प्रेरितां रे कम्म 17:2 - चम्बयाली नौआ नियम

² ते पौलुस अपणे तरिक्के कने तिन्हा का गेया, ते त्रै विश्राम दिन पर पवित्रशास्त्र का तिन्हा कने बैह्स कित्ती।

प्रेरितां रे कम्म 17:2 ပူးပေါင်းရင်းမြစ်များ

मत्ती 26:24

मणू रा पुत्तर, जे मैं ही है तां जदेया तिसेरे बारे बिच लिख्खे रा है, मरणा जरुरी है पर तिस मणू तांइ अफसोस है जिसेरे वजह कने मणू रा पुत्तर, जे मैं ही है पकड़वाया जादां: जे तिस मणू रा जन्म ही नी हुदां तां तिसेरे तांइ भला हुदां।

लूका 4:16

फिरी से नासरत रे कस्बे जो हटी आई, जित्ते तिन्हेरा बचपन बित्तेया थिया, ते से हर वरी सांई विश्राम दिन सभास्थल बिच गे, ते जां से पवित्रशास्त्र पढ़ने तांइ खड़े होये

यूहन्ना 18:20

यीशु ने तिसजो जवाब दित्तेया, मैं हमेसा लोक्कां रे सामणे खुली करी गल्ल कित्ती, मैं हमेसा सभास्थल बिच अते मन्दिर बिच, जित्ते सारे यहूदी इकट्ठा हुन्दे उपदेस दित्ती है मैं किच्‍छ भी लुकाई करी नी बोल्लेया

प्रेरितां रे कम्म 13:14

ते पिरगा कस्बे का अग्गे जाई करी गलातिया प्रदेश रे पिसिदिया जिले रे अन्ताकिया सहर जो पूज्जे ते विश्राम दिन सभास्थल बिच बेई गे।

प्रेरितां रे कम्म 13:5

ते सलमीस बिच पूज्जी करी, परमेश्वर रे वचन जो यहूदियां रे सभास्थल बिच सुणाया, ते यूहन्ना मरकुस नां रा इक्क मणू तिन्हेरा सेवक थिया।

प्रेरितां रे कम्म 14:1

इकुनियुम सहर बिच इय्यां होया कि से यहूदियां री सभास्थल जो इकठ्ठे गे, ते इदेइ गल्लां कित्ती की, कि यहूदियां ते यूनानियां बिच का केई जणेया ने विश्वास कित्तेया

प्रेरितां रे कम्म 17:10

फिरी झट ही तिन्हा जो रातो रात संगी विश्वासियां ने पौलुस ते सीलास जो बिरीया कस्बे जो भेज्जी दित्तेया तित्ते पूज्जी करी, से यहूदियां रे सभास्थल बिच गे।

प्रेरितां रे कम्म 17:17

इधेरे तांइ से सभास्थल बिच यहूदियां ते गैर यहूदी परमेश्वर रे भक्तां कने ते चौक बिच जे मणू मिलदे थिये, तिन्हा कने हर रोज बैहस-बाजी करदा थिया।

प्रेरितां रे कम्म 18:4

ते पौलुस हर इक्क विश्राम दिन पर सभास्थल बिच बैहस-बाजी करी के यहूदियां ते यूनानियां जो मसीह बिच विश्वास करणे तांइ समझांदा थिया।

प्रेरितां रे कम्म 19:8

ते पौलुस सभास्थल बिच जाई करी त्रै महिन्ने तांइ बेखोफ होई करी प्रचार करदा रेया, ते परमेश्वर रे राज रे बारे बिच बैह्स करदा ते समझान्दा रेया।

प्रेरितां रे कम्म 24:25

जां पौलुस ने परमेश्वर री धार्मिकता, ते सबर, ते लोक्कां रा हिसाब-किताब करणे रे बारे बिच बोल्लेया करदा थिया, तां फेलिक्स ने डरी करी जवाब दित्तेया, अब्बे ता चली जा, मौक्का दिख्खी करी मैं तिज्जो फिरी सद्दी लिन्गा।

प्रेरितां रे कम्म 28:23

तां तिन्हा यहूदी अधिकारियां ने पौलुस कने मिलणे तांइ इक्क दिन चुणेया, ते मते सारे मणू तित्ते तिसका कठ्ठी गे, अते से परमेश्वर रे राज री गवाई दिन्दा, ते मूसा रे कानून अते भविष्यद्वक्ता री कताबां का यीशु रे बारे अन्दर समझाई-समझाई करी भ्यागा का लेई करी संझा तांइ गहराई कने दस्दा रेया

प्रेरितां रे कम्म 8:35

तां फिलिप्पुस ने बोलणा सुरु कित्ता, ते इसी पवित्रशास्त्र का सुरु करी के तिसजो यीशु रा सुब बसेख सुणाया ते तिस किन्नर ने तिन्हा गल्लां जो समजेया ते यीशु पर विश्वास कित्ता।

प्रेरितां रे कम्म 9:20

ते से तौले ही दमिश्क कस्बे रे सभास्थल बिच जाई यीशु रे बारे बिच प्रचार करणा लग्गेया कि से ही परमेश्वर रा पुत्तर हिन।

1 कुरुन्थियों 15:3

इसी वजह कने मैं सबका पैल्ले तुसा जो से ही गल्ल दस्सी दित्ती, जे मेरे जो मसीह ने दस्सी थी कि पवित्रशास्त्र रे वचन रे हिसाब कने यीशु मसीह असा रे पाप्पां तांइ मरे,