प्रेरितां रे कम्म 17:1 - चम्बयाली नौआ नियम

¹ फिरी पौलुस ते सीलास अम्फिपुलिस ते अपुल्लोनिया कस्बेयां का होई करी थिस्सलुनीके सहर बिच आये, जित्ते यहूदियां री इक्क सभास्थल थिया।

प्रेरितां रे कम्म 17:1 ပူးပေါင်းရင်းမြစ်များ

प्रेरितां रे कम्म 14:1

इकुनियुम सहर बिच इय्यां होया कि से यहूदियां री सभास्थल जो इकठ्ठे गे, ते इदेइ गल्लां कित्ती की, कि यहूदियां ते यूनानियां बिच का केई जणेया ने विश्वास कित्तेया

प्रेरितां रे कम्म 15:21

किजोकी पुराणे बेल्ले का सहर-शहर मूसा रे कानून रा प्रचार करणे वाले चली आया करदे हिन, मूसा रे कानून हर विश्राम दिन सभास्थल बिच पढ़े जांदे हिन।

प्रेरितां रे कम्म 16:13

फिरी विश्राम दिन पर ए सोच्ची करी कि प्रार्थना करणे तांइ तित्ते कोई सभास्थल नी होणा ते असा सहर रे फाटक रे बाहर दरया जो गे, असी तित्ते बेई गे ते इकठ्ठी होये री जनानियां कने गल्ल-बात करणा लग्गे।

प्रेरितां रे कम्म 17:10

फिरी झट ही तिन्हा जो रातो रात संगी विश्वासियां ने पौलुस ते सीलास जो बिरीया कस्बे जो भेज्जी दित्तेया तित्ते पूज्जी करी, से यहूदियां रे सभास्थल बिच गे।

प्रेरितां रे कम्म 17:11

ए मणू थिस्सलुनीके सहर रे मणूआं का जादा ठीक थिये इन्हा ने पूरा मन लगाई करी वचन सूणेया ते हर रोज पवित्रशास्त्र जो उलटदे पलटदे ए जांचदे रे कि पौलुस ने जे गल्लां दस्सी, कै से सच हिन।

प्रेरितां रे कम्म 17:13

पर जां थिस्सलुनीके सहर बिच रैह्णे वाले यहूदी जाणी गे, कि पौलुस बिरीया सहर बिच भी परमेश्वर रा वचन सुणाया करदा है, तां तित्ते भी आई करी मणूआं जो उकसाणे ते हल्ला मचाणा लग्गे

प्रेरितां रे कम्म 20:4

बिरीया कस्बे रे रैह्णे वाले पुरुर्स पुत्तर सोपत्तरुस ते थिस्सलुनीकियां सहर बिच का अरिस्तर्खुस ते सिकुन्दुस ते दिरबे कस्बे रा गयुस ते लुस्त्रा कस्बे रा तीमुथियुस ते एशिया प्रदेश रा तुखिकुस ते त्रुफिमुस एशिया प्रदेश तांइ तिसेरे कन्ने आये।

प्रेरितां रे कम्म 27:2

अद्रमुत्तियुम सहर रे इक्क जहाज पर जे एशिया प्रदेश रे कनारे री जगाह् पर जाणे वाला थिया, जहाज पर चढ़ी करी असी तित्ते का निकली गे, ते अरिस्तर्खुस नां रा इक्क थिस्सलुनीके सहर रा इक्क मणू मकिदुनिया प्रदेश असा कने थिया।

फिलिप्पियों 4:16

इसी तरिक्के कने जां मैं थिस्सलुनीके प्रदेश बिच थिया, तां भी तुसा मेरी जरुरतां री कमी पूरी करणे तांइ इक्क बाहर कै पर दो वरी दान भेज्जेया थिया।

1 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे परमेश्वर अते प्रभु यीशु मसीह बिच है। तुसा जो अनुग्रह अते सांती मिलदी रेह्।

1 थिस्सलुनीकियों 2:2

बल्कि तुसा अप्पु ही जाणदे की असा ने पैल्ले फिलिप्पी सहर बिच दुख चुक्कणे ते तकलीफ सहणे पर भी असा रे परमेश्वर ने असा जो इदेइ हिम्मत दित्ती, की असी तुसा रे सहर बिच वरी विरोध रे हुदें होए भी तुसा जो परमेश्वर रा सुब बसेख सुनाण

2 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे पिता परमेश्वर ते मसीह यीशु रे मणू हिन।

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।