प्रेरितां रे कम्म 13:51 - चम्बयाली नौआ नियम

⁵¹ तां पौलुस ते बरनबास तिन्हेरे सामणे अपणे पैरा री धूल झम्मी करी इकुनियुम सहर जो गे।

प्रेरितां रे कम्म 13:51 ပူးပေါင်းရင်းမြစ်များ

मत्ती 10:14

जे कोई तुसा जो नी अपणांदा अते तुसा री गल्लां नी सूणदा, तां तिस घर या तिस सहर का जांदे बेल्ले अपणे पैरां का धूल झम्मी आयो।

मरकुस 6:11

जिस जगाह् रे मणू तुसा जो ना अपनाण ते तुसा री ना सूणन, उत्ते का जादें ही अपणे तलियां री धूड़ झाड़ सूट्टो ताकि ए तिन्हा लोक्कां रे खलाफ ए गवाई हो कि तिन्हा ने तुसा री गल्ल नी सूणी।”

लूका 10:11

कि तुसा रे ग्रां री धूड़ जो असी तुसा रे सामणे अपणे पैरां का झम्मी करी इत्ते का चली पे, पर ए गल्ल समजी लेयो, कि परमेश्वर राज करणे तांइ तुसा रे नेड़े आई गे रा है

लूका 9:5

जे तिस ग्रां रे मणू तुसा रे सुब बसेख जो नी मनगे, तां तित्ते का निकलदे बेल्ले अपणे पैरां री धूड़ झाड़ी आयो, ताकि ए तिन्हा पर गवाई होई सको कि से अपणी कित्ते री अप्पु भुगतन

प्रेरितां रे कम्म 14:1

इकुनियुम सहर बिच इय्यां होया कि से यहूदियां री सभास्थल जो इकठ्ठे गे, ते इदेइ गल्लां कित्ती की, कि यहूदियां ते यूनानियां बिच का केई जणेया ने विश्वास कित्तेया

प्रेरितां रे कम्म 14:19

पर किन्ने ही यहूदियां अधिकारियां ने अन्ताकिया ते इकुनियुम रे सहरां बिच आई करी मणूआं जो अपणे पास्से करी लेया, ते पौलुस पर बट्टे भणकाये, ते मरे रा समजी करी तिसजो सहर का बाहर धरीड़ी लेई गे।

प्रेरितां रे कम्म 14:21

ते पौलुस ते बरनबास तिस कस्बे रे मणूआं जो सुब बसेख सूणाई करी, ते बड़े सारे चेल्‍ले बणाई करी, लुस्त्रा हटी करी ते तित्ते का इकुनियुम जो जाई करी अन्ताकिया जो हटी आये।

प्रेरितां रे कम्म 16:2

ते लुस्त्रा ते इकुनियुम रे सहर रे विश्वासियां बिच तिसेरी बोलचाल ठीक थी।

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

2 तीमुथियुस 3:11

तू जाणदा कि लोक्कां ने अन्ताकिया रे कस्बे बिच मेरे कने कदेइ-कदेइ ड्रौणी चीजां कित्ती, इकुनियुम लुस्त्रा ते मैं किय्यां लोक्कां रे जुल्म सैह्‍ण कित्ते।