प्रेरितां रे कम्म 15:6 - चम्बयाली नौआ नियम

⁶ तां खास प्रेरित ते बुजुर्ग मणू इस गल्ल रे बारे सोच-विचार करणे तांइ कठ्ठी गे

प्रेरितां रे कम्म 15:6 ပူးပေါင်းရင်းမြစ်များ

मत्ती 18:20

किजोकी जित्ते मेरे पर विश्वास करणे दो या त्रै मणू मेरे नां कने इकट्ठा हुन्गे, तिन्हेरे मैं बिच मझाटे होणा।

प्रेरितां रे कम्म 11:30

ते तिन्हा ने तिय्यां ही कित्तेया, ते बरनबास ते शाऊल रे हत्थां बुजुर्ग मणू का किच्‍छ पैसे भेजी दित्ते।

प्रेरितां रे कम्म 15:2

जां पौलुस ते बरनबास रा तिन्हा कने मिलणे तांइ यरुशलेम सहर बिच आए तां तिन्हा कने बड़ी बैहस-बाजी होई, ते ए फैसला कित्ता कि पौलुस ते बरनबास, ते असा बिच का किच्‍छ मणू इस गल्ल रे बारे बिच यरुशलेम सहर बिच रैह्णे वाले खास प्रेरितां का ते बुजुर्ग मणू का जाण।

प्रेरितां रे कम्म 15:22

जां यरुशलेम री सारी कलीसिया समेत खास प्रेरित ते बुजुर्ग मणू जो खरा लग्गेया, कि अपणे बिच का केई मणूआं जो चुनण, मतलब यहूदा जिस जो कि बरसब्बास भी बोल्दे, ते सीलास जो जे कि विश्वासियां बिच बड़े इज्जतदार भी थिये, ते तिन्हा पौलुस ते बरनबास रे कन्ने अन्ताकिया सहर री कलीसिया का भेज्जेया।

प्रेरितां रे कम्म 15:25

इधेरे तांइ असा ने इक्क मन होई करी ठीक समजेया, कि असा रे चुणे रे प्यारे बरनबास ते पौलुस जो तुसा का भेज्जन।

प्रेरितां रे कम्म 15:4

जां पौलुस ते बरनबास यरुशलेम सहर बिच पूज्जे, तां कलीसिया ते खास प्रेरितां ते बुजुर्ग मणू तिन्हा कने खुसी कने मिल्ले, ते तिन्हा ने दस्सेया कि परमेश्वर ने तिन्हा कने होई करी कदेय-कदेय कम्म कित्ते थिये

प्रेरितां रे कम्म 16:4

ते सहर-शहर रा सफर करदे तिन्हा ने तित्ते रे विश्वासी लोक्कां जो तिन्हा नियमां जो दसदे थिये जिन्हा जो यरुशलेम रे खास प्रेरितां ने ते बुजुर्ग मणू ने पक्का कित्तेया थिया।

प्रेरितां रे कम्म 21:18

दूए रोज्जे पौलुस असा जो लेई करी याकूब का गेया, जित्ते सारे बुजुर्ग मणू कठ्ठित्तरे थिये

प्रेरितां रे कम्म 6:2

तां तिन्हा बारां चेल्‍लेयां ने विश्वासी लोक्कां री मण्डली जो अपणे का सद्दी करी बोल्लेया, ए ठीक नी कि असी परमेश्वर रा वचन छड्डी करी खिलाणे-पिलाणे री सेवा बिच लग्गी रैह्ण।

इब्रानियों 13:17

अपणे अगुवे री गल्लां मन्नो, ते तिन्हेरे अधीन रेयो। से हमेसा तुसा तांइ चुकन्ने रैहन्दे, ताकि तुसा भटकी ना जाण। किजोकी तिन्हा जो अपणी सेवकाई रा हिसाब परमेश्वर जो दैणा जरुरी है। इय्यां ही करो, ताकि से अपणे कम्मां बिच र खुस ही होण, ना की दुखी होण, नी ता तुसा जो कोई फायदा नी होणा।

इब्रानियों 13:7

जे तुसा रे आत्मिक अगुवे थिये, ते जिन्हा ने तुसा जो परमेश्वर रे बारे बिच दस्सेया थिया, तिन्हा जो याद रख्खो; ते सोच्चो कि से किय्यां जिन्दगी जिन्दे थिये, ते फिरी मरे। जदेया विश्वास तिन्हा जो परमेश्वर बिच विश्वास थिया, तैसा ही विश्वास तुसा भी परमेश्वर बिच दिखाओ।