प्रेरितां रे कम्म 13:3 - चम्बयाली नौआ नियम

³ तां तिन्हा ने ब्रत्त ते प्रार्थना करी के तिन्हा पर हत्थ रख्खे ते तिन्हा जो परमेश्वर रा कम्म करणे तांइ भेज्जी दित्तेया।

प्रेरितां रे कम्म 13:3 ပူးပေါင်းရင်းမြစ်များ

लूका 2:37

ते से फिरी चुरास्सी साल्लां तांइ विधवा ही रेई। तिनिए मन्दिर जो कदी भी नी छड्डेया, ब्रत्त अते प्रार्थना करदे परमेश्वर री भक्ति करदी रेह्न्दी थी।

प्रेरितां रे कम्म 1:24

ते ए प्रार्थना कित्ती, ओ प्रभु तुसा जे सारेयां रे मनां जो जाणदे, ए प्रकट करो कि इन्हा दोन्नां बिच का तुसा कुस जो चुणे रा है,

प्रेरितां रे कम्म 13:2

जां से ब्रत्त समेत प्रभु री अराधना करेया करदे थिये, तां पवित्रात्मा ने बोल्लेया, मेरे तांइ बरनबास ते शाऊल जो तिस सेवकाई तांइ अलग करो जिस तांइ मैं तिन्हा जो चुणी लेरां है।

प्रेरितां रे कम्म 13:4

ते पौलुस ते बरनबास पवित्रात्मा रे भेज्जे रे अन्ताकिया सहर का सिलूकिया सहर रे बंदरगाह जो गे, ते तित्ते का जहाज पर चढ़ी करी साइप्रस टापू जो चली गे।

प्रेरितां रे कम्म 14:23

ते तिन्हा ने हर-इक्क कलीसिया बिच तिन्हेरे तांइ बुजुर्ग मणू रख्खे, ते ब्रत रख्खी करी प्रार्थना करी के, तिन्हा जो प्रभु रे हत्थां बिच सौंपेया जिन्हा पर तिन्हा ने विश्वास कित्तेया थिया।

प्रेरितां रे कम्म 14:26

ते तित्ते का जहाज बिच अन्ताकिया सहर जो तिस कम्म जो पूरा करी के हटी आये थिये जे करणे तांइ तिन्हा परमेश्वर रे अनुग्रह बिच सौंपेया थिया।

प्रेरितां रे कम्म 15:40

पर पौलुस ने सीलास जो चुणी लेया, ते विश्वासियां का परमेश्वर री अनुग्रह पर सौंपी दित्तेया ते अन्ताकिया सहर का चली गेया।

प्रेरितां रे कम्म 6:6

इन्हा जो प्रेरितां सामणे खड़ेरेया ते तिन्हा ने प्रार्थना करी के तिन्हा पर हत्थ रख्खे ताकि से मणू तिस सेवकाई जो करण।

प्रेरितां रे कम्म 9:17

तां हनन्याह उठी करी शाऊल रे घरे गेया, ते तिस पर अपणा हत्थ रखि करी बोल्लेया, ओ भाई शाऊल, प्रभु यीशु ने मेरे जो भेज्जे रा है, जे तुसा जो रस्ते बिच दिस्से थिये, ताकि तू फिरी दिखि सके ते पवित्रात्मा कने भरी जाए।

रोमियों 10:15

ते इसका पैल्ले कि कोई तिन्हा जो प्रभु रे बारे बिच दस्से, कुसकी रा भेज्जेया जाणा जरुरी है। इधेरे तांइ पवित्रशास्त्र बिच लिख्खे रा है, “सुब बसेख लाणे वाले मणूआं रे पैर किन्ने छैल हिन।”

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

1 तीमुथियुस 5:22

जल्दबाजी बिच कुसकी भी मणू पर हत्थ रख्खी करी तिसजो परमेश्वर री सेवा करणे तांइ मुखिया मत बणांदे। कुसकी रे पाप बिच हिस्सेदार मत बणदे, अप्पु जो पवित्र बणाई रख्खो।

2 तीमुथियुस 1:6

इधेरे तांइ मैं तुसा जो तिन्हा वरदान्नां रा फिरी चेत्ता दुआया करदा है जे तुसा जो परमेश्वर ने तां दित्ते थिये जां मैं तुसा रे सिर पर अपणा हत्थ रख्खेया थिया।

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

3 यूहन्ना 1:6

तिन्हा बिच किच्‍छ विश्वासियां ने कलीसिया रे विश्वासियां जो तेरे बारे बिच दस्से रा है कि तू संगी विश्वासियां कने किन्ना जादा प्यार करदा। अवे मैं तेरे जो बोलदा कि जां से मणू कुसकी जगाह् बिच सफर करणे तांइ जांदे तां तेरे जो तिन्हा लोक्कां री तिन्हेरी जरुरत री चीजां देई करी मदद करदे रैह्णा चाएदा किजोकी इस कने परमेश्वर खुस हुंदे।

3 यूहन्ना 1:8

इधेरे तांइ असी विश्वासी मणूआं जो इदेय मणूआं जो अपणे घरे रुकाई करी ते तिन्हेरी जरुरत री चीजां देई करी तिन्हेरी मदद करणी चाएदी ताकि असी भी तिन्हेरे सच्चाई रे बसेख जो सुनाणे रे कम्म रे हिस्सेदार बणी सकण।