प्रेरितां रे कम्म 15:41 - चम्बयाली नौआ नियम

⁴¹ ते से सीरिया ते किलिकिया प्रदेशां का हुन्दे होये कलीसिया रे लोक्कां जो मजबूत करदे होए निकली गेया।

प्रेरितां रे कम्म 15:41 ပူးပေါင်းရင်းမြစ်များ

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

प्रेरितां रे कम्म 15:23

ते तिन्हेरे हत्थां ए चीठ्ठी लिख्खी भेज्जी, कि अन्ताकिया सहर ते सीरिया ते किलिकिया प्रदेश बिच रैह्णे वाले भाईयां जो जे कि गैर यहूदियां रे हिन, खास प्रेरितां ते बुजुर्ग लोक्कां रा नमस्कार।

प्रेरितां रे कम्म 15:32

ते यहूदा ते सीलास ने जे खुद भी भविष्वाणी करणे वाले थिये, बड़ी गल्लां कने विश्वासियां जो उपदेस देई करी मजबूत कित्तेया।

प्रेरितां रे कम्म 18:18

तां पौलुस बड़े रोज्जां तांइ कुरिन्थ सहर बिच ही रेया, पौलुस ने किंख्रिया कस्बे बिच अपणे बाल मुण्डवाये किजोकी तिसने इक्क मन्नत मन्नी थी फिरी विश्वासियां का बिदा लेई करी से किस्ती पर बेई करी सीरिया जो चली गेया तिसेरे कने प्रिस्किल्ला कने अक्विला भी थिये।

प्रेरितां रे कम्म 21:3

जिस बेल्ले साइप्रस लिब्बेया, तां असा ने तिसजो खब्बे हत्थ छड्डी दित्तेया, ते सीरिया जो चली करी सूर अन्दर उतरी गे किजोकी उत्ते जहाज रा समान उतारणा थिया

प्रेरितां रे कम्म 6:9

तां तिस सभास्थल बिच किच्‍छ मणू जे कुरेनी ते सिकन्दरिया सहर ते किलिकिया ते एशिया रे प्रदेश बिच का थिये ते “दास्तव मुक्त” समुह रे कहलांदे थिये, से मणू स्तिफनुस कने बैह्स करणा लग्गे।

गलातियों 1:21

यरुशलेम सहर का निकलणे रे बाद मैं सीरिया अते किलिकिया रे प्रदेशां बिच गेया।