प्रेरितां रे कम्म 17:18 - चम्बयाली नौआ नियम

¹⁸ तां इपिकुरी ते स्तोईकी पणतां बिच का किन्ने तिस कने तर्क करणे लग्गे, ते कितणेयां ने बोल्लेया, ए अंट-शंट बोलणे वाला कै बोलणा चांदा? पर होरनियाँ ने बोल्लेया, से दूज्जे देवता रा प्रचारक लगदा, किजोकी ए यीशु रा, ते मरी करी फिरी जिन्दे होई जाणे रा सुब बसेख सुणांदा।

प्रेरितां रे कम्म 17:18 ပူးပေါင်းရင်းမြစ်များ

मरकुस 9:14

जां यीशु अपणे तिन्हा त्रै चेल्‍लेयां कने अपणे बाकि चेल्‍लेयां का हटी आए, तां दिख्खेया कि तिन्हेरे चौं पास्से बड़ी भीड़ लग्गे री थी, अते शास्त्रि मणू चेल्‍लेयां कने बैह्स करेया करदे हिन।

लूका 11:53

ते फिरी जां यीशु तित्ते का चली गे तां फरीसी ते शास्त्रि तिन्हेरे खिलाफ होई करी बुरे हाल्ले पीच्छे पेई गे कि से होर भी गल्लां पर यीशु कने सवाल-जवाब करण

प्रेरितां रे कम्म 26:23

कि मसीह यीशु जो जुल्म सैहणा पैणे, ते तिन्हा ने ही सबणी का पैल्ले जिन्दे होई करी, असा रे लोक्कां अन्दर ते गैर यहूदी लोक्कां अन्दर रौसनी रा प्रचार करणा ताकि से छुटकारा पाण।

प्रेरितां रे कम्म 4:2

से अधिकारी मणू बड़े गुस्से होए किजोकी चेल्‍ले लोक्कां जो मरे रे लोक्कां बिच का जिन्दा करणा जिय्यां तिन्हा ने यीशु जो फिरी जिन्दा कित्तेया थिया।

प्रेरितां रे कम्म 5:42

से हर रोज मन्दिर बिच ते घर-घर बिच प्रचार करणे, ते इस गल्ल रा सुब बसेख सुनाणे का कि यीशु ही मसीह हिन, नी रुके।

प्रेरितां रे कम्म 6:9

तां तिस सभास्थल बिच किच्‍छ मणू जे कुरेनी ते सिकन्दरिया सहर ते किलिकिया ते एशिया रे प्रदेश बिच का थिये ते “दास्तव मुक्त” समुह रे कहलांदे थिये, से मणू स्तिफनुस कने बैह्स करणा लग्गे।

रोमियों 1:22

से अपणे आप जो समजदार दस्सी करी बेवकूफ बणी गे,

1 कुरुन्थियों 3:18

जे अगर तुसा बिच कोई अप्पु जो इस जुग रे लोक्कां री नजर बिच अप्पु जो समजदार समजे तां अप्पु जो इस जमाने रे लोक्कां री नजर बिच बेवकूफ भी समजे ताकि तुसा परमेश्वर री नजर बिच भी समजदार बणो।

1 कुरुन्थियों 4:10

मणू असा जो बेवकूफ समजदे किजोकी असी मसीह यीशु रे बारे बिच प्रचार करदे, पर तुसा जो इय्यां लगदा कि तुसा बड़े वरी समजदार विश्वासी हिन। मते लोक्कां जो लगदा कि असा का कोई हक नी है, पर तुसा बड़े घमंड कने बोलदे कि तुसा जो परमेश्वर का हक मिल्ले रा है। मणू असा री इज्जत नी करदे, पर से तुसा री बड़ी इज्जत करदे।

कुलुस्सियों 2:8

चुकन्ने रेयो की कोई तुसा जो अपणी तिन्हा विचारां ते बेकार गल्लां ते धोखे कने फसाई ना लेयो, जे लोक्कां री परम्परा ते दुनियावी रीति-रीवाज जे सदियां का चली आया करदी हिन, ते इस दुनिया री न्याहरे री ताकत पर आधारित है, पर मसीह यीशु री शिक्षा पर आधारित नी है।