प्रेरितां रे कम्म 13:41 - चम्बयाली नौआ नियम

⁴¹ ओ बेजती करणे वालेयों, दिख्खो, ते हैरान होई करी खत्म होई जाओ, किजोकी मैं तुसा रे जुग बिच इक्क इदेया कम्म करदा, कि जे कोई तुसा कने तिसेरी चर्चा करण, तां तुसा कदी विश्वास नी करणा

प्रेरितां रे कम्म 13:41 ပူးပေါင်းရင်းမြစ်များ

लूका 16:14

फरीसी मणू, जे कि धन-दौलत रे लालची थिये, से यीशु गल्लां जो सुणी करी यीशु रा मजाक उडाणा लग्गे।

लूका 23:35

मणू खड़ी करी दिख्खेया करदे थिये, ते लोक्कां रे हाकिम भी मजाक उड़ाई करी बोल्लेया करदे थिये इन्ने दूए लोक्कां जो बचाया, जे अगर से परमेश्वर रा मसीह यीशु है ते तिन्हा रा चुणे रा है, तां अप्पु जो बचाई लै।

प्रेरितां रे कम्म 13:47

किजोकी प्रभु ने असा जो हुकम दित्तेया है, कि मैं तिज्जो गैर यहूदियां रे लोक्कां री लौ ठहराया है, ताकि तू दुनिया रे हर कुणे तांइ छुटकारा रे रस्ते रा जरिया हो।

प्रेरितां रे कम्म 22:21

ते प्रभु ने मेरे जो बोल्लेया, चली जा: किजोकी मैं तिज्जो गैर यहूदी लोका रे बिच दुर-दुर तांइ भेजणा।

प्रेरितां रे कम्म 3:23

पर हर इक्क मणू जे तिस भविष्यद्वक्ता री ना सुणे, लोक्का बिच का नास कित्ता जाणा

प्रेरितां रे कम्म 6:14

किजोकी असी तिसजो ए बोलदे सुणे रा है कि ए ही नासरत कस्बे रे यीशु, ने इस मन्दिर जो ढाह्ई दैणा, ते तिन्हा रीतियां जो बदली दैणा जे मूसा ने असा जो सौंपी री हिन।

1 थिस्सलुनीकियों 2:16

ते से असा जो गैर यहूदी लोक्कां बिच तिन्हेरे छुटकारे रा सुब बसेख बंडणे का रोकदे ताकि तिन्हेरे पाप रा घड़ा भरी जाओ, पर अवे आखिर बिच परमेश्वर तिन्हा लोक्कां जो सजा दैणे वाले हिन।

1 पतरस 4:17

से समय आई गे रा है कि परमेश्वर लोक्कां का हिसाब लैणा सुरु करी दैण। किजोकी तिन्हा ने असी विश्वासी लोक्कां का ही हिसाब-किताब लैणा सुरु करणा, ता फिरी तिन्हा ड्रौणी चीजां रे बारे बिच सोच्चो जे सुब बसेख री ना-फरमानी करणे वालेयां कने होणी।