प्रेरितां रे कम्म 16:34 - चम्बयाली नौआ नियम

³⁴ फिरी से पौलुस ते सीलास जो अपणे घरे लेई गेया ते तिन्हा जो रोट्टी खुआई ते सारे घरेतां जो परमेश्वर पर विश्वास करणे री वजह कने खुसी होई।

प्रेरितां रे कम्म 16:34 ပူးပေါင်းရင်းမြစ်များ

लूका 15:32

पर अज्ज असा जो तेरे हल्के भ्याल रे हटी आणे री खुसी मनाणा चाएदी किजोकी असा जो लग्गेया थिया कि तेरा हल्का भाई मरी गे रा होणा पर ए जिन्दा है, ए गुआच्ची गे रा थिया, पर अवे वापिस मिली गे रा है।

लूका 19:6

जक्कई झट्ट तिस बूट्टे का थल्ले उतरेया अते बड़ी खुसी कने यीशु कने मिलेया अते तिन्हा जो अपणे घरे लेई गेया।

लूका 5:29

फिरी लेवी ने अपणे घरे यीशु तांइ इक्क धाम रख्खी, अते तित्ते चुंगी लैणे वाले ते होर भी मते मणू थिये जे यीशु कने धाम खाया करदे थिये

प्रेरितां रे कम्म 11:14

तिन्ने तुसा कने इदेइ गल्लां बोलणी, जिन्हा कने परमेश्वर ने तिज्जो तेरे पूरे टब्बर जो छुटकारा दैणा।

प्रेरितां रे कम्म 16:15

अपणे सारे टब्बर समेत बपतिस्मा लैणे का बाद तिसने असा रे छन्दे कित्ते कि जे तुसा मेरे जो परमेश्वर री सच्ची भक्तण मनदे तां चलो मेरे घरे रुको ते से असा जो मनाई करी अपणे घरे लेई गई।

प्रेरितां रे कम्म 16:35

जां भ्याग होई तां सजा दैणे वालेयां ने अपणे सिपाहियां जो तित्ते भेज्जेया कि तिन्हा जो छड्डी दित्तेया जाण

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 8:39

जां से पाणी बिच निकली करी उप्पर आये तां प्रभु रा आत्‍मा फिलिप्पुस चुकी करी लेई गे, ते किन्नर ने फिरी तिसजो नी दिख्खेया, ते से खुसी मणादें-मणादें अपणे देस जो हटी गेया।

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

रोमियों 5:11

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

फिलिप्पियों 4:17

मैं ए नी लिख्खेया करदा है कि मैं तुसा का दान चाह्‍ंदा, पर मैं चाह्‍ंदा कि ए भी तुसा रे भले कम्मां री सुची बिच जुड़ी जाए जिन्हा तांइ परमेश्वर ने तुसा जो ईनाम दैणा।

फिलिप्पियों 4:4

प्रभु री वजह कने खुस रेयो, मैं फिरी बोलदा, खुस रेयो!

फिलेमोन 1:7

किजोकी ओ संगी विश्वासी, मेरे तांइ तुसा रे प्यार जो दिख्खी करी मेरे जो बड़ी खुसी ते प्रोत्साहन होए रा है, ते दुज्जेया तांइ तुसा रे प्यार री वजह कने परमेश्वर रे मणू भी प्रोत्साहित होण।

1 यूहन्ना 3:18

ओ प्यारे बच्चों, असा रा प्यार सिर्फ गल्लां बिच ही नी रैह्णा चाएदा बल्कि से कम्मां बिच दिसणा चाएदा अते सच्चा होणा चाएदा।