प्रेरितां रे कम्म 13:1 - चम्बयाली नौआ नियम

¹ अन्ताकिया सहर री कलीसिया बिच किन्ने भविष्यद्वक्ता ते शिक्षक थिये, मतलब बरनबास ते शमौन जिन्हा जो कि नीगर भी बोलदे, ते लूकियुस कुरेनी, ते देस रे चौथे हिस्से रा राज्जा हेरोदेस रा सक्के भ्याल मनाहेम ते शाऊल

प्रेरितां रे कम्म 13:1 ပူးပေါင်းရင်းမြစ်များ

मत्ती 27:32

बाहर जादें बेल्ले तिन्हेरे जो शमौन नां रा इक्क कुरेनी मणू तिन्हेरे जो मिल्लेया तिन्हा ने तिसजो बेगार बिच पकड़ेया की से तिन्हेरा सुली चुकी करी लेई चले।

लूका 3:1

ए तिस्स बेल्ले री गल्ल है, जिस बेल्ले तिबिरियुस सम्राट पन्द्रा साल्लां का रोम रे देस पर राज करेया करदा थिया अते तिस बेल्ले पुन्तियुस पिलातुस यहूदियां प्रदेश रा राजपाल थिया, ते हेरोदेस गलील जिल्ले अन्दर राज करदा थिया, ते तिसेरा भ्याल फिलिप्पुस जे थिया से इतूरैया अते त्रखोनीतिस नां रे प्रदेशां अन्दर राज करेया करदा थिया, ते लिसानियास अबिलेने नां रे प्रदेश अन्दर राज करदा थिया।

प्रेरितां रे कम्म 11:30

ते तिन्हा ने तिय्यां ही कित्तेया, ते बरनबास ते शाऊल रे हत्थां बुजुर्ग मणू का किच्‍छ पैसे भेजी दित्ते।

प्रेरितां रे कम्म 12:25

जां बरनबास ते शाऊल अपणी सेवा पूरी करी बैठ्ठे, तां यूहन्ना जिस जो कि मरकुस भी बोल्दे कने लेई करी यरुशलेम का हटी आये।

प्रेरितां रे कम्म 13:9

तां शाऊल ने जिस जो की पौलुस भी बोल्दे, पवित्रात्मा रे वस बिच होई करी इलीमास पास्से दिख्खेया ते बोल्लेया,

प्रेरितां रे कम्म 15:32

ते यहूदा ते सीलास ने जे खुद भी भविष्वाणी करणे वाले थिये, बड़ी गल्लां कने विश्वासियां जो उपदेस देई करी मजबूत कित्तेया।

प्रेरितां रे कम्म 15:35

ते पौलुस अते बरनबास अन्ताकिया बिच रुकी गे, ते बड़े होर मणूआं कने प्रभु यीशु रे वचन री उपदेस ते सुब बसेख सुणादे रे।

प्रेरितां रे कम्म 19:6

ते जां पौलुस ने तिन्हा पर हत्थ रख्खे, तां से मणू पवित्रात्मा कने भरी गे, ते से मणू अलग-अलग भाषा बोलणे लग्गे ते भविष्यवाणी करणे लग्गे।

प्रेरितां रे कम्म 21:9

तिसेरी चार कुंवारी कुड़ियां थी, जे भविष्यवाणी करदी थियां

प्रेरितां रे कम्म 4:36

यूसुफ नां रा इक्क साइप्रस रा लेवी गोत्र रा मणू थिया जिसेरा नां प्रेरितां ने बरनबास (मतलब कि सांती रा पुत्तर) रख्खे रा थिया

प्रेरितां रे कम्म 9:1

शाऊल जे हल्ले तिकर प्रभु यीशु रे चेल्‍लेयां जो मारणे ते धमकाणे री धुन बिच थिया, प्रधान पुरोत्त का गेया।

रोमियों 16:21

मसीह री सेवा करणे बिच मेरे साथी तीमुथियुस, ते मेरे संगी यहूदी लूकियुस, ते यासोन, ते सोसिपत्तरुस, रे पास्से का तुसा जो नमस्कार!

1 कुरुन्थियों 11:4

जे आदमी अराधना बिच सारेयां सामणे सिर ढकी करी प्रार्थना करदा ते परमेश्वर रा बसेख सुणांदा, से मसीह री महिमा जो ढकी दिंदा ते इय्यां करणे कने से मसीह बेजती करदा जे आदमी रा सिर हिन।

1 कुरुन्थियों 13:2

जे अगर मैं भविष्यवाणी करां ते सारे राज़ ते हर तरिक्के री गल्ल जो समजी सकां, ते मेरे जो परमेश्वर बिच इत्ते तिकर विश्वास हो की मैं पहाड़ां जो हटाई सकदा पर कुसकी कने प्यार ना करां, तां मैं कुसकी कम्मे रा नी है।

1 कुरुन्थियों 13:8

इदेया समय भी आणा जां लोक्कां ने ना ता परमेश्वर रे बसेख री गल्ल करणी ते ना ही बखरी-बखरी भाषां बिच गल्लां करणी, परमेश्वर रे बारे बिच गहरे ज्ञान री भी जरुरत नी रैह्णी पर प्यार हमेसा तांइ रैह्णा।

1 कुरुन्थियों 14:29

भविष्यवाणी करणे वालेयां बिच का सिर्फ दो या त्रै जणे ही बोल्ले, ते बाकि विश्वासी तिन्हेरी गल्लां जो परखे।

1 कुरुन्थियों 14:32

ते जे भविष्यद्वक्ता परमेश्वर का मिल्ले रे बसेख री भविष्यवाणी करेया करदा हो, से अप्पु जो काबू बिच रखदा, ते से अपणी मर्जी कने बोल्ली सकदा या रुकी सकदा।

1 कुरुन्थियों 9:6

असा जो भी बाकि प्रेरितां सांई आर्थिक मदद लैणे रा पुर हक है ताकि अपणी जरुरतां तांइ असा जो कम्म ना करणा पे।

गलातियों 2:13

दूज्जे यहूदी विश्वासी ने भी इस ढोंग बिच उसेरा साथ दित्तेया, इत्ते तक कि इस वजह कने बरनबास भी तिन्हा यहूदियां रे डर कने गैर यहूदियां कने मिलणा-जुलणा छड्डी दित्तेया।

गलातियों 2:9

याकूब, कैफा ते यूहन्ना जिन्हा जो कलीसिया रे खम्भे सांई समजेया जांदा, जां तिन्हा ने मेरे पर होए रे परमेश्वर रे अनुग्रह जो समजी लेया, तां तिन्हा ने मेरे जो ते बरनबास जो अपणी मण्डली रा सहयोगी मन्नी लेया ते से इस गल्ल पर सहमत होई गे कि से यहूदी मणूआं बिच ते असी गैर यहूदी मणूआं जो बसेख सूणाणा जारी रखण।

इफिसियों 4:11

मसीह यीशु ने ही ए बखरे-बखरे दान दित्ते, तिन्हा ने किच्‍छ जणेया जो प्रेरित ठैहराया, ते किच्‍छ जणेया जो भविष्यद्वक्ता ठैहराया, ते थोड़े जणेया जो सुब बसेख सुनाणे वाले ठैहराया, ते किच्‍छ जणेया जो पादरी ते उपदेस दैणे वाले ठैहराया रा है।

फिलिप्पियों 4:22

सारे परमेश्वर रे लोक्कां जो, खासतौर पर जे मणू सम्राट रे घराने का विश्वास बिच आए रे हिन, तिन्हा जो नमस्ते बोल्लेयो।

1 थिस्सलुनीकियों 5:20

जे भविष्यवाणियां परमेश्वर ने लोक्कां पर ज़ाहिर कित्ते री हिन तिन्हा जो नक्कारो मत।