प्रेरितां रे कम्म 13:32 - चम्बयाली नौआ नियम

³² ते असी तुसा जो तिस वादे रे बारे बिच, जे पूरखां कने कित्तेया गेया थिया, ए सुब बसेख सुणांदे हिन।

प्रेरितां रे कम्म 13:32 ပူးပေါင်းရင်းမြစ်များ

लूका 1:19

तां स्वर्गदूत ने तिस्स जो बोल्लेया, मैं जिब्राईल है, मैं से स्वर्गदूत है, जे हर बेल्ले परमेश्वर रे सामणे खड़ा रैहन्दा मेरे जो परमेश्वर ने तेरे का इधेरे तांइ भेज्जेया कि ए सुब बसेख मैं तिज्जो दस्सी देयां।

लूका 2:10

ते तिस बेल्ले स्वर्गदूत ने तिन्हा जो बोल्लेया, तुसा डरो मत, किजोकी दिख्खो, मैं तुसा जो इक्क इदेया सुब बसेख सूणाणा, जे सबणी मणूआं तांइ होणा,

प्रेरितां रे कम्म 10:36

जे बसेख तिन्हा ने इस्राएल बिच भेज्जेया, हालाकिं तिन्हा ने मसीह यीशु, जे सबणी रे प्रभु हिन रे जरिए सांती रा सुब बसेख सुणाया।

प्रेरितां रे कम्म 13:23

इसेरे ही वंश बिच का परमेश्वर ने अपणी कसम रे हिसाब कने इस्राएल रे मणूआं का इक्क छुटकारा दैणे वाला मतलब यीशु जो भेज्जेया

प्रेरितां रे कम्म 13:38

इधेरे तांइ, ओ भाईयों, तुसा जाणी लेयो कि इसेरे ही जरिए तुसा जो पाप्पां री माफी री सुब बसेख दित्ती जाया करदी है

प्रेरितां रे कम्म 14:15

असा भी तां तुसा सांई दुख-सुख भोगणे वाले आम मणू हिन, ते तुसा जो सुब बसेख सुणादे, कि तुसा इन्हा बेकार री चीजां का बखरे होई करी जिंदे परमेश्वर जो जाणो, जिन्हा ने आसमान ते जमीन ते समुन्द्र ते जे किच्‍छ तिस बिच है तिन्हा जो बणाया।

प्रेरितां रे कम्म 26:6

ते अवे तिस आस अन्दर उम्मीद री वजह कने जे परमेश्वर ने असा रे पूरखां कने कित्ती थी, मेरे पर मुकद्दमा चलेया करदा है।

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

प्रेरितां रे कम्म 5:42

से हर रोज मन्दिर बिच ते घर-घर बिच प्रचार करणे, ते इस गल्ल रा सुब बसेख सुनाणे का कि यीशु ही मसीह हिन, नी रुके।

रोमियों 1:2

जिसेरा वादा तिन्हा ने मसीह यीशु रे आणे का बड़े पैल्ले ही पवित्रशास्त्र बिच अपणे भविष्यद्वक्तां रे जरिये कित्ता थिया।

रोमियों 10:15

ते इसका पैल्ले कि कोई तिन्हा जो प्रभु रे बारे बिच दस्से, कुसकी रा भेज्जेया जाणा जरुरी है। इधेरे तांइ पवित्रशास्त्र बिच लिख्खे रा है, “सुब बसेख लाणे वाले मणूआं रे पैर किन्ने छैल हिन।”

रोमियों 4:13

परमेश्वर ने अब्राहम ते तिन्हेरे ‍खानदान कने वादा कित्तेया थिया तिन्हा ने दुनिया रे वारिस होणा, परमेश्वर ने अब्राहम कने ए वादा इधेरे तांइ नी कित्तेया, किजोकी तिन्हा ने मूसा रे कानून रा पालण कित्तेया, पर इधेरे तांइ किजोकी तिन्हा ने परमेश्वर बिच विश्वास कित्तेया थिया ते इस तांइ से धार्मिक ठैहराए गे।

रोमियों 9:4

से मणू मेरे सांई इस्राएल देस रे मणू हिन, से परमेश्वर रे गोद लित्ते री औलाद्दां बणने तांइ चुणे गे थिये, परमेश्वर ने तिन्हा पर अपणी महिमा ज़ाहिर कित्ती। तिन्हा ने तिन्हा लोक्कां कने वाचा बन्नी। तिन्हा जो परमेश्वर रा कानून, ते तिन्हेरी अराधना करणे रा सौभाग्य मिल्लेया।