प्रेरितां रे कम्म 12:9 - चम्बयाली नौआ नियम

⁹ से निकली करी तिसेरे पीच्छे चली गेया पर ए नी जाणदा थिया, कि जे किच्‍छ स्वर्गदूत बोल्लेया करदा है, से सच्ची ही होया करदा है, पर ए समजेया, कि मैं दर्शन दिख्खेया करदा है

प्रेरितां रे कम्म 12:9 ပူးပေါင်းရင်းမြစ်များ

यूहन्ना 2:5

तिसेरी मां ने नौक्करां जो बोल्लेया, जे किच्‍छ से तुसा जो बोलदा, तिय्यां ही करेयो।

प्रेरितां रे कम्म 10:17

जां पतरस अपणे मन बिच सोच्चेया ही करदा थिया, कि इस दर्शन रा कै मतलब होई सकदा, तां तिस्सी बेल्ले, से मणू जिन्हा जो कुरनेलियुस ने भेज्जेया थिया, शमौन री डेवढ़ी पर आई खड़े होये।

प्रेरितां रे कम्म 10:3

इक्क दिन, धियाड़ी रे त्रै बजे तिसने इक्क दर्शन दिख्खेया तिसने साफ-साफ दिख्खेया कि परमेश्वर रा इक्क स्वर्गदूत तिसका आया ते बोल्लेया, ओ कुरनेलियुस,

प्रेरितां रे कम्म 11:5

कि मैं याफा सहर बिच प्रार्थना करेया करदा थिया, ते बेहोश होई करी दर्शन दिख्खेया, कि इक्क बड्डी चाद्दर सांई चारो कुणे का लटकेरा, आसमान का उतरी करी मेरे का आया।

प्रेरितां रे कम्म 12:8

तां स्वर्गदूत ने तिसजो बोल्लेया, तैयार होई जा, अपणे जूत्ते पाई लै, तिसने तिय्यां ही कित्ता, फिर स्वर्गदूत ने तिसजो बोल्लेया, अपणा चोग्गा पाई करी मेरे पीच्छे चल।

प्रेरितां रे कम्म 26:19

इधेरे तांइ ओ राजा अग्रिप्पा, मैं तिस स्वर्ग रे दर्शन जो मन्नेया,

प्रेरितां रे कम्म 9:10

दमिश्क कस्बे बिच हनन्याह नां रा इक्क चेल्ला थिया तिसजो प्रभु यीशु ने दर्शन देई करी बोल्लेया, ओ हनन्याह तिसने बोल्लेया हाँ, प्रभु जी

इब्रानियों 11:8

जां परमेश्वर ने अब्राहम जो कुसकी जगाह् पर जाणे तांइ सद्देया, तां तिनिये विश्वास करी के परमेश्वर रे हुकम जो मन्नी करी, इक्क इदेय जगाह् पास्से निकली गेया, जिस जगाह् जो परमेश्वर ने तिसजो तिसेरी अपणी जायदाद रे तौर पर देई दैणी थी। पर से ए नी जाणदा थिया, कि से कुते जाया करदा है, पर से ता भी निकली गेया।