प्रेरितां रे कम्म 13:11 - चम्बयाली नौआ नियम

¹¹ अवे दिख्ख, प्रभु तिज्जो सजा दैणे वाले हिन, तू तां तांइ अन्ने रैह्णा जां तांइ सूरज जो नी दिख्खी लिन्दा, ते तिस्सी बेल्ले तिस पर धुन्दलापन अते न्याहरा तिस पर छाई गेया, ते से इत्ते-उत्ते हत्थ पैर मारणे लग्गेया, ताकि तिसेरा हत्थ पकड़ी करी तिसजो कोई लेई चले।

प्रेरितां रे कम्म 13:11 ပူးပေါင်းရင်းမြစ်များ

यूहन्ना 9:39

तां यीशु ने बोल्लेया, मैं इस दुनिया बिच हिसाब-किताब करणे तांइ आए रा है, ताकि जे नी दिखदे से दिखण, ते जे दिखदे से अन्ने होई जाण।

प्रेरितां रे कम्म 9:17

तां हनन्याह उठी करी शाऊल रे घरे गेया, ते तिस पर अपणा हत्थ रखि करी बोल्लेया, ओ भाई शाऊल, प्रभु यीशु ने मेरे जो भेज्जे रा है, जे तुसा जो रस्ते बिच दिस्से थिये, ताकि तू फिरी दिखि सके ते पवित्रात्मा कने भरी जाए।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

इब्रानियों 10:31

ए किन्नी जादा ड्रौणी गल्ल है कि जिन्दा परमेश्वर असा जो पकड़ी करी सजा दैण।

2 पतरस 2:17

ए झूठ्ठे भविष्यद्वक्ता बेकार रे कुएं सांई हिन जे सुकी गेरे हिन। से बरखा होणे का पैल्ले तिस धुंद सांई कुसकी कम्मे रे नी हिन जे हवा कने उड़ाई दित्ती जांदी। परमेश्वर ने तिन्हा तांइ इक्क इदेइ जगाह् तैयार कित्ते री है जे बिल्कुल ही न्याहरी है।