प्रेरितां रे कम्म 17:23 - चम्बयाली नौआ नियम

²³ किजोकी घूमदे-फिरदे तुसा री भक्ति वाली चीजां जो दिख्खेया करदा थिया, तां इक्क वेदी दिख्खी जिस पर लिख्खे रा थिया, कि अनजाणे परमेश्वर तांइ तां तुसा जिस जो बिना जाणे अराधना करदे, पर मैं तुसा जो तिसेरा सुब बसेख सूणान्दा

प्रेरितां रे कम्म 17:23 ပူးပေါင်းရင်းမြစ်များ

मत्ती 15:9

ए बेकार अंदर ही मेरी भक्ति करदे, अते मणूआं रे उपदेस जो धर्म रे सिद्धान्त करी के सिखान्दे।

यूहन्ना 17:25

ओ धार्मिक पिता, दुनिया रे लोक्कां ने मेरे जो नी जाणेया पर मैं तुसा जो जाणेया ते मेरे चेल्‍लेयां ने भी जाणेया कि तुसा ने मेरे जो भेज्जे रा है।

यूहन्ना 17:3

ते इस तरिक्के कने हमेसा री जिन्दगी जो हासिल कित्तेया जाई सकदा कि मणू इकलौते सच्चे परमेश्वर जो ते यीशु मसीह यानी मेरे जो जाणे जिस जो तुसा दुनिया रे लोक्कां का भेज्जे रा है।

यूहन्ना 4:22

तुसा सामरी कस्बे रे मणू जिस जो नी जाणदे, तिसेरी अराधना करदे, ते असी यहूदी मणू जिस जो जाणदे तिसेरी अराधना करदे, किजोकी छुटकारा यहूदियां बिच का है।

यूहन्ना 8:54

यीशु ने जवाब दित्ता, जे अगर मैं अप्पु अपणी बड़ाई करां, तां मेरी बड़ाई किच्‍छ नी पर मेरी बड़ाई करणे वाला मेरा पिता है, जिस जो तुसा बोलदे कि तुसा रा परमेश्वर है।

प्रेरितां रे कम्म 17:30

इधेरे तांइ परमेश्वर लोक्कां री अज्ञानता रे बेल्ले बिच आनाकानी करी के, अवे हर जगाह् सब मणूआं जो अपणे पाप्पां का तौबा करी लैणे रा हुकम दिंदे हिन।

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

इफिसियों 2:12

तिस बेल्ले तुसा मसीह रे बारे बिच नी जाणदे थिये ते तुसा परमेश्वर रे चुणे रे मणूआं बिच का नी थिये ते तुसा परमेश्वर री तिन्हेरे लोक्कां कने कित्ते रे वादे रे हिस्सेदार भी नी थिये। तुसा इस दुनिया बिच परमेश्वर का दुर बगैर कुसकी आस रे जिया करदे थिये।

2 थिस्सलुनीकियों 2:4

तिनिये परमेश्वर रे ते हर इक्क तिस चीज रे खिलाफ होणा मणू जिसेरी अराधना करदे ते तिनिये ए दावा करणा कि से तिन्हा सारेयां का जादा बड्डा है। इत्ते तिकर कि तिस दुष्ट ने मन्दिर बिच भी बेई जाणा ते सारेयां जो ए बोलणा कि से अप्पु ही परमेश्वर है।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।