प्रेरितां रे कम्म 12:5 - चम्बयाली नौआ नियम

⁵ जेल बिच काफी दिनां तांइ पतरस पर पैहरा लाया गेया थिया, पर कलीसिया, तिसेरे तांइ लौ लाई करी परमेश्वर का प्रार्थना करेया करदी थी।

प्रेरितां रे कम्म 12:5 ပူးပေါင်းရင်းမြစ်များ

मत्ती 18:19

मैं तुसा कने फिरी सच बोलदा, जे तुसा रे बिच का दो जणे कुसकी गल्ल तांइ इकमत होई करी प्रार्थना करो, तां तिसजो मेरे स्वर्ग बिच रैह्णे वाले पिता ने पूरा करी दैणा।

लूका 18:1

फिरी यीशु ने अपणे चेल्‍लेयां जो ए बताणे तांइ कि से हर बेल्ले प्रार्थना करदे रैण अते दुख्खी ना होण तिधेरे तांइ इक्क उदारण दित्ता

प्रेरितां रे कम्म 12:12

ते ए सोची करी कि परमेश्वर ने तिसजो हेरोदेस रे हत्थां का बचाए रा है, से तिस यूहन्ना जिस जो मरकुस भी बोलदे, तिसेरी मां मरियम रे घरे गेया। तित्ते बड़े विश्वासी मणू इकट्ठा होई करी प्रार्थना करेया करदे थिये।

प्रेरितां रे कम्म 12:4

ते तिसने पतरस जो पकड़ी करी जेल बिच पाई दित्तेया, ते रखवाली तांइ, चार-चार सपाईयां रे चौं पहरा बिच रख्खेया इस इच्छा बिच कि से फसह रे त्याहार रे बाद तिसजो मणूआं रे सामणे तिस पर मुकद्दमा करे।

प्रेरितां रे कम्म 12:6

ते जां हेरोदेस तिसजो लोक्कां सामणे लियाणे जो थिया, तां तिसका इक्क रात पैल्ले पतरस दो संगलां कने बनितेरा दो सपाईयां रे बिच सोया करदा थिया, ते रखवाली करणे वाले दुआर का जेल री रखवाली करेया करदे थिये।

1 कुरुन्थियों 12:26

इस तांइ जे अगर इक्क अंग बिच कमजोरी हुंदी तां सारा सरीर तकलीफ बिच हुंदा। ते तिय्यां ही जां असा रे सरीर रे इक्क अंग री बड़ी बदिया दिख्ख-रिख्ख हुंदी

2 कुरुन्थियों 1:11

तुसा जो भी प्रार्थना करी असा री मदद करणा चाएदी, ताकि मते मणू असा रे पास्से का तिन्हा आशीषां तांइ परमेश्वर रा शुकर करण जे परमेश्वर ने असा जो मती प्रार्थनां जो सुणी करी दित्ते री हिन।

1 थिस्सलुनीकियों 5:17

लगातार प्रार्थना अन्दर ही लग्गी रेयो

इब्रानियों 13:3

कैदी कने ऐसे पेश आओ कि तिन्हा जो लगे कि जिय्यां तुसा भी तिन्हा कने कैद हिन, ते जिन्हा कने बुरा बर्ताव कित्तेया जांदा, तिन्हा री इदेयी सुधी लेया करो कि जिय्यां तुसा अपणे सरीर बिच तिन्हेरा दर्द महसूस करदे।

याकूब 5:16

इधेरे तांइ तुसा अप्पु बिच इक्क-दूए रे सामणे अपणे-अपणे पाप्पां जो मन्नी लेयो, ते इक्क-दूए तांइ प्रार्थना करो, जिस कने तुसा अपणी बिमारियां का ठीक होई जाओ। धार्मिक मणू री प्रार्थना रे असर कने सब कुछ होई सकदा।