प्रेरितां रे कम्म 16:1 - चम्बयाली नौआ नियम

¹ फिरी से दिरबे ते लुस्त्रा रे सहरां बिच भी गेया, ते दिख्खो, तित्ते तीमुथियुस नां रा इक्क चेल्ला थिया, जे कुसकी विश्वासी यहूदी जनानी रा निक्का थिया, पर तिसेरा पुत्तर यूनानी थिया

प्रेरितां रे कम्म 16:1 ပူးပေါင်းရင်းမြစ်များ

प्रेरितां रे कम्म 14:1

इकुनियुम सहर बिच इय्यां होया कि से यहूदियां री सभास्थल जो इकठ्ठे गे, ते इदेइ गल्लां कित्ती की, कि यहूदियां ते यूनानियां बिच का केई जणेया ने विश्वास कित्तेया

प्रेरितां रे कम्म 14:21

ते पौलुस ते बरनबास तिस कस्बे रे मणूआं जो सुब बसेख सूणाई करी, ते बड़े सारे चेल्‍ले बणाई करी, लुस्त्रा हटी करी ते तित्ते का इकुनियुम जो जाई करी अन्ताकिया जो हटी आये।

प्रेरितां रे कम्म 14:6

ते इस गल्ल जो जाणी गे, ते लुकाउनिया प्रदेश रे लुस्त्रा ते दिरबे सहरां बिच, ते अख्खी-बख्खी रे देसां बिच दौड़ी गे

प्रेरितां रे कम्म 17:14

तां विश्वासियां ने झट पौलुस जो भेज्जी दित्तेया, कि समुन्द्र रे कनारे चली जा, पर सीलास ते तीमुथियुस बिरीया बिच ही रे।

प्रेरितां रे कम्म 18:5

जां सीलास ते तीमुथियुस मकिदुनिया प्रदेश का आये, तां पौलुस ने तम्बू बनाणा छड्डी करी वचन सुनाणे बिच मगन होई करी यहूदियां जो गवाई दिन्दा थिया कि यीशु ही मसीह है:

प्रेरितां रे कम्म 19:22

ते तिसने तिसेरी सेवा करणे वालेयां बिच का तीमुथियुस ते इरास्तुस जो मकिदुनिया प्रदेश तिसका पैल्ले भेज्जी करी किच्‍छ रोज एशिया प्रदेश रे इफिसुस सहर बिच रेया।

रोमियों 16:21

मसीह री सेवा करणे बिच मेरे साथी तीमुथियुस, ते मेरे संगी यहूदी लूकियुस, ते यासोन, ते सोसिपत्तरुस, रे पास्से का तुसा जो नमस्कार!

1 कुरुन्थियों 16:10

जे अगर तीमुथियुस तुसा का आए ता तिस कने बड़ी इज्जत कने पेश आओ, किजोकी से मेरे सांई ही परमेश्वर रा कम्म करणे वाला मणू है।

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

1 कुरुन्थियों 7:14

किजोकी परमेश्वर तिस जनानी रे अविश्वासी लाड़े जो अपणे ही लोक्कां सांई समजदे किजोकी तिसेरी लाड़ी विश्वासी है। ते परमेश्वर तिस मणू री लाड़ी जो अपणे ही लोक्कां सांई समजदे किजोकी तिस जनानी रा लाड़ा विश्वासी है। जे अगर ए सच नी हुंदा तां तुसा रे बच्चे नाजायज़ होणे थिये, पर परमेश्वर तिन्हा जो जायज़ रे रुप बिच अपणांदे।

2 कुरुन्थियों 1:1

मैं पौलुस परमेश्वर री मर्जी कने मसीह यीशु रा प्रेरित है। ते असा रे विश्वासी भ्याल तीमुथियुस कने कुरिन्थुस सहर बिच परमेश्वर री कलीसिया जो ते अखाया प्रदेश रे परमेश्वर रे सारे लोक्कां जो ए चीठ्ठी लिख्खेया करदा है।

2 कुरुन्थियों 1:19

किजोकी मैं पौलुस, सिलवानुस ते तीमुथियुस ने, परमेश्वर रे पुत्तर मसीह यीशु रा सुब बसेख रा प्रचार तुसा लोक्कां बिच कित्तेया, ते मसीह यीशु बिच कदी “हाँ” ते कदी “ना” नी थिया, पर तिस बिच हमेसा सिर्फ “हाँ” ही “हाँ” है।

फिलिप्पियों 1:1

मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।

फिलिप्पियों 2:19

मेरे जो मसीह यीशु बिच ए आस है कि मैं तीमुथियुस जो तौले ही तुसा का भेजां, ताकि तुसा रा हालचाल जाणी के मेरे जो हिम्मत मिल्ले।

कुलुस्सियों 1:1

मैं पौलुस, जिस जो परमेश्वर ने मसीह यीशु रा प्रेरित बणने तांइ चुणे रा है, विश्वासी भ्याल तीमुथियुस कने मिली करी ए चीठ्ठी कुलुस्सियों सहर बिच रैह्णे वाले मसीह बिच पवित्र ते भरोस्सेमंद संगी विश्वासियां जो लिख्खेया करदा है। असा रे पिता परमेश्वर तुसा जो अनुग्रह ते सांती दिंदे रैह्ण।

1 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे परमेश्वर अते प्रभु यीशु मसीह बिच है। तुसा जो अनुग्रह अते सांती मिलदी रेह्।

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

1 थिस्सलुनीकियों 3:6

पर तीमुथियुस अब्बे तुसा री जगाह् का असा का पूज्जे रा है। तिसने असा जो तुसा रे विश्वास ते प्यार रा सुब बसेख भी दित्तेया। तिसने असा जो ए भी दस्सेया कि तुसा असा जो बड़ा याद करदे ते असा कने मिलणा चाह्‍ंदे जिय्यां असी भी तुसा कने मिलणा चाह्‍ंदे।

2 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे पिता परमेश्वर ते मसीह यीशु रे मणू हिन।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

2 तीमुथियुस 1:2

ओ तीमुथियुस तू मेरा प्यारा मुंडा है। पिता परमेश्वर ते असा रे मसीह यीशु तुसा पर अनुग्रह करदे रैह्ण।

2 तीमुथियुस 1:5

हल्ले भी मेरे जो तुसा री मां युनीके रा मसीह बिच सच्चा विश्वास याद है। मसीह बिच तुसा री नानी लोइस रा विश्वास भी तदेया ही थिया, ते मेरे जो पक्के तौर पर पता है कि तुसा बिच भी तैसा ही विश्वास है।

2 तीमुथियुस 3:11

तू जाणदा कि लोक्कां ने अन्ताकिया रे कस्बे बिच मेरे कने कदेइ-कदेइ ड्रौणी चीजां कित्ती, इकुनियुम लुस्त्रा ते मैं किय्यां लोक्कां रे जुल्म सैह्‍ण कित्ते।

फिलेमोन 1:1

मैं पौलुस ए चीठ्ठी फिलमोन जो लिख्खेया करदा है ते मैं मसीह यीशु रा बसेख सुनाणे री वजह कने कैद बिच पाया गे रा है। मैं अपणे सहकर्मी तीमुथियुस कने तेरे जो नमस्ते बोलदा। तू इक्क प्यारा दोस्त है ते तू असा सांई मसीह यीशु रा कम्म करदा। मैं असा री विश्वासी भैण अफ्फिया ते अरखिप्पुस जो भी ए चीठ्ठी लिख्खेया करदा है जे मसीह यीशु री सेवा इक्क सिपाई सांई करदी, ते ए चीठ्ठी कलीसिया रे बाकि मणूआं तांइ भी जे तुसा रे घर बिच संगती करणे तांइ कठिंदे।

इब्रानियों 13:23

तुसा इस गल्ल जो जाणदे कि तीमुथियुस असा रा विश्वासी भ्याल जेल का छुटी गे रा है, जे अगर से तौले आंदा, तां मैं तिस कने तुसा कने मिलणे जो आणा।