प्रेरितां रे कम्म 13:47 - चम्बयाली नौआ नियम

⁴⁷ किजोकी प्रभु ने असा जो हुकम दित्तेया है, कि मैं तिज्जो गैर यहूदियां रे लोक्कां री लौ ठहराया है, ताकि तू दुनिया रे हर कुणे तांइ छुटकारा रे रस्ते रा जरिया हो।

प्रेरितां रे कम्म 13:47 ပူးပေါင်းရင်းမြစ်များ

लूका 2:32

ताकि मसीह गैर यहूदी मणूआं जो परमेश्वर रा रस्ता दिखाणे वाली रौसनी बणना, ते इस्राएल रे मणू, जे कि तुसा रे अपणे हिन, तिन्हा तांइ ए परमेश्वर री महिमा लियाणे री वजह बणना।

प्रेरितां रे कम्म 26:23

कि मसीह यीशु जो जुल्म सैहणा पैणे, ते तिन्हा ने ही सबणी का पैल्ले जिन्दे होई करी, असा रे लोक्कां अन्दर ते गैर यहूदी लोक्कां अन्दर रौसनी रा प्रचार करणा ताकि से छुटकारा पाण।

प्रेरितां रे कम्म 22:21

ते प्रभु ने मेरे जो बोल्लेया, चली जा: किजोकी मैं तिज्जो गैर यहूदी लोका रे बिच दुर-दुर तांइ भेजणा।

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

प्रेरितां रे कम्म 1:8

पर जां पवित्रात्मा तुसा पर आणा तां तुसा ताकत पाणी ते तुसा यरुशलेम सहर ते सारी यहूदियां प्रदेश ते सामरिया प्रदेश बिच, ते दुनिया रे हर कुणे तिकर तुसा मेरे गवाह बणना।”

मरकुस 16:15

ते यीशु ने तिन्हेरे जो बोल्लेया, “तुसां सारी दुनिया बिच जाई करी, सारी दुनिया रे लोक्कां जो सुब बसेख सुणाओ।

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

लूका 24:47

अते तिन्हेरा नां लेई करी यरुशलेम सहर अते देस-देस रे लोक्कां बिच पाप्पां का तौबा अते माफी पाणे रा सुब बसेख सुणाया जाणा।