प्रेरितां रे कम्म 15:7 - चम्बयाली नौआ नियम

⁷ तां पतरस ने बड़ी बैह्स-बाजी रे बाद खड़े होई करी तिन्हा जो बोल्लेया, ओ भाईयों तुसा जाणदे कि बड़े रोज होये, कि परमेश्वर ने तुसा बिच का मेरे जो चुणी लेरा है, कि मेरे जरिए गैर यहूदी लोक्कां जो सुब बसेख सूणाई करी तिन्हा जो विश्वास पर लियाऊँ।

प्रेरितां रे कम्म 15:7 ပူးပေါင်းရင်းမြစ်များ

यूहन्ना 15:16

तुसा मेरे जो नी चुणेया, पर मैं तुसा जो इक्क मकसद कने चुणेया कि तुसा जाओ अते इदेय कम्म करण जे पिता-परमेश्वर जो पसंद आए ते तुसा रे ठीक कम्म बणी रे, ताकि मेरे नां कने तुसा जे किच्‍छ भी पिता का मंगो से तुसा री हर जरुरत जो पूरा करण।

यूहन्ना 3:27

यूहन्ना ने जवाब दित्ता, जिस बेल्ले तक मणू जो स्वर्ग का हक्क ना दित्तेया जाए, तिस बेल्ले तक सेह कुछ भी नी पाई सकदा

प्रेरितां रे कम्म 1:16

ओ विश्वासियों, जरुरी थिया कि पवित्रशास्त्र रा ओ लेख पूरा हो जे पवित्रात्मा ने दाऊद रे जरिए का यहूदा रे बारे बिच पैल्ले का बोल्ले रा थिया, जिनिये यीशु रे पकड़ने वालेयां री मदद कित्ती थी,

प्रेरितां रे कम्म 1:24

ते ए प्रार्थना कित्ती, ओ प्रभु तुसा जे सारेयां रे मनां जो जाणदे, ए प्रकट करो कि इन्हा दोन्नां बिच का तुसा कुस जो चुणे रा है,

प्रेरितां रे कम्म 10:19

पतरस जे दर्शन रे बारे सोच्चेया ही करदा थिया, तिस बेल्ले पवित्रात्मा ने तिसजो बोल्लेया, दिख्ख, त्रै मणू तेरी तोप बिच हिन।

प्रेरितां रे कम्म 10:20

इधेरे तांइ थल्ले जा, ते बे-झिझक तिन्हा कने चली जा, किजोकी मैं ही तिन्हा जो भेज्जे रा है।

प्रेरितां रे कम्म 13:2

जां से ब्रत्त समेत प्रभु री अराधना करेया करदे थिये, तां पवित्रात्मा ने बोल्लेया, मेरे तांइ बरनबास ते शाऊल जो तिस सेवकाई तांइ अलग करो जिस तांइ मैं तिन्हा जो चुणी लेरां है।

प्रेरितां रे कम्म 15:14

शमौन ने जिस जो पतरस भी बोलदे असा जो समजाया कि परमेश्वर ने गैर यहूदी लोक्कां पर कदेइ कृपा कित्ते री है कि तिन्हा बिच का किच्‍छ जो अपणे तांइ चुणी लित्तेया।

प्रेरितां रे कम्म 15:2

जां पौलुस ते बरनबास रा तिन्हा कने मिलणे तांइ यरुशलेम सहर बिच आए तां तिन्हा कने बड़ी बैहस-बाजी होई, ते ए फैसला कित्ता कि पौलुस ते बरनबास, ते असा बिच का किच्‍छ मणू इस गल्ल रे बारे बिच यरुशलेम सहर बिच रैह्णे वाले खास प्रेरितां का ते बुजुर्ग मणू का जाण।

प्रेरितां रे कम्म 15:39

तां पौलुस ते बरनबास इक्क दूज्जे रे खिलाफ होई गे, ते इक्क दूज्जे का बखरे होई गे ते बरनबास, ते मरकुस जो लेई करी जहाज पर साइप्रस टापू जो चली गेया।

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

प्रेरितां रे कम्म 21:16

कैसरिया का भी किच्‍छ चेल्‍ले असा कने चली पे, ते असा जो मनासोन नां रे साइप्रस रे इक्क पुराणे चेल्‍ले का लेई आये, कि असी तिसका रुकण।

प्रेरितां रे कम्म 3:18

पर जिन्हा गल्लां जो परमेश्वर ने सारे भविष्यद्वक्ता रे जरिए पैल्ले ही दस्सी दित्ते रा थिया, कि तिन्हेरे मसीह ने दुख झेलणा ते मारे जाणे, तिन्हा गल्लां जो मसीह ने इस तरिक्के कने पूरा कित्ता।

प्रेरितां रे कम्म 4:25

तुसा पवित्रात्मा रे जरिए अपणे सेवक असा रे पुरखे, दाऊद रे मुँह का बोल्लेया, गैर यहूदियां रे लोक्कां ने हल्ला किजो मचाया ते देस-देस रे लोक्कां ने बेकार री गल्लां किजो सोची।

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

फिलिप्पियों 2:14

सारे कम्म बगैर कुडकुडाए ते बगैर कुसकी बैसहबाजी रे करेया करो।