प्रेरितां रे कम्म 12:7 - चम्बयाली नौआ नियम

⁷ ते तिस्सी बेल्ले प्रभु रा इक्क स्वर्गदूत पतरस रे नेड़े आई करी खड़ा होया ते तिस कोठरी बिच लौ चमकी ते तिसने तिसेरी पसली पर हत्थ मारी करी तिसजो जगाया, ते बोल्लेया, उठ फुर्ती मार, ते तिसेरे हत्थ का संगलां खुली करी पेई गई।

प्रेरितां रे कम्म 12:7 ပူးပေါင်းရင်းမြစ်များ

मत्ती 2:13

जां से ज्योतिषी मणू चली गे, तां प्रभु रे इक्क स्वर्गदूत ने यूसुफ जो सुपने अन्दर आई करी बोल्लेया, “उठ, तिस निक्के जो ते तिसेरी मां जो लेई करी मिस्र देस जो नह्सी जा, ते जां तांइ मैं तिज्जो नी बोलगा, तां तांइ तित्ते ही रेयां, किजोकी हेरोदेस राज्जा इस निक्के जो मारणे तांइ तोप्पेया करदा है।”

लूका 2:9

ते तिस बेल्ले इक्क परमेश्वर रा स्वर्गदूत तिन्हेरे मुहाग्गर आई खड़ा होया, ते प्रभु री महिमामय रौसनी ने तिन्हा जो चौंह्-पास्से का घेरी लेया, ते ए सब दिख्खी करी से बड़े-भरी डरी गे।

लूका 24:4

जां से इस सोच बिच ही थी कि, तिन्हेरे का लशकदे कपड़े पाये रे दो मणू आई खड़ी होए

प्रेरितां रे कम्म 10:30

कुरनेलियुस ने बोल्लेया, कि इस बेल्ले पूरे चार रोज पैल्ले मैं अपणे घरे त्रै बजे प्रार्थना करेया करदा थिया, कि तिस बेल्ले, इक्क मणू चमकीले कपड़े पाई करी, मेरे मुहाग्गर आई खड़ा होया।

प्रेरितां रे कम्म 12:23

प्रभु रे इक्क स्वर्गदूत ने तिस्सी बेल्ले हेरोदेस जो मारेया ते से कीड़े पेई करी मरी गेया, किजोकी तिनिये परमेश्वर री महिमा नी कित्ती

प्रेरितां रे कम्म 12:6

ते जां हेरोदेस तिसजो लोक्कां सामणे लियाणे जो थिया, तां तिसका इक्क रात पैल्ले पतरस दो संगलां कने बनितेरा दो सपाईयां रे बिच सोया करदा थिया, ते रखवाली करणे वाले दुआर का जेल री रखवाली करेया करदे थिये।

प्रेरितां रे कम्म 12:8

तां स्वर्गदूत ने तिसजो बोल्लेया, तैयार होई जा, अपणे जूत्ते पाई लै, तिसने तिय्यां ही कित्ता, फिर स्वर्गदूत ने तिसजो बोल्लेया, अपणा चोग्गा पाई करी मेरे पीच्छे चल।

प्रेरितां रे कम्म 16:26

कि इतणे बिच इक्क हिलण गेया ते तिन्ने जेल री नियां तक हिलाई सूटी, अते झट ही जेल रे सारे दुआर खुली गे, ते सब री बेड़ियां खुली गई

प्रेरितां रे कम्म 2:24

पर तिन्हा ही जो परमेश्वर ने मौत रे बधंन का छुड़ाई करी जिन्दा करी दित्ता, किजोकी ए नामुमकिन थिया कि से तिसेरे वस बिच रैहन्दे,

प्रेरितां रे कम्म 5:19

पर रात्ती प्रभु रे इक्क स्वर्गदूत ने जेलखाने रे दुआर जो खोल्ली री तिन्हेरे जो बाहर लाई करी बोल्लेया,

प्रेरितां रे कम्म 9:3

पर जां शाऊल ते तिसेरे साथी चलदे-चलदे से दमिश्क कस्बे रे नेड़े पूज्जेया, ते चाणचक्के ही आसमान का चारो पास्से रौसनी चमकी,

इफिसियों 5:14

इधेरे तांइ ए बोल्लेया जांदा, “ओ सोणे वाले मणू, जाग, ते मुर्देयां बिच का जिन्दा होई जा! मसीह ने तुसा पर अपणी रौसनी चमकाणी।”

इब्रानियों 1:14

तां फिरी स्वर्गदूत कै करदे? कै से सिर्फ परमेश्वर री सेवा करदे? परमेश्वर तिन्हा जो छुटकारा पाणे वाले लोक्कां री देख-रेख करणे तांइ भेजदे।

प्रकाशित वाक्य 18:1

इसेरे बाद मैं इक्क स्वर्गदूत जो स्वर्ग का उतरदे दिख्खेया। तिसजो बड़ा हक्क मिल्ले रा थिया ते तिसेरी बड़ी रौसनी कने पूरी दुनिया भरी गयी।