प्रेरितां रे कम्म 15:3 - चम्बयाली नौआ नियम

³ तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

प्रेरितां रे कम्म 15:3 ပူးပေါင်းရင်းမြစ်များ

लूका 15:32

पर अज्ज असा जो तेरे हल्के भ्याल रे हटी आणे री खुसी मनाणा चाएदी किजोकी असा जो लग्गेया थिया कि तेरा हल्का भाई मरी गे रा होणा पर ए जिन्दा है, ए गुआच्ची गे रा थिया, पर अवे वापिस मिली गे रा है।

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

प्रेरितां रे कम्म 13:48

ए सुणी करी गैर यहूदियां रे मणू खुस होई गे, ते परमेश्वर रे वचन री बड़ाई करणा लग्गे, ते जित्तणे हमेसा री जिन्दगी तांइ ठहराये गेरे थिये, तिन्हा ने विश्वास कित्तेया

प्रेरितां रे कम्म 13:52

ते चेल्‍ले खुसी कने ते पवित्रात्मा कने भरपूर होई करी अन्ताकिया सहर जो गे।

प्रेरितां रे कम्म 14:27

तिते पूज्जी करी, तिन्हा ने कलीसिया इकठ्ठी कित्ती ते दस्सेया, कि परमेश्वर ने असा कने होई करी कदेय बड्डे-बड्डे कम्म कित्ते ते किय्यां गैर यहूदी जो मसीह यीशु बिच विश्वास करणे तांइ दुआर खोल्ली दित्तेया।

प्रेरितां रे कम्म 15:1

फिरी किच्‍छ मणू यहूदियां प्रदेश का आई करी संगी विश्वासियां जो सखाणे लग्गे कि मूसा रे कानून रे हिसाब कने तुसा रा खतना नी हो तां तुसा छुटकारा नी पाई सकदे।

प्रेरितां रे कम्म 15:12

तां सारी सभा चुपचाप होई करी बरनबास ते पौलुस री सुनणे लग्गे, कि परमेश्वर ने तिन्हेरे जरिए गैर यहूदियां रे मणूआं बिच कदेइ-कदेइ निशानियां, ते अनौखे कम्म दिख्खाये

प्रेरितां रे कम्म 15:22

जां यरुशलेम री सारी कलीसिया समेत खास प्रेरित ते बुजुर्ग मणू जो खरा लग्गेया, कि अपणे बिच का केई मणूआं जो चुनण, मतलब यहूदा जिस जो कि बरसब्बास भी बोल्दे, ते सीलास जो जे कि विश्वासियां बिच बड़े इज्जतदार भी थिये, ते तिन्हा पौलुस ते बरनबास रे कन्ने अन्ताकिया सहर री कलीसिया का भेज्जेया।

प्रेरितां रे कम्म 15:32

ते यहूदा ते सीलास ने जे खुद भी भविष्वाणी करणे वाले थिये, बड़ी गल्लां कने विश्वासियां जो उपदेस देई करी मजबूत कित्तेया।

प्रेरितां रे कम्म 15:4

जां पौलुस ते बरनबास यरुशलेम सहर बिच पूज्जे, तां कलीसिया ते खास प्रेरितां ते बुजुर्ग मणू तिन्हा कने खुसी कने मिल्ले, ते तिन्हा ने दस्सेया कि परमेश्वर ने तिन्हा कने होई करी कदेय-कदेय कम्म कित्ते थिये

प्रेरितां रे कम्म 17:15

पौलुस री मदद करणे वाले मणू तिसजो एथेंस सहर तक लेई गे, ते सीलास ते तीमुथियुस तांइ ए हुकम देई करी कि से जल्दी का जल्दी मेरे का आई जाण, तित्ते का चली पये।

प्रेरितां रे कम्म 20:38

से खास कर इस गल्ल कने दुखी थिये जे तिनिए बोल्ली थी कि, तुसा मेरे जो फिरी नी दिखणा तां तिन्हा ने तिसजो जहाज तिकर पूजाया।

प्रेरितां रे कम्म 21:5

जां से दिन पूरे होई गे, तां असी तित्ते का चली पे ते सबनां ने जनानियां अते निके-निक्केयां समेत असा जो सहर का बाह्र तांइ पूजाया ते असा ने कनारे पर जाह्न्नु रे भारे बेई करी प्रार्थना कित्ती

प्रेरितां रे कम्म 28:15

रोम रे विश्वासी असा री आणे री खबर सुणी करी अप्पियुस रे बजार नां रे कस्बे ते तीन्न-सराए नां रे कस्बे तिकर असा कने मिलणे जो निकली आये, जिन्हा जो दिख्खी करी पौलुस ने होंसला बन्नेया ते परमेश्वर रा शुक्रिया कित्तेया।

प्रेरितां रे कम्म 8:14

जां यरुशलेम बिच रैह्णे वाले प्रेरितां ने सूणेया कि सामरिया प्रदेश रे लोक्कां ने परमेश्वर रे वचन जो अपणाई लित्ते रा है, तां तिन्हा ने पतरस ते यूहन्ना जो तिन्हा का भेज्जेया।

रोमियों 15:24

इधेरे तांइ जिस बेल्ले मैं स्पेन देस जो जाणा, तां तुसा का हुंदे होए जांगा। किजोकी मेरे जो आस है कि तिस सफर बिच तुसा कने मैं मिली लेयां, ते तुसा री संगत रा आनंद लैणे का बाद, मैं चाह्‍ंदा तुसा मेरे जो अग्गे रे सफर तांइ मेरी थोड़ी मदद करी देयो।

1 कुरुन्थियों 16:11

इधेरे तांइ कोई भी तिसेरी बेज़ती ना करे, पर तिसजो सफर तांइ सारी जरुरी चीजां देई देयो किजोकी मैं तिसजो भालेया करदा है कि संगी विश्वासियां कने मेरे का आए।

2 कुरुन्थियों 1:16

अते मैं ए सोच्चेया कि मकिदुनिया प्रदेश जो जांदे बेल्ले तुसा कने मिली करी जां, अते फिरी मकिदुनिया प्रदेश का हटदे बेल्ले तुसा का दुबारा आ, अते तुसा मेरे जो यहूदियां प्रदेश बिच पुजणे तिकर मेरी किच्‍छ मदद करो।

तीतुस 3:13

जां जेनास नां रे शास्त्रियां ते दुआ मणू अप्पुल्लोस ने अपणे सफर पर निकलणा तां तुसा जे किच्‍छ भी तिन्हेरी मदद तांइ करी सकदे से करेयो। ते इस गल्ल रा ध्यान रख्खेयो कि तिन्हा का से सब किच्‍छ हो जिसेरी तिन्हा जो सफर बिच जरुरत पेई सकदी।