प्रेरितां रे कम्म 13:13 - चम्बयाली नौआ नियम

¹³ पौलुस ते तिसेरे साथी पाफुस कस्बे का जहाज जो चलाई करी पंफूलिया प्रदेश रे पिरगा कस्बे बिच आये ते यूहन्ना मरकुस तिन्हा जो छड्डी करी यरुशलेम सहर जो वापस हटी गेया।

प्रेरितां रे कम्म 13:13 ပူးပေါင်းရင်းမြစ်များ

प्रेरितां रे कम्म 12:12

ते ए सोची करी कि परमेश्वर ने तिसजो हेरोदेस रे हत्थां का बचाए रा है, से तिस यूहन्ना जिस जो मरकुस भी बोलदे, तिसेरी मां मरियम रे घरे गेया। तित्ते बड़े विश्वासी मणू इकट्ठा होई करी प्रार्थना करेया करदे थिये।

प्रेरितां रे कम्म 15:36

किच्‍छ रोज्जां बाद पौलुस ने बरनबास जो बोल्लेया, कि जिन्हा-जिन्हा सहरां बिच असा ने प्रभु रा वचन सुणाया थिया, चलो, फिर तित्ते जाई करी अपणे विश्वासियां जो दिख्खदे, कि कदेय हिन।

प्रेरितां रे कम्म 15:38

पर पौलुस ने तिसजो जे कि पंफूलिया प्रदेश बिच तिन्हा का बखरे होई गे थिये, ते कम्म पर तिन्हा कने नी गे थिये, कने लेई जाणा ठीक नी समजेया

प्रेरितां रे कम्म 2:10

ते फ्रूगिया, पंफूलिया, मिस्र देस, लिबिया प्रदेश, जे कुरेने सहर रे नेड़े-तेड़े हिन, इन्हा सारे देस रे रैह्णे वाले ते रोम सहर रे रैह्णे वाले हिन,

प्रेरितां रे कम्म 27:13

जिस बेल्ले थोड़ी-थोड़ी ब्यार चलणा लग्गी, तां ए समजी करी कि असा रा मकसद पूरा करणे तांइ सही समय है तिन्हा ने जहाज रा लंगर चुक्केया ते कनारा पकड़ी करी क्रेते टापू रे नेड़े का जाणा लगे।

प्रेरितां रे कम्म 27:5

ते किलिकिया ते पंफूलिया सहरां रे समुन्द्र रे किनारे का होई करी लूसिया प्रदेश रे मूरा सहर अन्दर उतरे।

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

2 तीमुथियुस 4:11

इस बेल्ले सिर्फ लूका मेरे कन्ने है। जां तू आणा तां अप्पु कने मरकुस जो लेई आए किजोकी सेवा रे कम्म बिच से मेरे तांइ बड़े कम्मे रा मणू है।