प्रेरितां रे कम्म 16:9 - चम्बयाली नौआ नियम

⁹ रात्ती रे बेल्ले पौलुस ने दर्शन बिच दिख्खेया कि मकिदुनिया प्रदेश रा इक्क मणू तिस कने बिनती करी के बोलदा थिया, कि समुन्द्र रे पार आई मकिदुनिया प्रदेश बिच आ ते असा री मदद कर।

प्रेरितां रे कम्म 16:9 ပူးပေါင်းရင်းမြစ်များ

प्रेरितां रे कम्म 10:3

इक्क दिन, धियाड़ी रे त्रै बजे तिसने इक्क दर्शन दिख्खेया तिसने साफ-साफ दिख्खेया कि परमेश्वर रा इक्क स्वर्गदूत तिसका आया ते बोल्लेया, ओ कुरनेलियुस,

प्रेरितां रे कम्म 10:30

कुरनेलियुस ने बोल्लेया, कि इस बेल्ले पूरे चार रोज पैल्ले मैं अपणे घरे त्रै बजे प्रार्थना करेया करदा थिया, कि तिस बेल्ले, इक्क मणू चमकीले कपड़े पाई करी, मेरे मुहाग्गर आई खड़ा होया।

प्रेरितां रे कम्म 16:10

इस दर्शन जो दिख्खणे का बाद झट ही से फैसला लिन्दे कि परमेश्वर रे तिन्हा मणूआं बिच सुब बसेख रा प्रचार करणे तांइ असा जो सद्देया, असा ने मकिदुनिया प्रदेश जाणे री ठाणी लेई।

प्रेरितां रे कम्म 16:12

तित्ते का असा फिलिप्पी सहर पूज्जे जे मकिदुनिया प्रदेश रा इक्क मुख्य सहर थिया ते रोमियां री बस्ति है, इस सहर बिच असा किच्‍छ रोज गुजारे

प्रेरितां रे कम्म 18:5

जां सीलास ते तीमुथियुस मकिदुनिया प्रदेश का आये, तां पौलुस ने तम्बू बनाणा छड्डी करी वचन सुनाणे बिच मगन होई करी यहूदियां जो गवाई दिन्दा थिया कि यीशु ही मसीह है:

प्रेरितां रे कम्म 19:21

जां ए गल्लां होई गई, तां पौलुस ने अपणे मन बिच पवित्रात्मा रे जरिए मकिदुनिया प्रदेश ते अखाया हुन्दे यरुशलेम जाणे रा फैसला लित्ता ते बोल्लेया, कि मेरे जो तित्ते जाणे का बाद मेरे जो रोमी साम्राज्य री राजधानी रोम सहर जो भी जाणा जरुरी है।

प्रेरितां रे कम्म 19:22

ते तिसने तिसेरी सेवा करणे वालेयां बिच का तीमुथियुस ते इरास्तुस जो मकिदुनिया प्रदेश तिसका पैल्ले भेज्जी करी किच्‍छ रोज एशिया प्रदेश रे इफिसुस सहर बिच रेया।

प्रेरितां रे कम्म 19:29

ते होर लोक्कां ने सारे सहर बिच बड़ी कहला रा शोर सुणी करी तिस भीड़ बिच मिली गे ते गयुस ते अरिस्तर्खुस मकिदुनिया प्रदेश जो, जे कि पौलुस रे कने सफर करेया करदे थिये पकड़ी लेया ते तिन्हा जो रंगशाला बिच लेई गे।

प्रेरितां रे कम्म 20:1

जां कहला मुक्की गेई तां पौलुस ने चेल्‍लेयां जो हिम्मत बंधाई करी तिन्हा जो समजाया ते तिन्हा का बिदा लेई करी से मकिदुनिया प्रदेश जो चली पेया।

प्रेरितां रे कम्म 20:3

जां त्रै महिन्ने रेई करी से तित्ते का जहाज का सीरिया प्रदेश जाणे वाला थिया, तां तिनिये सूणेया कि रस्ते बिच किच्‍छ यहूदी अधिकारी तिसजो मारणे जो भालेया करदे थिये, इधेरे तांइ तिनिए सोच्चेया कि मैं मकिदुनिया प्रदेश का होई करी हटी जाए।

प्रेरितां रे कम्म 27:2

अद्रमुत्तियुम सहर रे इक्क जहाज पर जे एशिया प्रदेश रे कनारे री जगाह् पर जाणे वाला थिया, जहाज पर चढ़ी करी असी तित्ते का निकली गे, ते अरिस्तर्खुस नां रा इक्क थिस्सलुनीके सहर रा इक्क मणू मकिदुनिया प्रदेश असा कने थिया।

प्रेरितां रे कम्म 9:38

लुद्देया कस्बा याफा कस्बे रे नेड़े थिया, चेल्‍लेयां ने ए सुणी करी कि पतरस तित्ते है, दो जणेया जो भेजी करी तिसका बिनती कि असा का आणे बिच देर मत कर

रोमियों 15:26

किजोकी मकिदुनिया ते अखाया प्रदेश रे विश्वासियां जो ए सही लग्गेया कि यरुशलेम सहर बिच रैह्णे वाले पवित्र मणूआं बिच जे गरीब विश्वासी हिन, तिन्हा जो दैणे तांइ किच्‍छ दान इक्कठा कित्ता जाए।

2 कुरुन्थियों 11:9

ते जिस बेल्ले मैं तुसा कने थिया ते मेरे जो पैसे री कमी होई, तां मैं कुसकी पर भार नी पाया, किजोकी विश्वासी भ्यालां ने मकिदुनिया प्रदेश का आई करी मेरे कमी जो पूरा कित्तेया, ते मैं हर गल्ल बिच अप्पु जो तुसा पर भार बणने का रोक्केया, ते तिय्यां ही रोक्की रैह्णा।

2 कुरुन्थियों 12:7

मेरे सरीर बिच इक्क बड़ी वरी पीड़ कुसकी कंडे सांई लग्गे री है, ते शैतान रा इक्क दूत मेरे जो तड़पांदा रैहन्दा, ताकि मैं परमेश्वर का मिल्ले रे बड़े सारे प्रकाशन पाणे री वजह कने घमंडी ना बणी जां।

2 कुरुन्थियों 7:5

किजोकी जां असी त्रोआस सहर का निकली करी मकिदुनिया प्रदेश बिच आए थिये तां भी असा जो अराम नी मिल्लेया, पर असा जो चारो पास्से का मुसीबतां कने घिरे रे थिये, बाहर लड़ाईयां थी ते अन्दर ड्रौणी गल्लां थी।

2 कुरुन्थियों 8:1

अवे ओ विश्वासी भाईयों, असी तुसा जो परमेश्वर रे तिस अनुग्रह रा बसेख दिदें जे मकिदुनिया प्रदेश रे विश्वासियां पर होए रा है।

2 कुरुन्थियों 9:2

किजोकी मैं जाणदा कि तुसा मदद करणे तांइ बड़े जादा उत्सुक हिन, जिसेरी वजह कने मैं तुसा रे बारे अन्दर मकिदुनिया प्रदेश रे बिच रैह्णे वाले विश्वासियां रे सामणे गर्व करदा कि तुसा मणू अखाया प्रदेश बिच इक्क साल का तैयार हिन, ते तुसा रे जोस ने होर भी मते लोक्कां जो उभारे रा है।

1 थिस्सलुनीकियों 4:10

ओ संगी विश्वासियों, तुसा पैल्ले ही मकिदुनिया प्रदेश बिच रैह्णे वाले सारे संगी विश्वासियां पर अपणा प्यार ज़ाहिर कित्ते रा है, ते असी तुसा जो इक्क-दूए कने प्यार करणे बिच बधणे तांइ उत्साहित करदे।