प्रेरितां रे कम्म 13:2 - चम्बयाली नौआ नियम

² जां से ब्रत्त समेत प्रभु री अराधना करेया करदे थिये, तां पवित्रात्मा ने बोल्लेया, मेरे तांइ बरनबास ते शाऊल जो तिस सेवकाई तांइ अलग करो जिस तांइ मैं तिन्हा जो चुणी लेरां है।

प्रेरितां रे कम्म 13:2 ပူးပေါင်းရင်းမြစ်များ

मत्ती 17:21

पर ए जाति बगैर प्रार्थना अते ब्रत्त रे नी निकलदी।

मत्ती 6:16

“जां तुसा ब्रत्त रख्खो, तां ढोंगी लोक्कां सांई तुसा रे मुँह नी उत्तरे रे होणे चाएदे, किजोकी से अपणा मुँह उदास बणाई रखदे ताकि सबणी मणूआं जो पता लग्गो कि तिन्हा ने ब्रत्त रख्खे रा है, मैं तुसा जो सच-सच बोलदा कि तिन्हा जो ईनाम बिच सिर्फ लोक्कां री तारिफ ही है।”

मत्ती 9:38

इधेरे तांइ फसल रे मालक, परमेश्वर का प्रार्थना करो कि से अपणी फसल जो बढ़णे तांइ मजदूर भेजण।

लूका 10:1

इन्हा गल्लां रे होणे का बाद प्रभु यीशु ने सत्तर चेल्‍ले होर चुणे ते फिरी जिस-जिस सहरां ते जगाह् पर तिन्हा अप्पु जाणा थिया, तित्ते दो-दो करी के पैल्ले तिन्हा जो भेजेया।

लूका 2:37

ते से फिरी चुरास्सी साल्लां तांइ विधवा ही रेई। तिनिए मन्दिर जो कदी भी नी छड्डेया, ब्रत्त अते प्रार्थना करदे परमेश्वर री भक्ति करदी रेह्न्दी थी।

प्रेरितां रे कम्म 10:19

पतरस जे दर्शन रे बारे सोच्चेया ही करदा थिया, तिस बेल्ले पवित्रात्मा ने तिसजो बोल्लेया, दिख्ख, त्रै मणू तेरी तोप बिच हिन।

प्रेरितां रे कम्म 10:30

कुरनेलियुस ने बोल्लेया, कि इस बेल्ले पूरे चार रोज पैल्ले मैं अपणे घरे त्रै बजे प्रार्थना करेया करदा थिया, कि तिस बेल्ले, इक्क मणू चमकीले कपड़े पाई करी, मेरे मुहाग्गर आई खड़ा होया।

प्रेरितां रे कम्म 13:3

तां तिन्हा ने ब्रत्त ते प्रार्थना करी के तिन्हा पर हत्थ रख्खे ते तिन्हा जो परमेश्वर रा कम्म करणे तांइ भेज्जी दित्तेया।

प्रेरितां रे कम्म 13:4

ते पौलुस ते बरनबास पवित्रात्मा रे भेज्जे रे अन्ताकिया सहर का सिलूकिया सहर रे बंदरगाह जो गे, ते तित्ते का जहाज पर चढ़ी करी साइप्रस टापू जो चली गे।

प्रेरितां रे कम्म 14:26

ते तित्ते का जहाज बिच अन्ताकिया सहर जो तिस कम्म जो पूरा करी के हटी आये थिये जे करणे तांइ तिन्हा परमेश्वर रे अनुग्रह बिच सौंपेया थिया।

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

प्रेरितां रे कम्म 22:21

ते प्रभु ने मेरे जो बोल्लेया, चली जा: किजोकी मैं तिज्जो गैर यहूदी लोका रे बिच दुर-दुर तांइ भेजणा।

प्रेरितां रे कम्म 4:36

यूसुफ नां रा इक्क साइप्रस रा लेवी गोत्र रा मणू थिया जिसेरा नां प्रेरितां ने बरनबास (मतलब कि सांती रा पुत्तर) रख्खे रा थिया

प्रेरितां रे कम्म 6:4

पर असी तां प्रार्थना बिच ते वचन री सेवकाई बिच लग्गी रैह्णा।

प्रेरितां रे कम्म 8:29

तां पवित्रात्मा ने फिलिप्पुस जो बोल्लेया, जाई करी इस रथ रे नेड़े रे।

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

रोमियों 1:1

मैं पौलुस, मसीह यीशु रा दास है, ते परमेश्वर ने मेरे जो प्रेरित बणने तांइ चुणे रा है। ते तिन्हा ने तिस सुब बसेख रा प्रचार करणे तांइ अलग कित्ते रा है,

रोमियों 10:15

ते इसका पैल्ले कि कोई तिन्हा जो प्रभु रे बारे बिच दस्से, कुसकी रा भेज्जेया जाणा जरुरी है। इधेरे तांइ पवित्रशास्त्र बिच लिख्खे रा है, “सुब बसेख लाणे वाले मणूआं रे पैर किन्ने छैल हिन।”

रोमियों 15:16

कि मैं गैर यहूदियां तांइ मसीह यीशु रा दास होई करी, परमेश्वर रे सुब बसेख री सेवा इक्क पुरोत्त सांई करां। ताकि मैं तुसा गैर यहूदियां जो पवित्रात्मा रे जरिये पवित्र कित्ते रे इक्क कुर्बानी सांई परमेश्वर जो चढां जिस कने से खुस हुंदे।

1 कुरुन्थियों 12:11

पर इन्हा सारी खुबियां रा जरिया सिर्फ पवित्रात्मा है ते से ही हिन जे अपणी मर्जी रे हिसाब कने सारेयां बिच से खुबियां बंडदे।

1 कुरुन्थियों 7:5

प्रार्थना बिच समय गुजारणे रे अलावा कुसकी होर गल्ल तांइ लाड़ा ते लाड़ी इक्क दूए जो अप्पु-मिते सम्बध बणाणे का मना ना करे, पर तिसेरे बाद से मणू अपणी आम ब्यात्ती री जिन्दगी जो तिय्यां ही जिन्दे रैह्ण। इस तरिक्के कने तुसा संयम री कमी री वजह कने शैतान री परिक्षा बिच पैणे का बची रैह्णा।

2 कुरुन्थियों 11:27

मैहनत ते दुख अन्दर, घड़ी-घड़ी जागदे रैह्णे बिच ते भूख्ख-प्यास बिच भी रेया ते सर्दी बिच बगैर निग्गे कपड़े रे भी रेया।

2 कुरुन्थियों 6:5

ते असी कोड़े खाणे कने, कैद होणे कने, हगांमेया कने, मैहनत करदे होए, जागदे रैह्णे कने, भूख्ख बिच, पवित्रता कने, ज्ञान कने, सबर कने, रहम कने, पवित्रात्मा कने अप्पु जो परमेश्वर रे चुणे रे दास साबित करदे।

गलातियों 1:15

पर तां परमेश्वर अपणे पुत्तर जो मेरे पर प्रकट करणे जो खुस होए, ताकि मैं यीशु रे बारे बिच सुब बसेख रा प्रचार करां। परमेश्वर ने ही मेरे जो मेरे पैदा होणे का पैल्ले ही चुणेया, ते अपणे अनुग्रह कने मेरे जो अपणी सेवा करणे तांइ सद्दी लित्तेया। यीशु रे अप्पु जो मेरे पर ज़ाहिर करणे का बाद, ना ता मैं कुसकी का सलाह मंगणे तांइ गेया, ते ना ही मैं यरुशलेम बिच मेरे का पैल्ले वाले प्रेरितां का गेया। पर मैं अरब देस जो गेया, ते बाद बिच तित्ते का दमिश्क सहर जो हटी आया।

इफिसियों 3:7

मैं परमेश्वर रे अनुग्रह रे मुफ्त दान ते ताकत री वजह कने मेरे जो सुब बसेख सुनाणे री सेवा करणे रा सौभाग्य मिल्ले रा है।

कुलुस्सियों 4:17

अरखिप्पुस जो बोल्लेयो, जे सेवा करणे तांइ प्रभु ने तेरे जो चुणे रा है, ध्यान रे कि तू तिस सेवा जो पूरा करे।

1 तीमुथियुस 2:7

परमेश्वर ने मेरे जो सुब बसेख रा प्रचार करणे ते प्रेरित बणने तांइ चुणेया। तिन्हा ने मेरे जो गैर यहूदी लोक्कां जो सच्चाई रा बसेख सुनाणे तांइ चुणेया। मैं झूठ नी बोल्लेया करदा है पर मैं सच बोल्लेया करदा है।

2 तीमुथियुस 1:11

इस्सी सुब बसेख जो फैलाणे तांइ मेरे जो इक्क प्रचारक, सुब बसेख दैणे वाला प्रेरित अते इक्क गुरु रे रुप बिच चुणेया गे रा है।

2 तीमुथियुस 2:2

तुसा ने मते लोक्कां सामणे मेरे का मसीह रे बसेख रे बारे बिच सुणे रा है। इधेरे तांइ मैं चाह्‍ंदा कि तुसा भी तिस ही बसेख री शिक्षा तिन्हा भरोस्सेमंद विश्वासियां जो देयो जे होर लोक्कां जो सिखाणे रे काबिल हिन।

2 तीमुथियुस 4:11

इस बेल्ले सिर्फ लूका मेरे कन्ने है। जां तू आणा तां अप्पु कने मरकुस जो लेई आए किजोकी सेवा रे कम्म बिच से मेरे तांइ बड़े कम्मे रा मणू है।

2 तीमुथियुस 4:5

पर तू हर गल्ल बिच अप्पु पर काबू रख्खे, बड़े सबर कने सारी मुसीबतां जो सहन करी लेय। सुब बसेख रा प्रचार करणे तांइ तू कड़ी मैहनत करे, ते परमेश्वर रा सेवादार होणे रे नात्ते तू से सारे कम्म करे जिन्हा तांइ परमेश्वर ने तेरे जो चुणे रा है।

इब्रानियों 5:4

कोई भी मणू अप्पु ही सिर्फ आदरमान पाणे तांइ बड्डा पुरोत्त नी बणी सकदा। कोई भी मणू सिर्फ तां ही बड्डा पुरोत्त बणी सकदा अगर परमेश्वर ने तिसजो चुणे रा हो, जिय्यां तिन्हा ने पैल्ले बड्डे पुरोत्त, हारून जो चुणेया थिया।”