प्रेरितां रे कम्म 14:2 - चम्बयाली नौआ नियम

² पर नी मनणे वाले यहूदियां ने गैर यहूदियां मणूआं जो संगी विश्वासियां रे खिलाफ उकसाए, ते फूट पाई दित्ती।

प्रेरितां रे कम्म 14:2 ပူးပေါင်းရင်းမြစ်များ

यूहन्ना 3:36

जे परमेश्वर रे पुत्तर पर विश्वास करदा, हमेसा री जिन्दगी तिसेरी है, पर जे परमेश्वर रे पुत्तर री नी मनदा, तिनिए हमेसा री जिन्दगी नी दिखणी, पर परमेश्वर ने तिसजो सजा दैणी।

प्रेरितां रे कम्म 1:15

तिन्हा ही दिनां बिच पतरस संगी विश्वासियां रे बिच जे इक्क सौ भी लोक्कां रे नेड़े-तेड़े थिये, खड़ी करी बोलणा लगेया,

प्रेरितां रे कम्म 13:45

पर यहूदी अधिकारियां री भीड़ जो दिख्खी करी रड़णा लग्गे, ते बेजती करदे पौलुस री गल्लां रे खिलाफ होई करी बोलणा लग्गे

प्रेरितां रे कम्म 13:50

पर यहूदी अधिकारियां ने भक्तां ते कुलीन जनानियां जो ते सहर रे बड़े मणूआं जो उकसाया, ते पौलुस ते बरनबास पर जोर जबरदस्ती करी के तिन्हा जो अपणे सहर का बाहर कड्डी दित्तेया।

प्रेरितां रे कम्म 14:19

पर किन्ने ही यहूदियां अधिकारियां ने अन्ताकिया ते इकुनियुम रे सहरां बिच आई करी मणूआं जो अपणे पास्से करी लेया, ते पौलुस पर बट्टे भणकाये, ते मरे रा समजी करी तिसजो सहर का बाहर धरीड़ी लेई गे।

प्रेरितां रे कम्म 14:4

पर सहर रे मणूआं बिच फूट पेई गई थी, इस कने किन्ने ही तां यहूदियां रे पास्से, ते कितणे ही खास प्रेरितां रे पास्से होई गे,

प्रेरितां रे कम्म 14:5

पर जां गैर यहूदियां ते यहूदी तिन्हेरी बेजती ते तिन्हेरे पर बट्टे बरसाणे तांइ अपणे सरदारां समेत तिन्हा पर दौड़े,

प्रेरितां रे कम्म 17:13

पर जां थिस्सलुनीके सहर बिच रैह्णे वाले यहूदी जाणी गे, कि पौलुस बिरीया सहर बिच भी परमेश्वर रा वचन सुणाया करदा है, तां तित्ते भी आई करी मणूआं जो उकसाणे ते हल्ला मचाणा लग्गे

प्रेरितां रे कम्म 17:5

पर यहूदियां ने खून्दक बिच आई करी बजार का केई गुन्डेया जो अपणे कने लेया, ते भीड़ लाई करी सहर बिच दंगे करणा लग्गे, ते यासोन रे घरे पर हमला करी के पौलुस ते सीलास जो सामणे लियाणा चाएया।

प्रेरितां रे कम्म 18:12

जां गल्लियो अखाया प्रदेश रा राज्यपाल थिया तां यहूदी मणू पौलुस रे खिलाफ होई गे, ते तिसजो हिसाब-किताब री गद्दी रे सामणे लियाई करी, बोल्णा लग्गे।

1 थिस्सलुनीकियों 2:14

इस तांइ तुसां, ओ संगी विश्वासियों, परमेश्वर रे तिन्हा कलीसिया रे लोक्कां सांई जिन्दगी जीणा लगे जे यहूदियां प्रदेश बिच मसीह यीशु बिच हिन किजोकी तुसा भी अपणे ही प्रदेश रे लोक्कां का तैसा ही दुख पाया जदेया तिन्हा ने यहूदियां प्रदेश का पाया,