकर से पवित्रशास्त्र बिच लिख्खे री इस गल्ल जो नी समजे थिये, कि तिन्हेरा मरे रेयां बिच का जिंदा होणा पक्का है।

प्रेरितां रे कम्म 1:4

जां से सारे कठ्ठे थिया तां यीशु ने तिन्हा कने मिली करी तिन्हा जो हुकम दित्तेया, यरुशलेम सहर जो ना छड्डो, पर पिता रे तिस वादे रे पूरा होणे रा इतंजार करो, जिसेरी गल्ल तुसा मेरे का सुणी चुके रे हो।

प्रेरितां रे कम्म 18:28

किजोकी पवित्रशास्त्र का प्रमाण देई-देई करी कि यीशु ही मसीह हिन, से यहूदियां जो लोक्कां रे बिच-मझाटे शास्त्र बिच का जबरदस्त गल्लां बोल्ली करी चुप्प करांदा रेया।

प्रेरितां रे कम्म 18:5

जां सीलास ते तीमुथियुस मकिदुनिया प्रदेश का आये, तां पौलुस ने तम्बू बनाणा छड्डी करी वचन सुनाणे बिच मगन होई करी यहूदियां जो गवाई दिन्दा थिया कि यीशु ही मसीह है:

प्रेरितां रे कम्म 3:18

पर जिन्हा गल्लां जो परमेश्वर ने सारे भविष्यद्वक्ता रे जरिए पैल्ले ही दस्सी दित्ते रा थिया, कि तिन्हेरे मसीह ने दुख झेलणा ते मारे जाणे, तिन्हा गल्लां जो मसीह ने इस तरिक्के कने पूरा कित्ता।

प्रेरितां रे कम्म 9:22

पर शाऊल होर भी जोर-शोर कने प्रचार करदा गेया ते इस गल्ल जो साबित करी के कि मसीह यीशु इत्ते ही है, दमिश्क बिच रैह्णे वाले यहूदियां रा मुँह बांद्द करदा थिया,

गलातियों 3:1

ओ गलातिया कलीसिया रे मणूओं, तुसा नासमझ होई गेरे हिन। मैं तुसा जो साफ-साफ समजाया थिया कि यीशु मसीह ने सुली पर कुर्बानी किजो दित्ती थी, पर फिरी भी तुसा किय्यां धोखा खाई सकदे?